Luke 20

1 Na rani matea, Iesu mo pa lo vujangi na tamlohi na lolo Temple na retivujavujangi mata RetirÌuhu, ale tamlohi aulu nona prÌis peresi na tamlohi vujangi mata leu, peresi na vajiahan Israel la mai isana, 2 ale la verea isana lara, “O to vere kamam hinia, vara sava suiha nahai, ko lo vai la hinau nike hinia, teni ko lo vai la hinau nike na suihan hare?" 3 Mo rÌaramira mara, “Enau sohena, a pa usi kamim na retiusia matea, ale ha to verea isaku vara 4 paptijo non John mo tai na tuka teni isana tamlohi?" 5 Moiso la sorasorahia isara lara, “Vara rÌa verea vara, ‘Mo tai na tuka!’ enia i pa verea vara ‘Mata sava ka sopo rasua?’ 6 Pani vara rÌa verea vara, ‘Isana tamlohi!’ tamlohi tari la pa parumateirÌa matan la rÌom vara John enia prÌovet matea." 7 Ale matana la rÌaramia lara, “Kama sopo levosahia vara mo tai epu." 8 Ale Iesu mo verea isara mara, “Vara sohena, enau sohena a pa sopo erÌi vere kamim hinia vara na lo vai la hinau nike na suihan hare." 9 Ale, Iesu mo tapulo vere na tamlohi hin titileu akerihi mara, “Tamlohi tavera matea mo lavo na isa grape matea, ale tamlohi la lo pakaia isana. Ale enia mo vano na jara tinapua mo toho mo peravu ea. 10 Na rani asitauni mo mai, mo rÌule na nona volitusi matea mo vano vara i lavi te vua asitauni isara. Pani la tamlohi atu la tamajia, ale la rÌulea mo vano lekoleko. 11 Ale tamlohi tavera atu mo mele rÌule na volitusi tinapua matea, pani la mele tamajia la vailejlejia, ale la mele rÌulea mo vano lekoleko. 12 Ale tamlohi tavera atu, mo mele rÌule na hatolura. Enia sohena la vili kitkitia, ale la tipahia. 13 Pa tamlohi tavera matan isa grape atu mara, ‘A pa vai na sava natu? Na levosahia, a pa rÌule natuku rÌuhurÌuhu nike; korong la pa oloolo hinia.’ 14 Pani la tamlohi atu lara la hitea la hase verea isara lara, ‘Avei korong natuna nahai, rÌa vilimateia matan koruna i pa norÌa.’ 15 Ale la pulahi narÌihia hin isa atu ale la vilimateia.” Ale Iesu mo usira mara, “Ka levosahia vara tamlohi tavera matan isa grape atu i pa vai na sava isan la tamlohi atu? 16 I pa mai i vaikomokomora, ale i mele sile isa grape sei isan te tamlohi tinapua.” La tamlohi tavera atu lara la rongo la reti atu lara, “I pa sopo sohen haratu!" 17 Pani Iesu mo kilau vano tataholo isara mo verea mara, “Vara mo vono, rÌaramin reti sei la ulia tuai enia sava lara, ‘Vatu atu, tamlohi voro na ima la tipahia mo mai pulo vatu atu mata ima’? Psa 118.22 18 Tamlohi tari vara la tialahalaha hin vatu atu, vatu atu i pa putputira, ale vara i jovi hin tea i pa lomolomoa." 19 Tamlohi vujangi mata leu peresi na tamlohi aulu nona prÌis la aleale malele vara la taurilatia hin rani atu purongo, matan la rongovosahia vara Iesu mo lo verea titileu atu matara, pani la matahuni na tamlohi. 20 Moiso la lo kilau rÌorÌohia, ale la rÌule hai vara la usuri rÌorÌohia la lo tiasia vara i vere te hinau la erÌi taurilatia matana, ale la erÌi taua na lima tamlohi aulu matan Rome matana. 21 Matan haratu, la usia lara, “Tija, kama levosahia vara nom reti peresi na nom vujangi la tataholo, ale ko sopo tametame tea, pani tarea ko lo vujangi na malele vararÌuhu non God. 22 Kama opoia vara kama usiho na retiusia matea. Mo tataholo vara kama sile na takis isan Supe nona mara Rome teni mo vono?" 23 Pani Iesu mo levosahi na nora halu, ale mo verea isara mara, 24 “Ha vujangiau hin te selen hatea mata takis. Niniun hare nakerihi, ale sava uliuli nahai hinia?” Lara, “Non Supe nona mara Rome." 25 Iesu mo verea isara, “Vara sohena, ha sile Supe nona mara Rome na sava enia nona, ale isan God na sava enia non God." 26 Ale la tamlohi atu la sopo erÌi pisuhia hin te hinau mo lo verea na naho tamlohi, pani la marÌurahi tavera na nona rÌarami reti, ale la lo turu tapanono. 27 Sadducee hai la mai isana, enira vao matea la sopo rasua vara God i pa sauteterahi na tamlohi, 28 ale la usi na retiusia matea isana lara, “Tija, Moses mo ulia mara vara vorai tamlohi matea mo mate, enia narouna matea pani mo sopo te natuna, tamlohi atu i pa lavi na malepun voraina ale i pa tape te natun voraina. 29 Ale na rani matea, vorai mo limaravrua la lo toho. Vora tiroma mo lavi na narouna matea, ale mo mate mo sopo te natuna. 30 Ale vora usuria mo pete lavia, 31 moiso hatolura mo mele lavia, ale la tupu limaravrua atu la mate enira mo isoiso, pani la sopo tape te natuvarihi. 32 Hitahuna harÌai atu mo mate. 33 Hin rani atu vara God i sauteterahi na tamlohi, harÌai atu i pa naroun hare? O to verea isamam, matan enira tupu limaravrua la lahi hinia!" 34 Ale Iesu mo verea isara mara, “Nake na varama, tamlohi la lo lahi, ale la lo sile na harÌai mata lahi, 35 pani la haratu God mo hitea vara la tataholo mata turu na sauteterahi na mateia mata unu hin pongi atu mo lo mai, enira la pa sopo lahi teni tea i pa sopo silera mata lahi, 36 matan la pa sopo erÌi mele mate hin te rani matan enira la pa sohena angelo, la natun God matan enira la natun sauteterahi atu. 37 Pani usuri rÌomrÌomi atu sei vara tamlohi la pa mele turu na mateia teni mo vono, Moses sohena mo ulia na Retiulia, sei mo verea hin rani atu God mo retireti isana hin vipahai atu mo lo pepe, Moses mo tovi Moli God mara, ‘God non Abraham, God non Isaac ale God non Jacob’. Exo 3.6 38 God enia mo sopo God nona tamlohi mate, pani nona tamlohi mauri, matan isana, tamlohi tari la lo mauri." 39 Moiso tatua tamlohi vujangi mata leu la rÌaramia lara, “Tija, ko verea ko vararÌuhu." 40 Mo sopo te vonara hatea i mele opoia vara i usia hin te retiusia hatea. 41 Pani Iesu mo mele verea isara mara, “Mo sohena sava natu la pa verea vara KrÌisto enia natun supe David? 42 Matan David hasena mo verea na puku non psalms mara, ‘Moli God mo verea isan noku Moli mara: O sakele na matuaku, 43 vavano a vai na nom meresahi la mai la toho na ruhuruhu palom.’ Psa 110.1 44 David mo tovia Moli, sohena sava natu enia mo pa natuna?" 45 Ale na peron vao atu la lo tapurongo mo verea isana nona tamlohi usuri mara, 46 “Ha lo kilau mata tamlohi vujangi mata leu, sei la lo opoia vara la lo hahau rÌalihi peresi na ruru peravu mata hapahapa, ale la opoia vara la lo lavi na retioloolo na naho tamlohi na jara maket, ale la opoi na jara sakele la taura mata tamlohi aulu na ima lotu, ale la opoia vara la lo sakele na jara sakele nona tamlohi sei la tovira mata mai na hanhani tavera, 47 ale ha lo kilau mata nora halu sei la lo lavi narÌihi na hinahinau tari nona harÌai malepu hinia, ale la lo tavuhoro na nora vavahinau na usiusi peravu. La pa lavi na talai tavera i jeu na tinapua."