John 4

1 Na rani Iesu mo levosahia vara Pharisee la rongoa moiso vara tamlohi la lo usuria, la jeu la haratu la lo usuri John, 2 mo rÌuhu vara ha levosahia vara Iesu hasena mo sopo paptijo na tamlohi, pani nona tamlohi usuri hasera la lo paptijo na tamlohi, 3 ale matana, Iesu mo malue Judea mo mele vano Galilee. 4 Hin rani atu mo lo hahau roto Samaria, 5 mo hahau mo mai Samaria na taon matan Sychar mariviti hin lepa atu sei tuai Jacob mo silea isan natuna Joseph. 6 Wel atu Jacob mo helia tuai mo pa lo toho ea, ale Iesu mo sakele na tavaluna matan mo hahau jara peravu mo malokoloko. Ale na livuha rani, tamlohi usuri non Iesu la vano vara la voli te hanhani na taon. HarÌai mara Samaria matea mo mai vara i utu te wai na wel. Iesu mo usia isana mara, “O erÌi utu te maku wai?" 9 HarÌai atu mo rÌaramia mara, “Engko Jew matea, ale enau harÌai mara Samaria! Vara sava engko ko usiau vara a utu te mam wai?” Mo usia sohena matan mara Judea peresi na mara Samaria la lo hitelehilehira. 10 Moiso Iesu mo rÌaramia mara, “Engko ko sopo levosahi na sava God mo opoia vara i silea isam. Ale engko ko sopo levosahia vara harepu nahai mo lo usiho na wai mata i inua. Vara o pa lo levosahia, o pa usiau na wai sei mo sile na mauri." 11 Ale harÌai atu mo usia isana mara, “Tapala, mo sopo te nom baket, ale wel sei mo sivo atano. O pa erÌi utu wai atu mo sile na mauri epu? 12 Pimam Jacob mo heli wel sei matamam, moiso enia peresi na vaona peresi na pulana maji palovati tari la inu hinia. Engko o pa erÌi jeu na sava Jacob mo vaia?" 13 Iesu mo rÌaramia mo verea mara, “Tamlohi tari la lo inu wai sei la pa mele marÌohu. 14 Pani la haratu vara la inu na wai a pa silea, la pa sopo erÌi mele marÌohu na rani sei la pa mai. Wai atu a pa silea enia patu wai sei mo sile na mauri tui." 15 Ale harÌai atu mo rÌaramia mara, “Tapala, o sileau a inu wai atu matan vara a sopo mele marÌohu vara a pa mele mai hin wel nike." 16 Ale Iesu mo verea isana mara, “O vano o lavi tuam i mai." 17 HarÌai atu mo rÌaramia mara, “Enau mo sopo te tuaku.” Iesu mo verea isana mara, “Ko verea ko vararÌuhu, mo sopo te tuam. 18 Engko ko lahi, ale tuam mo lima moiso, ale nake tamlohi atu ko lo toho peresia enia mo sopo tuam tataholo. Haratu ko verea mo vararÌuhu." 19 Ale harÌai atu mo verea isana mara, “Moli, na hitevosahia vara engko prÌovet matea. 20 Pimam la lo lotu na vutivuti nike, pani kamim Jew ka vara Jerusalem purongo enia jara tataholo vara tamlohi la lo lotu ea." 21 Ale Iesu mo verea isana mara, “O rasuau, pongi matea mo lo mai vara ha pa sopo mele lotu Tama hin vutivuti nike teni Jerusalem. 22 Kamim mara Samaria, ka sopo levosahia vararÌuhu vara ka lo lotu hare. Pani kamam Jew, kama levosahi God atu kama lo lotua. Hin na mahapi Jew God i pa juri na varama. 23 Pani pongi matea mo lo mai, ale mo tapulo moiso vara la haratu la lotu vararÌuhu, la pa lotu Tama sohena Tanumena mo vujangira na malele retivararÌuhu. Tama mo lo ale na tamlohi sohen harihi vara la lotua. 24 God enia Tanume, la haratu sei la lotu God la pa lotua sohena Tanumena i pa tiromara vara la pa usuri na malele retivararÌuhu." 25 HarÌai atu mara, “Enau na levosahia vara Tamlohi Jujuri i pa mai, enia natu kama tovia KrÌisto. Ale hin pongi atu vara i mai, i pa vere mamahuni na hinau tari isamam." 26 Iesu mo verea mara, “Enau natu, tamlohi atu mo lo toho jejeu. Na lo retireti isam nakerihi." 27 Vahatea atu, tamlohi usuri non Iesu la mele hilu, moiso la marÌurahi tavera matan Iesu mo lo retireti peresi na harÌai matea. Pani te vonara mo sopo usia vara, ‘Ko opoi na sava?’ teni ‘Mata sava ko lo retireti isan harÌai nike?’ 28 Moiso harÌai atu mo tau nona jara wai, ale mo mele maro hilu mo vano na taon. Mo verea isana tamlohi mara, 29 “Ha mai! Ha hite na tamlohi matea sei mo vereau na hinau tari na vaira moiso. Korong enia natu, KrÌisto atu teni?" 30 Ale tamlohi tari hin taon atu la vano la hite Iesu. 31 La hinau atu la lo vano, moiso tamlohi usuri non Iesu la lo verea isana lara, “Tija, o hani te hinau." 32 Pani Iesu mo verera hinia mara, “Haku hinau kamim ka sopo levosahia te hinau hinia." 33 Nona tamlohi usuri la lo usiusira hinia lara, “Tea mo sile te hanhani isana teni mo vono?" 34 Pani Iesu mo verea isara mara, “Haku hinau, enia mata a vai na masalon God. Enia natu, mo rÌuleau, ale enau a pa vai vevuhi na nona vavahinau sei mo taua isaku vara a vaira. 35 Ha sopo verea vara vitu mo vati mo lo toho vara i tikeli na asitauni. Pani enau na lo vere kamim hinia vara ha to kilau vano, ha pa hite vara isa la jea la lo mena mata lavi na asitauni moiso. 36 Tamlohi asitauni la lo lavi na volira, mata la lo vu na vua mata mauri tui. La haratu la lo haporÌahi na piri peresi la haratu la lavi na vua asitauni la pa avulahi jea na jara matea. 37 Hin haratu reti nike mo vararÌuhu, ‘Hai la haporÌahi na piri, hai la lavi na vua asitauni.’ 38 Enau na lo rÌule kamim vara ha pa lavi na vua asitauni na isa sei tamlohi tinapua la vai na voko rÌilangi ea moiso." 39 Vao tavera mara Samaria hin taon atu la tau na nora rasua hin Iesu matan harÌai atu mo vere mara, “Tamlohi nike, mo vereau na hinau tari na vaira moiso." 40 La mai la usia isana vara i lo toho na taon nona mara Samaria. Ale mo lo toho ea mata rani mo rua. 41 Ale vao tavera mara Samaria la tau na nora rasua hin Iesu, mata sava la rongoa mo lo verea. 42 La verea isan harÌai atu lara, “Kama sopo rasu Iesu matan la hinau atu ko lo verea isamam purongo, pani matan kama hasemam rongoa, ale kama levosahia mo rÌuhu vara enia natu, Jujuri mata Varama!" 43 Mo mele rani mo rua tinapua moiso, mo malue mo vano Galilee, 44 matan Iesu mo verea moiso vara tamlohi la pa oloolo na prÌovet na jara tari, pani mo sopo na jarara tataholo, 45 ale mo sinai Galilee, ale mara Galilee atu la avulahi na nona mai matan la hite la hinau tari atu mo lo vaia Jerusalem na hanhani Passover ea matan enira sohena la sahe Jerusalem mata hanhani ea. 46 Ale hin rani atu mo lo toho Galilee, mo mele hilu mo vano Cana taon sei mo posi na wai mo mai waen ea tiroma. Ale tamlohi tavera matea atu Capernaum natuna mo rojo. 47 Pa tamlohi tavera mo rongo vara Iesu mo tai Judea mo mai Galilee moiso, mo vano vara i usia rÌilangi vara i erÌi vai mamahuni natuna. 48 Iesu mo verea isan tamlohi tavera atu mara, “Kamim tamlohi, i pa sopo te nomim rasua vara ha sopo hite na matamata tavera peresi na hina marÌurahi!" 49 Pani tamlohi atu, mo rÌaramia mara, “Moli! O erÌi mai vila? Vara i vono, natuku i pa mate!" 50 Iesu mo rÌaramia mara, “Natum i pa mauri. O mule, o vano isana!” Tamlohi atu mo rasu na sava Iesu mo verea isana, ale mo tapulo mule. 51 Te slev non tamlohi tavera atu la tapaia na malele, ale la verea isana lara, “Natum mo mele rÌuhu moiso!" 52 Mo usira mara, mo mele rÌuhu nangisa, ale la rÌaramia lara, “Seserei atu mo malue isana nanovi na matan alo matea." 53 Vahatea taman uluvou atu mo rÌomrÌomia vara matan alo matea nanovi Iesu mo verea isana mara, “Natun i pa mauri!” Ale tamlohi atu peresi na vao imana la tau na nora rasua hin Iesu. 54 Matamata tavera sei enia harua matamata Iesu mo vaia hin rani atu, hitahun haratu mo malue Judea mo vano Galilee.