Matthew 23

1 Ale Iesu mo verea isan la vao atu peresi na nona tamlohi usuri mara, 2 “Tamlohi vujangi mata leu peresi na Pharisee, enira natu, la haratu la lo vujangi na malele Retiulia sei Moses mo ulia vara mo lo vere na sava, 3 matana, mo rÌuhu vara ha vai na hinau tari la verea isamim, ale ha turu hinira, pani ha sopo vai na sava la lo vaira, matan la sopo vai na sava la lo retivujavujangi hinira. 4 La lo opoia hajavua vara la tau na hinau puhoni na mauri tamlohi, pani la rÌohu vara la juhati na pulora vara la tuenira. 5 Hinau la lo vaira la vaira matan vara tamlohi la pa erÌi hitera, sohen la lo vai na nora sope puku mata Retiulia sei la lo lasira na patura la mele tavera, ale la vai na nora revurevu ruru la mele peravu jea. Deut 6.8 6 Ale la opoia vara la lo sakele na jara sakele nona tamlohi tatavera na hanhani tavera, ale na jara sakele nona tamlohi aulu na lolo ima lotu, 7 ale la opoi na rani tamlohi la tovira vara ’tija’ ale la opoi na rani tamlohi la sile na retioloolo isara na jara maket. 8 Pani kamim ha pa sopo lavi na hija tija matan nomim Tija enia matelete, ale kamim vorai peresi na vevorai. 9 Ale ha sopo tovi te tamlohi na varama, ‘Tama’ matan Tamamim enia matelete purongo na tuka. 10 Sohen haratu ha sopo lavi na hija ’tija’ matan nomim Tija enia KrÌisto. 11 Haratu mo aulu jea hin kamim, enia i pa nomim volitusi. 12 Haratu mo hase tahea sahe aulu hin kamim, God i pa taua sivo atano, haratu mo hase taua sivo atano, God i pa tahea sahe aulu. 13 Rani rÌilangi tavera i pa mai isamim tamlohi vujangi mata leu peresi kamim Pharisee, kamim ka tapnetano, matan ka lo pelatihoro na malele vara tamlohi la sopo erÌi lavi mauri atu God mo aulu hinia. Matan kamim hasemim ka sopo unu, ale ka lo turuhoro la haratu la opoia vara la unu hinia. 14 Rani rÌilangi tavera i pa mai isamim, tamlohi vujangi mata leu, peresi kamim Pharisee, kamim ka tapnetano, matan ka lo hahau rotoroto na jara peresi na tasi vara ha vai te tamlohi hatea mo sopo mahapin Abraham i lavi na nomim rasua, ale na rani mo mai sohena vonamim matea, ka vaia mo mai natu moruhapu matea mo mele sati jea mo jeu kamim. 16 Rani rÌilangi tavera i pa mai isamim ka tamlohi tatavera matavuso, ka lo vujangia kara, vara tea mo vere na nona retitauhi na hija Temple, ka verea vara enia hina purongo, pani vara tea mo vere na nona retitauhi na gold mata Temple, haratu i pa mele rÌuhu vara i taurilati na nona retitauhi. 17 Ka matavuso rongorongo vono! Sava mo aulu jea? Gold teni Temple atu sei mo lo vai na gold mo tapu? 18 Ale ka lo verea vara, vara tea mo vere na nona retitauhi na hija jara silesilea isan God, kara enia hina purongo, pani vara tea mo vere na nona retitauhi na nona silesilea, i pa mele rÌuhu vara i taurilati na nona retitauhi. 19 Ka tamlohi matavuso! Sava mo aulu jea? Silesilea teni jara silesilea atu sei mo lo vai na silesilea mo tapu? 20 Ale haratu mo vere na nona retitauhi na hija jara silesilea, mo lo retitauhi na hinau tari hinia. 21 Moiso haratu mo lo vere na nona retitauhi na hija Temple, mo retitauhi na hijana peresi God atu mo lo toho hinia. 22 Ale haratu mo retitauhi hin tuka, mo lo retitauhi na jara sakele mata suiha non God peresi God sei mo lo sakele ea. Isa 66.1 23 Rani rÌilangi tavera i pa mai isamim, tamlohi vujangi mata leu, peresi kamim Pharisee, kamim ka tapnetano. Kamim ka avulahi vara ha lo sile na nomim tithe na hinau sohena: solat, oke peresi na watakres, pani ka lo kilau purongoi na hinau aulu mata leu sohena: aria tataholo, rÌomopoia peresi na vai vevuhi na nomim retitauhi tarea. Ha vai la harihi la sopo aulu jea, pani ha sopo rÌomaliho hin la haratu la mele aulu jea na nahon God. Lev 27.30 24 Ka tamlohi tatavera matavuso! Ka lo spuni narÌihi na hina varihi la sati, pani ka lo rÌolomi jarohi na hina tavera la sasati! 25 Rani rÌilangi tavera i pa mai isamim, tamlohi vujangi mata leu, peresi kamim Pharisee. Kamim ka tapnetano, matan ka lo hoje na pahisa paniken peresi na peleti, pani na lolona mo marÌivi na posposi hanmarua peresi posposi rÌomrÌomi hasemim. 26 Ka Pharisee matavuso! Ha hoje na lolo paniken peresi na peleti tiroma matan vara pahisara la pa vokevoke. 27 Rani rÌilangi tavera i pa mai isamim, tamlohi vujangi mata leu, peresi kamim Pharisee. Kamim ka tapnetano! Matan kamim ka sohena ima taptap laem lulu, pani lolona mo marÌivi na sui tamlohi peresi na lumira. 28 Ale kamim sohena, la hite kamim sohen ka vokevoke, pani ka marÌivi na tapnetano peresi na vaivaileu. 29 Rani rÌilangi tavera i pa mai isamim, tamlohi vujangi mata leu, peresi kamim Pharisee. Kamim ka tapnetano! Matan ka voro na ima taptap nona prÌovet, ale ka lakolako na taptap tamlohi tataholo na storera la ulia na tapura, 30 kara, ‘Vara kama pa lo toho na pongi non la nomam tata, kama pa sopo tuenira vara la vili na prÌovet.’ 31 Ale matana, ka lo vereulia vara kamim ka natun la tamlohi atu la lo vili na prÌovet. 32 Ha vai marÌivisi na sava tamamim la tapulona, 33 ka sohena mata! Ka natu mata sasati. Ha pa juri kamim sohena sava na talai mata moruhapu? 34 Matan haratu, a pa rÌule te prÌovet peresi te tamlohi lelevosahi tolu na tamlohi vujangi mata leu, tatuara ha pa vilimateira na talopeilopei, ale tatuara ha pa rupira na asi maja na nomim ima lotu, ale ha pa tipahira na taon tavera tari la pa vano ea, 35 matan haratu i pa sohen harihi: kamim ha pa lavi na talai mata rÌae tari nona prÌovet tuai mo tapulo na rÌaen Abel, tamlohi tataholo atu, mo tikeli na rÌaen Zechariah natun Barachiah, haratu ka vilia na livuha jara tapu na lolo Temple peresi na jara mata silesilea atu. Gen 4.8; 2 Chron 24.20â21 36 VararÌuhu na verea isamim, la talai sei la pa pala isan pina nike.” Iesu Mo Tangisi Jerusalem (Lk 13.34â35) Iesu mo mele verea mara, 37 “Jerusalem o Jerusalem, taon tavera sei tamlohi tatavera la lo vilimatei na prÌovet hinia, ale la lo parumatei la haratu God mo rÌulera isana. Ko sopo levosahia vara vaha visa moiso na opoia vara a hohovi na natum, sohena tina toa mo lo hohovi na natuna na ruhuruhu hapana, pani kamim tamlohi tatavera hinia ka rÌohu! 38 Ko hitea, imam nike, i pa mai sohena jara hasetoho matea. Jer 22.5 39 Matan na verea isamim, ha pa sopo mele hiteau vavano i tikeli rani atu ha pa verea vara, ‘LerÌuhu hin haratu mo lo mai na hijan Moli God’.” Psa 118.26