Luke 23

1 Moiso enira mo isoiso la turu, ale la lavi Iesu mo vano isan Pilate. 2 La tapulo tuvaia lara, “Kama hite tamlohi nike mo lo tikauleji na nomam tamlohi, ale mo lo horo kamam vara kama sopo sile te takis isan supe matan Rome, ale enia mo lo verea vara enia natu, KrÌisto, supe atu sei i pa mai." 3 Ale Pilate mo usia isana mara, “Engko Supe nona Jew?” Ale mo rÌaramia mara, “Engko ko verea moiso." 4 Moiso Pilate mo verea isana tamlohi aulu nona prÌis peresi vao tavera atu mara, “Na sopo vilei te hehe hin tamlohi nike." 5 Pani la verea toho hinia mo rÌilangi lara, “Enia mo vai na tamlohi la lo usuri na rÌomina, mo vujangira na jara tari Judea mo tapulo Galilee mo sinai mo kau nike." 6 Pilate mara mo rongoa sohena, mo usia mara enia mara Galilee matea teni. 7 Ale Pilate mara mo levosahia vara Iesu mo tai na jara Galilee mo lo toho na ruhuruhun Herod, mo rÌulea mo vano isana matan mo lo toho Jerusalem hin rani atu. 8 Na rani Herod mara mo hite Iesu, mo avulahi tavera matan tuai moiso, mo opoia vara i hitea matan mo lo rongo na sorasorahina, ale mo lo rÌomtau vara i pa hite Iesu i vai te matamata. 9 Ale mo usia na retiusia mo usia mo tuai, pani Iesu mo sopo rÌaramira. 10 Tamlohi aulu nona prÌis peresi na tamlohi vujangi mata leu la lo turu na pahisana, la lo tuvaia mo rÌilangi. 11 Ale Herod peresi na nona tamlohi vuro, la vaisatihia na nora retireti, ale la kerehia. Moiso la rua na ruru rÌuhurÌuhu, la rÌulea mo mele vano isan Pilate. 12 Hin rani atu purongo, Herod mo tapala peresi Pilate. Pani tiroma enira tupra rua la meresahi. 13 Moiso Pilate mo tovi matavuhi na tamlohi aulu nona prÌis peresi na tamlohi aulu non Israel peresi na tamlohi, 14 ale mo verea isara mara, “Ka lavi tamlohi nike mo mai isaku, ale ka verea vara enia mo lo tikauleji na tamlohi. Ale nara na kilau usuri na sava ka lo verea matana moiso, ale ha levosahia vara na sopo vileia vara tamlohi nike mo ori hin te hinau hatea sei ka lo tuvaia hinia. 15 Herod sohena, mo sopo vilei te hinau, matan enia mo mele rÌulea mai isarÌa. Ka hitea, mo sopo vai te hinau vara i pa mate matana. 16 Matana, a pa sile na talai matea isana, moiso a pa tinarÌihia vara i vano." 17 Pani la ulo enira mo isoiso vahatea lara, “O vilimatei tamlohi sei! Ale o sile Barabbas isamam!" 19 Barabbas enia tamlohi matea la pulahia na ima rÌilangi matan mo lo tiroma na tamlohi mata valum hin taon tavera atu, ale matan mo lo vilimatei na tamlohi. 20 Pilate mo mele sile na retireti isara matan mo opoia vara i tinarÌihi Iesu, 21 pani la lo ulo toho lara, “Ha vosaea na talopeilopei! Ha vosaea na talopeilopei!" 22 Ale Pilate mo mele sile na nona hatolu reti isara mara, “Mata sava? Mo vai na sava mo sati? Enau na sopo vilei te hinau vara i pa mate matana. Ale matana, a pa sile na talai matea isana moiso a tinarÌihia vara i vano." 23 Pani la lo ulo toho isana la lo usia lara la vosaea na talopeilopei. Ale nora reti mo vili na reti non Pilate. 24 Matana, Pilate mo tinarÌihia vara sava la usia i pa sohena. 25 Matan la usia, mo tinarÌihi pa tamlohi atu sei mo lo taua na ima rÌilangi matan mo lo tiroma na tamlohi mata valum, ale matan enia mo lo vilimatei na tamlohi, pani mo sile Iesu vara i vano na masalora. 26 Ale la pa lo tiroma hinia mo lo malue, la taurilati na tamlohi matea hijana Simon mara Cyrene, enia mo tai asau rÌove na jara vutivuti, ale la tau na talopeilopei isana matan vara i solotia, ale mo usuri Iesu. 27 Ale vao tavera jea nona tamlohi peresi na harÌai la lo tangisia, la lo tangtangi, ale la lo usuria. 28 Pani Iesu mo verea isara mara, “La venatun Jerusalem, ha sopo tangisiau, pani ha tangisi kamim hasemim peresi na natumim. 29 Matan ha lo levosahia vara rani matea mo lo mai sei la pa verea vara, ‘Avulahi isana harÌai aroaro, ale isan haratu la sopo tatape, ale isan la haratu la sopo lo vasusu hin te rani.’ 30 Hin rani atu, ‘Tamlohi la pa tangi isana vutivuti lara â ha jovjovi isamam! Ale isana pesapesa la pa verea lara â ha tavuni kamam!’ Hos 10.8 31 Matan vara, vara la vai la hinau nike na rani rÌuhu sei vipahai la lo ulua mo rÌuhu, i pa sohena sava hin rani atu mo koru?" 32 Tamlohi tinapua mo rua sei la tamlohi sasati, la tiromara la vano matan vara la pa vilimateira peresi Iesu. 33 Ale lara la kakau jara atu sei la tovia ‘Sui Patu Tamlohi’ la vosaea hin jara atu na talopeilopei peresi la tamlohi sasati atu, matea na matuana, ale matea na marauna. 34 Ale Iesu mara, “Tata, o rÌomira matan la sopo levosahi na sava la lo vaia!” Ale tamlohi vuro atu la vai na roro matea mata hitea vara hare natu i pa lavi te nona ruru. Psa 22.18 35 Tamlohi la lo turu atu, la lo kilaua, pani tamlohi aulu natu la lo kerehia lara, “Enia mo juri na tinapua! I to hase juria vara enia natu, KrÌisto non God, hara sei God mo virÌonia!" 36 Tamlohi vuro atu sohena la lo kerehia, la mai isana la sile na waen hohona isana vara i inua, 37 ale lara, “Vara engko Supe nona Jew, o hase juriho!" 38 La uli na uliuli matea la taua aulu hinia, mo verea vara, Harihi Enia Supe Nona Jew 39 Vonara matea hin la tamlohi sasati mo rua atu, la lo sevu na pahisana, mo kerehi Iesu mara, “Engko KrÌisto atu teni mo vono? O hase juriho, ale o juri kamam!" 40 Pani tamlohi sasati tinapua atu matea mo merusahia mara, “Eh, ko sopo matahuni God? Ko sopo levosahia vara enrÌa rÌa lo toho na ruhuruhu talai nike peresia? 41 EnrÌa mo tataholo vara rÌa lavia, matan enrÌa rÌa lavi na volvoli tataholo mata norÌa vavahinau, pani tamlohi nike mo sopo vai te hina sati." 42 Ale mo verea isan Iesu mara, “Iesu, o lo rÌomrÌomiau hin rani atu vara ko tauri na nom suiha mata supe." 43 Ale Iesu mo verea isana mara, “VararÌuhu, na verea isam, engko o pa toho peresiau hin jara avulahi atu Paradise nohorihi." 44 Matan alo mo sangavulu rÌomana mo rua na rani tavera, ale rÌorÌoha tavera mo tahavuni jara tavera atu mo tikeli na matan alo mo tolu na ravravi 45 matan mera alo mo tihai. Ale ruru tavera atu mo lo horo na jara tapu mo tapu jea na lolo Temple, mo marÌari mo rua. 46 Moiso Iesu mo ulo aulu mara, “Tata, na tau na mauriku na limam!” Mara mo verea moiso maromarona mo isoiso. 47 Ale captain mata tamlohi vuro mara mo hite la hinau sei la lo masese, mo hasohaso God mo verea mara, “VararÌuhu. Tamlohi nike mo sopo vai te hina sati hatea." 48 Ale vao tamlohi tari atu sei la lo pulutahi mata hite hinau akerihi, lara la hite la hinau sei la masese, la mule peresi na tangtangi tavera. 49 Ale tapalana tari, peresi la harÌai atu sei la tapulo usuria Galilee, la lo turu asau makomona, la lo kilau la hinau akerihi. 50 Ale tamlohi matea hijana Joseph mo lo toho atu, mo tai na taon nona Jew la tovia Arimathea. Enia vonara matea na lolo council tavera non Israel, pani enia tamlohi rÌuhu matea posina mo tataholo, 51 ale enia mo sopo avulahi na sava la hatihia teni na sava la vaira, enia mo tai Arimathea na jaran Judea, ale enia mo lo kilau matan rani atu God i pa tauri na suiha hinia. 52 Tamlohi atu mo vano vara i hite Pilate matan vara i usi na tarapen Iesu. 53 Mo juria sivo atano, ale mo viriviria na ruru lulu rÌuhu matea mata mate, ale mo taua na taptap matea la taia na pesapesa, ale mo sopo lo te tarape i juruvi hinia hin te rani. 54 Rani atu enia Rani mata Tatamahu nona Jew, ale mariviti Sabbath i tapulo. 55 La harÌai sei la lo usuria la tai Galilee la usuria vara la hitea vara la pa taua na sava taptap, ale la pa hitea vara la pa tau na tarapena sohena sava. 56 Moiso, la mele mule, ale la tatamahuni na lai ponaha rÌuhu peresi na hasori mata taua na tarapena. Na Sabbath la mapu usuri na retileu non Moses.