Luke 7

1 Hitahun la nona titileu atu mo verea isana tamlohi, mo mele unu Capernaum. 2 Ale slev matea nona captain mata tamlohi vuro nona mara Rome matea mo rojo, mariviti vara i mate. Tamlohi tavera atu mo opoi volitusi atu mo tavera jea. 3 Ale pa captain atu mara mo rongo te hinau matan Iesu, mo rÌule na vajiaha Jew hai la vano isana vara la usia vara i erÌi mai vara i titiu narÌihi na rojoa non nona volitusi atu. 4 Ale la mai isan Iesu, la lo usia rÌilangi isana lara, “Tamlohi tavera sei enia tamlohi rÌuhu matea, mo tataholo vara o tuenia, 5 matan enia mo opoi na norÌa tamlohi, ale enia natu mo voro na nomam ima lotu." 6 Ale Iesu mo usurira. Mo pa lo mai mariviti na ima, ale pa captain atu mo rÌule na tapalana hai la mai isana, la lo lavi na nona reti ale lara, “Moli, o sopo kalvono purongo, matan enau mo sopo tataholo vara o erÌi unu na imaku. 7 Matan haratu, na sopo hitea vara i tataholo vara enau haseku a mai a usia isam. Pani vara o sile te reti hatea purongo, na levosahia vara noku volitusi i pa mele rÌuhu. 8 Matan enau sohena, enau tamlohi matea na lo toho na ruhuruhu suiha tamlohi tinapua matea, ale tamlohi vuro hai la lo toho na ruhuruhu suihaku: vara a verea isan matea vara, ‘O vano!’ i pa vano, ale isana tinapua vara, ‘O mai!’ i pa mai, ale vara a verea isan noku volitusi vara, ‘O vai haratu!’ i pa vaia." 9 Iesu mara mo rongo la reti atu, mo marÌurahi tavera hin tamlohi atu, ale mo posi vano isan vao atu sei la lo usuria, mo verea isara mara, “VararÌuhu, na verea vara na sopo lo tapai te tamlohi nike Israel i lavi na rasua sohen tamlohi nike!" 10 Ale na rani la haratu sei tamlohi tavera atu mo lo rÌulera isan Iesu la mele hilu vano na imana, la hitea vara pa volitusi atu mo pete rÌuhu moiso. 11 Mo sopo tuai usuri haratu, Iesu mo vano na taon matea hijana Nain, ale nona tamlohi usuri peresi na vao tavera matea la lo usuria. 12 Mara mo lo mai mariviti na mataruan taon atu, ale la hutura na tamlohi la lo ali na tamlohi mate matea, mo lo malue na taon, enia vorahese non tinana, ale harÌai atu enia malepu matea. Vao tamlohi matan taon atu la lo usuria. 13 Ale mara mo hite harÌai atu, Iesu mo rÌomopoia, ale mo verea isana mara, “O sopo tangi!" 14 Ale mo vano na vatan tamlohi mate atu, mara mo tau na limana hinia, la haratu la lo alia la turu vahatea. Ale mo verea mara, “Uluvou, o turu." 15 Moiso, tamlohi mate atu mo sakele, ale mo tapulo retireti, moiso Iesu mo silea isan tinana. 16 Matahu mo sohoni na tamlohi tari, ale la hasohaso God lara, “PrÌovet aulu matea mo lo turu na livuharÌa!” ale lara, “God mo rohi na nona tamlohi!" 17 Ale sorasorahina sei, mo vano asau mo rÌalihi na jara Judea peresi na jara tari rÌalihia. 18 Tamlohi usuri non John tamlohi paptijo, la sorahi la hinau tari sei isana. Moiso John 19 mo tovi na vonara mo rua la mai isana matan vara i rÌulera la vano isan Moli vara la usia isana vara, “Engko natu haratu sei i pa mai, teni kama pa lo mele kilau matan te tinapua?" 20 Ale lara la kau isan Iesu lara, “John tamlohi paptijo mo rÌule kamam kama mai isam mara, ‘Engko natu haratu sei i pa mai, teni kama pa lo mele kilau matan te tinapua?’" 21 Hin aoa atu, Iesu mo titiu narÌihi na rojoa na tamlohi matuvana, ale mo titiu narÌihi na tanume sasati matuvana, ale isan la haratu la matavuso mo vaira vara la erÌi kilau. 22 Ale Iesu mo rÌaramira mara, “Ha vano ha vere John na sava ka hitea, ale ka rongoa: matavuso la mele kilau, tamlohi papao la hahau, tamlohi lepros la vokevoke, peropero la rongo, haratu la mate la mauri, ale la haratu la tilavono la rongo na RetirÌuhu. 23 Ale avulahi isan la haratu la pa sopo rÌohu hiniau hin te rani." 24 Na rani vaharÌule non John la mele hilu vano, Iesu mo tapulo retireti isan vao atu matan John mara, “Ka vano na jara tano koru vara ha hite na sava ea? Apo matea langi mo lo serea ea? 25 Pani sava natu ka vano vara ha erÌi hitea ea? Tamlohi matea mo ru na ruru rÌuhu matea ea? Ka levosahia vara la haratu la lo ru na ruru rÌuhu jea, la lo toho na jara Supe tavera purongo. 26 Sava natu ka opoia vara ha hitea ea? PrÌovet matea? VararÌuhu, pani na verea isamim vara enia mo jeu na prÌovet. 27 Sava la ulia tuai matana mo verea vara, ‘Ha kilau nike! Na lo rÌule na noku vaharÌule na nahom, vara i vai na malelem i roi.’ Mal 3.1 28 VararÌuhu na vere isamim vara la haratu la vora isana harÌai, mo sopo tea i erÌi lavi na oloolo i jeu John, pani haratu mo hitahu hin mauri atu God mo aulu hinia, enia mo aulu jea mo jeu John." 29 Na rani tamlohi tari peresi na tamlohi mata lavi na takis la rongo reti nike, la majinga vara sava God mo vaia mo tataholo, matan enira la lavi na paptijo non John moiso, 30 pani Pharisee peresi na tamlohi vujangi mata leu, la rÌohu na masalon God matara, matan la sopo lavi na nona paptijo. 31 Iesu mo mele verea mara, “Na sopo levosahia vara a pa verea vara tamlohi matan nake la sohena sava? 32 La sohena natuvarihi la lo sakele na jara maket la lo uloulo isara hasera lara, ‘Kama roro na vete mata lahi, pani ka rÌohu vara ha velu; ale kama lalavete na vete mata rÌomsati matea, pani ka sopo tangi.’ 33 Matan John tamlohi paptijo mo mai, mo tapuhoro na pereti peresi na waen, ale kara, ‘Tanume sasati mo lo toho hinia!’ 34 Ale Natun Tamlohi mo mai, mo hanhani ale mo inu, ale kara, ‘Ha to kilaua! Hanhani jea matea, tamlohi drong matea, enia mo tapala peresi na tamlohi la lo lavi na takis peresi na tamlohi hehe!’ 35 Pani o pa erÌi hitevosahia vara malele lelevosahi non God mo tataholo mata vuana rÌuhu." 36 Ale Pharisee matea mo usi Iesu vara i hanhani peresia, ale mo vano mo unu na iman Pharisee atu mo sakele na tep. 37 Ale atu, harÌai malele matea hin taon atu mo levosahia vara Iesu mo lo hanhani na iman Pharisee atu, ale mo lavi na potele matea la vaia na alabaster, hasori rÌuhu mo lo toho hinia, 38 mo turu na harÌina ale mo papaohi mo lo tangi na palona, ale mo tapulo kamoti na wai matana sei la jovi na palona na vuluna, ale mo lo pungosi na palona, mo rengi na hasori hinira. 39 Pa Pharisee atu sei mo lo usia vara i vano na imana mara mo hite hinau atu, mo verea isana hasena mara, “Vara tamlohi nike enia prÌovet matea, i pa levosahia vara sava harÌai nahai mo lo tikelia, matan enia harÌai hehe matea." 40 Ale Iesu mo rÌarami tamlohi atu mara, “Simon, na opoia vara a vereho na hinau matea.” Ale mo rÌaramia mara, “Tija, o verea." 41 Iesu mara, “Tamlohi matea, tamlohi la lo usi na mania isana moiso la pa mele spaia, tupra rua la ave na mania isana. Matea mo ave na denarii mo ngavulu sangavulu lima, matea mo ave na ngavulu lima. 42 Na rani la sopo erÌi mele spaia, tamlohi atu mo rÌomira mo rÌomaliho hinia. Ale, sahara hinira i pa opoi tamlohi atu i tavera jea?" 43 Simon mo rÌaramia mara, “Korong haratu sei nona ave isana mo tavera jea.” Ale Iesu mo verea isana mara, “Nom kilakilau mo tataholo." 44 Moiso mo posi vano isan harÌai atu, ale mo verea isan Simon mara, “Ko hite harÌai nike? Na unu na imam, ko sopo sileau hin te wai vara a hoje na paloku hinia, pani enia mo hoje na paloku na wai matana, ale mo kamotira na vuluna. 45 Ko sopo pungosiau, pani mo tapulo hin haratu mo unu, mo sopo lo mapu mata pungosi na paloku. 46 Ko sopo rengi na wel na patuku, pani enia mo rengi na hasori rÌuhu jea na paloku. 47 Matan harihi, na verea isam, vararÌuhu nona hehe mo matuvana, pani na rÌomira moiso matan nona opoia mo tavera jea. Pani haratu nona hehe mo sopo marÌivi jea, nona opoia mo sopo tavera." 48 Ale mo verea isan harÌai atu mara, “Na rÌomiho mata nom hehe." 49 Ale la haratu la lo sakele peresia na tep, la tapulo vereverea isara hasera lara, “Sava tamlohi nahai, matan mo hitea vara i erÌi rÌomi na hehe?" 50 Mo verea isan harÌai atu mara, “Nom rasua mo juriho; o vano o toho na tamata."