Matthew 11

1 Iesu mara mo lo retileu isan la nona tamlohi usuri atu mo sangavulu rÌomana mo rua moiso, mo malue mo vano rÌalihi na nora taon tavera la lo toho hin jara atu vara i vujangira ale i retivujavujangira. 2 John mo lo toho na ima rÌilangi, ale mara mo rongo na sava KrÌisto mo lo vaira, mo rÌule na nona tamlohi usuri hai isana, 3 vara la usia isana lara, “Engko sei natu, haratu sei kama pa lo kilau matana, haratu sei God i pa rÌulea i sinai? Teni kama pa mele saovi matan te mele tinapua?" 4 Iesu mo rÌaramira mara, “Ha vano ha vere John na sava ka rongoa, ale ka hitea. 5 Nake, matavuso la kilau, ale tamlohi papao la hahau, haratu lepros mo hatira la mele vokevoke, peropero la rongo, haratu la mate la turu na mauri, ale tilavono la lo rongo na RetirÌuhu. Isa 61.1 6 Vara la haratu la sopo rÌomrua hiniau, la pa avulahi tavera." 7 Ale la tamlohi atu la pa lo tapulo malue, ale Iesu mo sorahi John isan vao atu mara, “Hin rani atu ka lo vano vara ha hite John, ka vano hin urata hasetoho atu vara ha hite te hinau sohena talu ere sei mo sopo rÌilangi, ale langi mo serea mo lo hisuhisu teni mata sava? 8 Sava tamlohi natu, ka vano vara ha hitea? Ka hite tamlohi atu mo ru te ruru rÌuhu? Ka levosahia vara tamlohi sei la lo ru na ruru sohen haratu enira la tamlohi tavtav purongo sei la lo toho na ima supe. 9 Ka lo vano vara ha hite na sava? Te prÌovet matea? VararÌuhu enia prÌovet matea, enjora, pani mo jeu na prÌovet, 10 Retiulia mo retireti hin John mara, ‘O lo levosahia vara, a pa rÌule na noku vaharÌule matea i tiroma hiniho vara i tatamahuni na hinau matam.’ Mal 3.1 11 VararÌuhu na verea isamim, mo sopo lo tea i vora hin varama nike i jeu John tamlohi paptijo. Pani haratu enia tamlohi purongo hin la haratu la lavi mauri atu God mo aulu hinia, enia i pa aulu i jeu John na pongi hitahu. 12 Mo tapulo na rani non John tamlohi paptijo mo tikeli nake, tamlohi hai la lo opoia vara la tauri na suiha vara la aulu, ale vara la vere na masalon God vara mo vano sohena sava hin varama nike, ale tamlohi sasahati sohena la lo vaihitea vara la taurilati suiha atu, 13 matan prÌovet tari peresi na Leu non Moses la lo retimangovi tuai moiso mo tikeli na rani non John. Vara ha evia ha pa levosahia vara i pa pala sohena sava. 14 Ale vara ka avulahi vara ha rasua, John enia Elijah, prÌovet atu ka lo kilau matana, 15 haratu mo erÌi rongovosahia, o tapurongo! 16 Kamim nakerihi ka sohena natuvarihi sei la lo vai na roro na jara maket, ale la lo uloulo isara lara, 17 ‘Kama roro na pue tangtangi, pani ka sopo velu! Kama lavi na vete mata rÌomi na tamlohi mate, pani ka sopo tangtangi!’ 18 Na vere harihi matan John tamlohi paptijo mo sopo vano rÌalihi vara i lo hanhani teni i lo inuinu peresi na tamlohi, pani ka vara, ‘Tamlohi sei tanume sasati matea mo lo toho hinia!’ 19 Ale Natun Tamlohi mo lo hahau rÌalihi mo lo hanhani mo lo inu peresi na tamlohi, ale ka vara, ‘Tamlohi sei mo lo hanhani, ale mo lo inu hajavua. Enia tapala tamlohi la lo lavi na mania mata takis peresi la haratu la hehe.’ Vara ha sopo erÌi hitevosahi na lelevosahi kama lo vaia nake, ha pa erÌi hitevosahia na vuana hitahu." 20 Ale Iesu mo tapulo hapuhi la taon atu sei mo lo vai na hina marÌurahi tavera hinira matan tamlohi hinira la rÌohu vara la tinarÌihi na nora hehe la mai isan God, Iesu mo verea mara, 21 “Kamim tamlohin Chorazin, ha pa lavi na talai sasati tavera, ale kamim tamlohin Bethsaida sohena, ha pa lavi na talai sasati tavera! Matan, vara la hina marÌurahi nike na vaira isamim na nomim taon la pa lo malue na taon non Tyre peresi Sidon, tamlohira la pete posi tuai moiso la vano isan God, ale la vujangia hin posposi matan tuai sei, la lo ru na parat paki, ale la tau na patmakovi na patura. Ezek 26.1â28.26 22 Pani na verea isamim, na rani mata aria tamlohin Tyre enia Sidon la pa malue i malum i jeu kamim. 23 Ale kamim tamlohin Capernaum ka rÌomi vara God i pa tahe kamim ha tikeli na tuka? Mo vono, ha pa sivo atano na varama mata mateia! Vara la hina marÌurahi atu sei la lo malue na nomim taon la pa lo malue na taon non Sodom, nake taon atu mo pa lo turu! Gen 19.24â28 24 Pani na verea isamim, na rani mata aria tamlohin Sodom la pa malue i malum i jeu kamim." 25 Ale hin rani atu Iesu mo verea mara, “Enau na hasohasoho, Tamaku, Moli non tuka peresi na varama, matan ko jarohi la hinau tari nike isana tamlohi lelevosahi mata varama peresi na tamlohi la lavi na lelevosahi mata varama, pani ko vujangia isana tamlohi purongo. 26 He’e Tamaku, matan harihi mo lo usuri na nom masalo rÌomrÌuhu. 27 Tamaku mo sileau na hinau tari, ale mo sopo tea, pani enia hasena purongo mo levosahi Natuna. Ale haratu purongo mo levosahi Tama, enia Natuna peresi la haratu Natuna mo opoia vara i vujangia isara. 28 Vara ka malokoloko matan nomim tetehi mo puhoni hajavua, ha mai isaku, ale a pa tueni kamim, ha pa lavi na mapu vararÌuhu. 29 Ha lavi na noku vujangi, ha lavia na maurimim, ale ha levosahi na malele isaku. Enau na malum, enau na rÌomatano, ale ha pa lavi na mapu vararÌuhu isaku. Jer 6.16 30 Noku vujangi mo sopo puhoni, noku vavahinau mo salesale purongo."