Matthew 16

1 Ale Pharisee peresi na Sadducee la mai isana vara la vaihitea. La usia vara i vujangira hin te matamata tavera matan na tuka. 2 Iesu mo rÌaramira mara, “Vara mo ravravi, kara ‘Taro i pa rÌuhu matan telangi mo hahara!’ 3 Ale na rÌalavuho, ‘Taro i pa sati nohorihi matan telangi mo hahara, ale mo rÌorÌoha!’ Ka lo levosahia vara taro i pa sohena sava matan ka lo kilau na masapa, pani ka sopo erÌi hitevosahi na matamata matan rani nike ka lo toho hinia? 4 Pina sasati nike, mo tamlohi vaivaileu, mo lo aleale matamata, pani i pa sopo lavi te matamata tinapua, pani matamata sei mo masese isan Jonah tuai.” Moiso mo malue isara mo vano. 5 Nona tamlohi usuri lara la kakau na tavalu tasi, la pa rÌomrÌomia vara la sopo lavi te pereti. 6 Ale Iesu mo verea isara mara, “Ha sopo rÌomaliho vara ha lo kilau mata isi sasati nona Pharisee peresi na Sadducee." 7 Moiso la tapulo sorahia isara hasera lara, “Eh, korong mo pa verea matan enrÌa rÌa sopo lavi te pereti teni?" 8 Pani Iesu mo levosahi na sava la lo verea, ale mo verea mara, “Kamim akerihi, nomim rasu mo rihirihi hajavua. Mata sava ka lo sorahia isamim hasemim vara mo sopo te pereti? 9 Ka sopo lo levosahia? Ka mele rÌomaliho hin la pereti atu mo lima matan vao atu mo tari vaha lima (5,000) ale ka sohoni na sope hanhani na tanga mo visa hin rani atu? 10 Teni ka rÌomaliho hin pereti atu mo limaravrua matan vao atu mo tari vaha vati (4,000) ale tanga mo visa ka lavia isara? 11 Mo sohena sava natu, ka sopo levosahia vara enau na sopo retireti na pereti? Ha lo kilau na isi nona Pharisee peresi na Sadducee." 12 Ale la pa levosahia natu, vara mo sopo verea vara la lo kilau mata isi mata pereti, pani mata vujangi nona Pharisee peresi na Sadducee. 13 Ale na rani Iesu mo mai na jara matan Caesarea Philippi, mo usi na nona tamlohi usuri mara, “Kamim ka lo rongo na tamlohi la lo verea vara Natun Tamlohi enia hare?" 14 Moiso lara, “Hai la lo verea vara John tamlohi paptijo, tatuara lara Elijah, ale hai lara Jeremiah teni vonan la prÌovet atu matea." 15 Mo verea isara mara, “Pani kamim ka lo verea vara enau hare?" 16 Simon Peter mo rÌaramia mara, “Engko natu pa KrÌisto atu, Natun God sei mo mauri!" 17 Ale Iesu mo rÌaramia mara, “Simon natun Jonah, God mo lerÌuhu hiniho matan mo sopo tea hin varama nike i vujangia isam, pani Tamaku na tuka hasena mo vujangia isam. 18 Ale na verea isam, engko Peter sei rÌaramin hijam enia vatu, ale hin pulo vatu nike, a pa voro noku vao kalesia, hina purongo vara suiha non varama mata mateia mo rÌilangi, pani i pa sopo erÌi turuhoroa. 19 A pa sileho na kia matan mauri atu God mo aulu hinia, ale sava hinau ko horoa na varama, God na tuka mo horoa moiso, ale sava hinau ko tinarÌihia na varama, God na tuka mo tinarÌihia moiso." 20 Moiso, mo retileu isana nona tamlohi usuri vara la sopo sorahia isan tea vara enia natu, KrÌisto atu. 21 Mo tapulo hin rani atu natu, Iesu mo tapulo vujangi na nona tamlohi usuri hinia vara enia i pa vano Jerusalem, ale i pa lavi na rongohaji isana tamlohi aulu peresi na moli nona prÌis peresi na tamlohi vujangi mata leu, ale la pa vilimateia, ale hitahu na hatolu rani i pa mele turu. 22 Ale Peter mo tauri na limana mo revea vano hasena, mo reti rÌilangi isana mara, “Moli, mo vono! Hinau atu i pa sopo erÌi masese isam!" 23 Pani Iesu mo posi mo verea isan Peter mara, “Setan, na sopo opoia vara a hiteho! Engko ko lo turuhoroau, matan engko ko sopo tau na rÌomim na hinahinau non God, pani na hinahinau nona tamlohi." 24 Moiso Iesu mo verea isana nona tamlohi usuri mara, “Vara tea mo opoia vara i usuriau, i pa horo na masalona hasena, i lavi na nona talopeilopei, ale i usuriau. 25 Matan haratu mo opoi na maurina mo tavera jea, i pa vaitihaia, pani haratu mo rÌohu na maurina mataku, enia i pa tapai mauri vararÌuhu atu. 26 Sava hinau mo rÌuhu isan te tamlohi vara i lavi na hinau tari na varama, pani i vaitihai na maurina? Teni sava hinau natu, tamlohi i erÌi silea vara i mele lavi na maurina? 27 Matan Natun Tamlohi i pa mai peresi na nona angelo na hasohason Tamana, moiso i pa voli tataholoi na tamlohi hatehateahi mata sava mo vaia na varama. Psa 62.12; Rom 2.6 28 VararÌuhu na verea isamim, tatuamim la lo turu nike nakerihi, la pa sopo erÌi mate vavano la hite Natun Tamlohi i mai na nona suiha mata Supe."