John 1

1 Tuai tiroma, Reti atu mo pete toho moiso. Mo lo toho peresi God, ale Reti sei enia God tataholo. 2 Tuai tiroma, enia mo lo toho peresi God, 3 ale hinia, God mo vai na hinau tari, mo sopo te hinau hatea vara mo sopo vaia hinia. 4 Pulo mauri mo lo toho isana. Mauri atu enia mo lavi na malarani mo mai isana tamlohi. 5 Malarani atu mo sasarami na rÌorÌoha. RÌorÌoha atu mo sopo erÌi turuhoroa. 6 God mo rÌule na tamlohi matea mo mai, hijana John. 7 Enia mo mai mo sohena tuetueni matea vara i vereuli na tamlohi hin malarani atu. Mo verea matan vara tamlohi tari la pa rasu malarani atu. 8 Tuetueni atu enia mo sopo malarani atu, pani enia mo mai vara i vereuli malarani atu. 9 Malarani atu mo mai na varama, enia mo malarani vararÌuhu. Malarani vararÌuhu atu mo sile na malarani vara tamlohi tari la pa levosahia. 10 Hina purongo vara God mo vai na varama hinia, pani varama mo sopo hitevosahia. 11 Mo mai na nona varama, isan la tavtavuina tataholo, pani la rÌohu hinia. 12 Pani isan la haratu la lavia, la rasu na hijana, ale enia mo tinarÌihira vara enira la pa erÌi mai natun God. 13 La mai natun God mata masalon God hasena. La sopo mai natun God na posposi tamlohi mo vora teni na masalo tamlohi. 14 Reti sei mo mai tamlohi, mo lo toho peresirÌa. Kama hite na hina rÌuhurÌuhu matuvana na maurina moiso, hina rÌuhurÌuhu matuvana non haratu hasena enia mo tai isan Tama, enia pulo rÌomrÌuhu, ale enia pulo retivararÌuhu. 15 John mo ulo aulu mara, “Hara sei natu, na lo verea vara i pa mai hitahu hiniau, enia mo aulu hiniau, matan enia mo lo toho tiroma tuai hiniau." 16 Matan nona tavtav mo tavera, ale enrÌa mo isoiso rÌa lo lavi na nona otori rÌuhu matuvana, ale matana, nona rÌomrÌuhu mo lo marÌivisihirÌa la lo masurere hinirÌa, 17 matan Moses mo silerÌa na Leu, pani rÌomrÌuhu peresi na retivararÌuhu la tai isan Iesu KrÌisto. 18 Te tamlohi mo sopo lo hite God hin te pongi, pani haratu enia God sei mo lo toho na tavalun Tama, enia mo vujangia isarÌa vara God enia mo sohena sava. 19 Hin rani atu tamlohi tatavera nona Jew la rÌule na prÌis peresi na tatua vao Levi enira tuetueni nona prÌis la lo toho Jerusalem vara la mai la usia isan John vara, “Engko natu KrÌisto atu teni mo vono?” Ale John mo rÌaramira, 20 mo sopo vunvunia, mo taviti isara mara, “Enau mo sopo KrÌisto atu!" 21 Ale la usia isana lara, “Ale o to verea vara, engko hare? Engko Elijah teni mo vono?” Pani mo rÌaramira mara, “Mo vono, mo sopo enau.” La mele usia lara, “Engko natu, prÌovet atu teni mo vono?” Mo mele verea isara mara, “Mo vono.” Deut 18.15, 18; Isa 40.3 22 Ale la verea isana lara, “Engko hare? O vere kamam hinia matan kama pa erÌi rÌarami la haratu la lo rÌule kamam. O to vere kamam hiniho vara engko hare." 23 John mo verea sohen prÌovet Isaiah mo vereamara, ‘Enau leo atu mo lo ulo na jara hasetoho, ha vasahi na malele matan vara Moli God i pa hahau hinia!’ Isa 40.3 24 Ale tatuara la mai isana enira la tai na vao Pharisee. 25 La mele usi John hinia lara, “Kama rongoho moiso vara engko mo sopo KrÌisto atu, teni Elijah teni prÌovet atu Moses mo verea vara i pa mai, ale vara mo sohena, mata sava ko lo paptijo na tamlohi?” Deut 15.15â18 26 John mo rÌaramira mara, “Paptijo nike, enau na lo vaia na wai purongo, pani matea mo lo turu na livuhamim moiso kamim ka sopo lo hitevosahia, 27 haratu sei i pa mai usuriau enia mo aulu hiniau, ale enau na sopo tataholo vara a uli narÌihi na asi eve palona." 28 La hinau sei la masese na taon Bethany, tavalu vano na wai Jordan. Hin jara atu John mo lo paptijo na tamlohi ea. 29 Mo mele rani sahe, John mo hite Iesu mo lo hahau mo lo mai isana, mo verea isan vao atu mara, “Eh! Ha kilau vano sevano isan tamlohi sei mo lo mai. Enia natu, Natu Sipsip non God tataholo, enia natu, i pa lavi narÌihi na hehe nona tamlohi na varama. 30 Enau na pete vere kamim hinia moiso vara, ‘Tamlohi matea i pa mai hitahu hiniau mo aulu jea hiniau!’ matan mo lo mauri mo lo toho moiso tiroma na noku pongi vora.’ 31 Enau na sopo hitevosahia vara enia hare, pani enau na mai na lo paptijo na wai matan vara enia i pa pala isan Israel." 32 Moiso, John mo lo vereulia mara, “Na hite Tanumen God mo tai aulu na tuka sohena vomahe matea, mo tau hinia. 33 Tiroma na sopo hitevosahia vara enia hare, pani haratu sei mo rÌuleau vara a paptijo na wai mo vereau hinia mara, ‘Vara o hite na Tanume Tapu i sevuti i tau na tamlohi matea, tamlohi atu natu, ko lo kilau matana. Enia haratu i pa rÌurÌuni na tamlohi na suihan Tanume Tapu.’ 34 Matan na hitea moiso enau a erÌi verea kamim hinia vara vararÌuhu haranike natu, enia Natun God." 35 Mo mele rani sahe, John mo lo turu atu mo lo sorasora peresi na nona tamlohi usuri mo rua hin jara atu. 36 Moiso, John mo hite Iesu mo lo hahau na tavalura, moiso John mo verea isara mara, “Ka hite tamlohi sevano, enia natu, enia Natu Sipsip non God tataholo." 37 Tamlohi usuri non John lara la rongoa, la vano vahatea vara la pa usuri Iesu. 38 Moiso Iesu mo posi vano isara mo hite vara la lo usuria mara, “Ka opoi na sava?” La rÌaramia lara, “Rabbi, imam mo lo toho epu?” Ale rÌaramin hija nike ‘rabbi’ enia ’tija’. 39 Moiso mo verea isara mara, “Ha mai, ha pa hitea.” La vano enira tolu Iesu la hite jara atu Iesu mo lo toho ea. Matan alo mo vati na ravravi moiso, ale la lo toho peresia mo sinai mo ravravi jea. 40 Vonara matea atu sei mo rongo John mo lo verera hin Iesu, ale mo usuria enia Andrew, vorain Simon Peter. 41 Hinau tiroma Andrew mo vaia mo vano vara i ale tavaina Simon vara i verea isana vara, “Kama hite tamlohi atu, enia natu pa Tamlohi Jujuri atu!” Tamlohi Jujuri na leon tavtavuin Israel rÌaramina enia ‘KrÌisto’ na leo mara Greek. 42 Andrew mo verea isana moiso mo lavia mo mai isan Iesu. Moiso Iesu mo verea isana mara, “Engko Simon natun John, pani nake a pa tau na hijam vara Cephas.” RÌaramin hija sei ‘Cephas’ enia ‘Peter’. 43 Mo mele rani sahe Iesu mo vano Galilee. Mo tapai Philip ea, ale mo verea isana mara, “O pa mai noku tamlohi o usuriau!" 44 Philip mo tai hin taon sei Bethsaida, jaran Andrew enia Peter. 45 Philip mo malue vara i ale Nathanael, moiso mo verea isana mara, “Kama tapai pa tamlohi tataholo atu sei Moses mo lo ulia na Leu, ale prÌovet sohena la uliuli matana vara i pa mai. Kama hitea enia mara Nazareth, natun Joseph, hijana Iesu." 46 Pani Nathanael mara mo rongoa mo verea mara, “Nazareth! I vono! Sava hinau i rÌuhu i erÌi malue hin jara atu?” Philip mo rÌaramia mara, “O mai, o pa hitea engko hasem." 47 La pa lo mai, Iesu mo hitera, mo verea isan Nathanael mara, “VararÌuhu, na lo hite na tamlohi matea enia mahapin Israel tataholo matea, mo sopo te halu hinia." 48 Ale Nathanael mo usia mara, “Pani engko ko levosahiau sohena sava?” Iesu mo rÌaramia mara, “Hin rani atu Philip mo sopo lo vano matam, enau na pete hiteho moiso, ko lo sakele na malumalu pulo fig vipahai atu." 49 Nathanael mo rÌaramia mara, “Tija, engko Natun God tataholo! Engko Supe non Israel!" 50 Iesu mo rÌaramia mara, “Enau na verea purongo vara na hiteho ko lo sakele na pulo fig matea, moiso vahatea purongo ko rasuau, pani o pa mele hite na hina marÌurahi matuvana, la pa jeu haratu sei ko lo hitera! 51 VararÌuhu na verea isamim mo isoiso, ha pa hite tuka i roi, moiso ha pa hite na angelo non God la pa lo mai, la pa lo sahe aulu, moiso la pa lo sevuti isan Natun Tamlohi."