Jude 1

1 Leta nike, enau Jude na ulia. Enau slev non Iesu KrÌisto, enau tasin James. Na uliuli isan la haratu, God Tama mo virÌonira, ale mo taura na nona opoia, Iesu KrÌisto mo lo matahira. 2 Na lo usiusi vara tarea, God i pa lerÌuhu hin kamim i tavera jea, ale vara tarea, i pa silea kamim na nona rÌomopoia peresi na nona tamata peresi na nona opoia! 3 La tapalaku rÌuhurÌuhu, a pa verea vara, tiroma na lo rÌomrÌomia vara a uliuli isamim vara God mo jurirÌa sohena sava, pani nake, na hitea vara a pa uliuli vara a retituetueni kamim vara ha pa valum rÌilangi tarea mata taurilati vujangi vararÌuhu atu, God mo lo silea isana nona tapuhi moiso na rani matea mata rani tui tui. 4 Te tamlohi la mai luhu, la unu matan te rÌomira na livuharÌa, ale la lo verea lara, ‘Mo rÌuhu purongo vara rÌa vai na hehe peresi na harÌai teni rÌa vai te hina sasati matuvana, matan rÌomrÌuhu non God i pa vai God i rÌomirÌa.’ Posposi sohen harihi, mo lo vujangia vara la vaharÌi hin Moli Iesu KrÌisto norÌa Tamlohi Tavera, enia sei mo matelete. Pani tuai jea, la ulia moiso, ale Retiulia mo retirÌoarÌoahai vara God i pa ari na tamlohi sei la rÌohu na posposi tataholo non God sohen harihi. 5 Pani nake na opoia vara a mele verea isamim na sava ka levosahia mo rÌuhu moiso, vara sava mo masese isana tamlohi atu Moli God mo jurira tuai Egypt, pani hitahun haratu, enia mo komo la haratu la sopo rasua. Exo 12.51; Num 14.29â30 6 Ale sohena sava, God mo pesi la angelo atu tuai, haratu la sopo avulahi na suiha sei God mo taua isara, ale la malue na jarara tataholo, ale matana, God mo lo taurilatira na jara rÌorÌoha tavera matea. La pa toho atu, i tikeli na rani tavera mata aria. 2Pe 2.4, 9 7 Ale ha rÌomrÌomi na sava mo masese isana taon matan Sodom enia Gomorrah peresi na taon la lo toho mariviti hinira tuai, matan nora tamlohi la vaia sohen la angelo atu tuai, matan la lo hahau usuri na posposi viriu matuvana peresi la haratu la sopo tataholo isara, ale sohena sava God mo komora na hapu, mo vaia sohena tovongi matea isarÌa mata talai tui tui. Gen 19.1â24 8 Sohen la haratu tuai, la tamlohi nike la unu, la vai na posposi hehe na epera mo sati, matan la vere na tamlohi vara la pa vai na sava la lo mavuho hinira. Ale la tipahi na suiha tari sei la aulu hinira, ale la verelehilehi na angelo aulu. 9 Pani Michael moli nona angelo, mo sopo vaia sohena. Hin rani atu mo opoia vara i lavi narÌihi na tarapen Moses, enia Tiapolo la vauriuri matana, pani hina purongo hin haratu vara enia mo angelo aulu matea, mo sopo retilehilehi na hijan Tiapolo, mo vono, Michael mo verea purongo mara, “Moli God i pa sileho na talai!’ Dan 10.13, 21; 12.1; Rev 12.7; Zec 3.2 10 Pani la tamlohi nike, la unu, tavalura matea la lo kerekerehi, ale la lo kali na hinau la sopo levosahi te hinau hinira, pani mele tavalura tinapua, la lo usuri na nora rongovosahi purongo sohena maji, ale rÌomira mo vono, pani hitahuna posira i pa komora hasera. 11 Rani sasati tavera i pa mai isara, matan la lo usuri na sava Cain mo vaia tuai, ale la lo vai na hehe sohen Balaam mo vaia tuai, matan la lo rÌomrÌomi na mania purongo. Ale sohena posposi sei non Korah tuai, la lo usuri na posposi lejileji atu, mo vaia tuai isan God, ale la pa tihai sei matana. Gen 4.3â8; Num 22.1â35 12 La tamlohi nike, la sohena ratarata sasati na lolo tasi, boti la lo takosa hinira, matan la lo toho na nomim hanhani matavuhi kalesia, pani la sopo mahanuhanu vara la lo rÌomrÌomira hasera purongo. La tamlohi nike, la sohena telangi langi mo lo serera, pani la sopo erÌi sile te usa na rani alo mo rÌilangi. La mate vevuhi sohena pahai sei, mo marivu mo koru, mo sopo te vuana, mo sopo te rauna. 13 Nora hinau mahanuhanu la pala sohena valval loloputu tavera na tasi langivili. La sohena vitusarasara sei la jalio na malelera, ale la pa toho jejeu na jara rÌorÌoha tavera atu God mo tau mamahunia matara. 14 Ale sohena Enoch sei, enia mo halimaravrua pina mo usuri Adam, ale enia mo lo retireti hin la tamlohi nike moiso, mo verea mara, ‘Ha hitea! Ha kilau sahe aulu, Moli God mo lo mai peresi na nona vao angelo tapu, tea i sopo erÌi evira, Gen 5.18, 21â24 15 matan vara i ari na tamlohi tari. I pa sile na talai isan la haratu la rÌohu na posposi tataholo sei God mo opoia, matan nora sasati tari la vaira na nora lejileji vano isan God. Moli i pa sile na talai isan la tamlohi lejileji sei, mata nora retihehe tari sei la verea isana. 16 La tamlohi nike, la lo retireti varihi, ale la lo ngutungutu, la lo usuri na masalora purongo. La lo retimangisi hinira hasera, ale la lo haluhalu na tinapua mata lavi te hinau isara. 17 La tapalaku rÌuhurÌuhu, ha sopo rÌomaliho na retirÌoarÌoahai sei vaharÌule nona Moli Iesu KrÌisto la silea isamim moiso. 18 La verea isamim vara mariviti na isoiso rani, tamlohi hanmarua peresi na tamlohi lejileji la pa tapulo kerehi God. 19 Ale la tamlohi nike, tarea enira la pulo patumasa matan enira tamlohi non varama purongo, ale Tanumen God mo sopo toho isara. 20 Pani la tapalaku rÌuhurÌuhu, ha tuetueni kamim vara ha ulua na nomim rasua tapu, ale na rani vara ka lo usiusi, ha tinarÌihia vara Tanume Tapu i pa tiroma hin kamim. 21 Ha vujangia vara ka opoi God na nomim hahau, ale ha tau na rÌomimim na rÌomopoia non Moli Iesu KrÌisto sei vuana enia mauri tui. 22 Ha vujangi na nomim rÌomopoia isan la haratu sei, la lo rÌomkaka mata nora rasua, 23 Ale ha juri na tinapua, ha reve narÌihira na hapu aria. Ale tatua tamlohi ha pa rÌomopoira, pani ha lo kilau vara ha vaia, ha pa nikei na nora ruru sohena vara nora hehe mo lo kaluti hinira. 24 Ale nake, rÌa pa sile na oloolo tavera isan God, matan enia hasena i pa erÌi turuhoro kamim vara ha sopo jovi, ale enia i pa lavi kamim i tau kamim na nahona ha vokevoke, ale ha pa avulahi tavera jea. 25 Mo tataholo vara God norÌa Jujuri hin norÌa Moli Iesu KrÌisto, i lavi na oloolo tavera, auluna, suiha, ale suiha mata i aulu na hinau tari. Amen.