Matthew 18

1 Hin rani atu tamlohi usuri la mai isan Iesu lara, “Hare natu, enia i pa aulu jea hin mauri atu God mo aulu hinia?" 2 Moiso mo tovi na natirihi matea vara i mai isana, ale mo turuhia na livuhara, 3 moiso mara, “VararÌuhu na verea isamim, vara ha sopo posi mai sohen natirihi nike, ha pa sopo erÌi levosahi mauri atu God mo aulu hinia. 4 Hare mo hase taua atano sohen natirihi nike, enia mo aulu jea hin mauri atu God mo aulu hinia. 5 Hare mo lavi te natirihi sohen harihi na hijaku, enia mo lo laviau, 6 pani vara tea mo vaitihai na rasua non te vonan la natuvarihi nike la rasuau, i pa mele rÌuhu jea isana vara la pesi te vatu tavera na rÌalona la putehia na tasi puaha. 7 Rani sasati i pa jovi na varama matan rasua i pa tihai. Matan tarea hina vaihite la pa lo mai, pani rani sasati isan haratu mo lo vaitihai na rasua nona tinapua. 8 Ale vara limam teni palom mo vaiho ko vano na hehe, o tai narÌihia o pulahia. Mo mele rÌuhu jea vara o unu hin mauri atu o papao teni o hariju, mo jeu haratu vara la pulahiho peresi na limam mo rua teni palom mo rua hin hapu atu mo sopo te isoisona. 9 Ale vara matam mo vaiho ko lo vano na hehe, o julai narÌihia o pulahia. Mo mele rÌuhu jea vara o unu hin mauri atu peresi na matam matelete, mo jeu haratu vara la pulahiho peresi na matam mo rua o vano hin hapu atu mo sopo te isoisona na moruhapu. 10 Ha lo kilau ha sopo hitelehilehi te vonan la natuvarihi nike, matan na verea isamim vara tarea na tuka, nora angelo, la haratu la lo kilaura, Tamaku na tuka mo tinarÌihia vara la erÌi turu na nahona matara. 11 Matan Natun Tamlohi mo mai vara i juri la haratu la jalio. 12 Ale nomim kilakilau mo sohena sava? Vara tamlohi matea pulana sipsip mo ngav sangavulu (100) ale matea mo jalio, i pa sopo tau la haratu mo ngavulu limaravati mo limaravati (99) na pahisa vutivuti atu tako ale i ale haratu mo jalio teni i vono? 13 Ale vara mo tapaia, vararÌuhu na verea isamim, mo avulahi tavera matana, mo jeu la haratu mo ngavulu limaravati mo limaravati sei la sopo jalio. 14 Mo sohena natu, mo sopo masalom Tamaku na tuka vara rasua non te vonan la natuvarihi nike i vano hina purongo. 15 Vara voraim mo vai te hehe isam, o vano o vere na nona hehe isana kamim rua hasemim. Vara mo tapurongo isam, voraim i pa mele tapalam. 16 Pani vara mo rÌohu vara i tapurongo, o lavi te hatea teni tupra rua tinapua la vano peresiho matan vara o pa erÌi turu na nora vereulia. Deut 19.15 17 Ale vara mo rÌohu vara i tapurongo hinira, o pa verea isana vao kalesia. Ale vara mo rÌohu vara i tapurongo isana vao kalesia sohen tiroma, ale i pa sohena tamlohi rÌorÌoha isamim, ale ha rÌohu hinia sohena tamlohi rÌorÌoha matea teni haratu mo lo lavi na takis. 18 VararÌuhu na verea isamim, sava kamim kalesia ka lo horoa na varama, God na tuka mo horoa moiso, ale sava ka tinarÌihia na varama, God na tuka mo tinarÌihia moiso. 19 Na mele verea isamim vara te tupra rua na varama la majinga hin te hinau la usia, Tamaku na tuka i pa vaia sohena isara. 20 Matan, vara te tupra rua teni tupu tolu la lo pulutahi na hijaku, enau na lo toho peresira." 21 Moiso Peter mo mai isana mo verea mara, “Tija, vara voraiku mo vai na hehe isaku, a pa rÌomi voraiku vaha visa? Vaha limaravrua teni mo vono?" 22 Iesu mo verea isana mara, “O pa sopo rÌomia vaha limaravrua (7x) purongo, pani vaha ngavulu limaravrua vaha limaravrua (70x7). Gen 4.24 23 Matan harihi, mauri atu God mo aulu hinia mo sohena supe matea mo opoia vara i tau mamahuni na ave non nona slev. 24 Na rani mo tapulo tau mamahuni na ave, la lavi vonara matea mo mai isana, mo ave na mania matea mo tataholo na voli tamlohi mata rani mo tari vaha sangavulu (10,000). 25 Ale matan i pa sopo erÌi voli narÌihia, nona tamlohi tavera mo retileu hinia vara la harÌehia peresi narouna tolu na natuna peresi na nona hinau tari vara i spai na nona mania hinia. 26 Ale slev atu mo jovi na pauna, mo tangi mara, ‘O rÌomperavu isaku, ale a pa voli vevuhi na noku ave tari isam!’ 27 Ale tamlohi tavera non slev atu mo rÌomopoia, mo tinarÌihia vara i vano purongo, ale mo tinarÌihi na nona ave. 28 Pani na rani pa slev atu mara mo malue, mo vano mo tapai na slev tinapua matea non tamlohi tavera atu, ale slev sei mo ave isana na mania mo tataholo na voli tamlohi matea mata rani mo ngav sangavulu (100) mo taurilatia, mo tapulo punia mara, ‘O voli na nom ave isaku!’ 29 Ale slev atu mo jovi na pauna mo tangi isana mara, ‘O rÌomperavu isaku, a pa voli narÌihi na noku ave isam.’ 30 Pa slev atu, mo rÌohu hinia, ale mo vano mo taua na ima rÌilangi vara i lo toho atu i tikeli rani atu i voli narÌihi vevuhi na nona ave. 31 Na rani la tapalan slev atu lara la hite na sava mo vaia, la rongo mo sati tavera, la vano la vereuli na hinau tari isan nora tamlohi tavera atu. 32 Moiso nona tamlohi tavera mo tovi pa slev atu mo mai isana, mo verea isana mara, ‘Engko ko slev sasati matea ko putu tataholo. Na tinarÌihi vevuhi na nom ave matan ko usia mo rÌilangi isaku. 33 Ale ko sopo erÌi rÌomopoi na tapalam slev sohen enau na rÌomopoiho?’ 34 Moiso nona tamlohi tavera atu mo lolokoru patuna, mo silea mo vano isana tamlohi ima rÌilangi vara i toho atu vavano i voli narÌihi vevuhi na nona ave. 35 Tamaku na tuka i pa vaia sohen harihi isamim isoiso vara ha sopo rÌomi vararÌuhu na voraimim peresi na vevoraimim na mapumim."