Matthew 7

1 Ha sopo ari na tinapua matan vara God i pa sopo ari kamim. 2 Na sava malele ka lo ari na tinapua hinia, la pa ari kamim hinia sohena, vara nomim aria mo puhoni isana tinapua, God i pa vaia sohena isamim. 3 Ko erÌi hitevosahi na utauta rihirihi na matan voraim, pani mata sava ko sopo erÌi hitevosahi na masunga vipahai na matam? 4 Teni o pa erÌi verea isan voraim sohena sava vara, ‘Tapala o tinarÌihiau a lavi narÌihi na utauta rihirihi matea na matam!’ pani ko sopo hitevosahi na masunga vipahai na matam hasem? 5 Engko tapnetano, o lavi narÌihi na masunga vipahai na matam hasem tiroma, matan vara o pa erÌi kilau i rÌuhu vara o lavi narÌihi na utauta rihirihi na matan voraim. 6 Ha sopo sile na hina tapu non God isana viriu, matan enira la pa posi la hatisatihiho, ale ha sopo sile na nomim hurÌutavila isana poi, matan la pa lo varasihira purongo. 7 Ha usia, ale la pa silea isamim, ha alea, ale ha pa vileia, ha rÌerengi, ale pelati i pa roi isamim. 8 Haratu la usia la pa lavia, haratu la alea la pa vileia, ale la haratu la lo rÌerengi, pelati i pa roi isara. 9 Teni te vonamim i pa erÌi sile na vatu isan natuna vara mo usia na pereti? 10 Teni te vonamim i pa erÌi sile na mata isan natuna vara mo usia na maji tasi? 11 Vara kamim tamlohi hehe ka levosahi na sava otori sei mo rÌuhu vara ha pa silea isana natumim, ka levosahia moiso vara posin Tamamim na tuka mo jeu na posposi tamlohi, ale i pa sile na otori rÌuhu isan la haratu la usia. 12 Ale matana, ha vaia isana tinapua sohena ka opoia vara la vaia isamim matan harihi mo marÌivisi na Leu non God peresi na reti nona prÌovet tuai. 13 Ha unu na matarua rihirihi, matan vao tavera la lo unu na matarua tavera, ale la lo usuri na malele mo tavera sei mo lo vano na talai non God, ale i pa komora. 14 Pani matarua atu mata unu na malele mata mauri mo rihirihi, malelena mo rÌilangi, ale tupu visalete purongo la vileia. 15 Ha lo kilau mata prÌovet haluhalu! La pa mai sohena tamlohi tuetueni, pani na lolora la sohen viriu varavarahati matan la pa komo na nomim rasua. 16 Ha pa erÌi hitevosahira na nora vavahinau. Ha sopo erÌi vu na vua grape na talu kaulu teni vua fig na asi matemate. 17 Hin malele atu pahai rÌuhu tari la pa sile na vua rÌuhu, pani pahai sati i pa sile na vua sasati. 18 Pahai rÌuhu i sopo erÌi sile na vua sasati, ale pahai sati i sopo erÌi sile na vua rÌuhu. 19 Pahai tari sei la sile vua sasati la pa taijovira, ale la pulahira na hapu. 20 Ha pa erÌi hitevosahi na prÌovet haluhalu na nora vavahinau. 21 Mo sopo tamlohi tari sei la lo toviau lara, ‘Moli! Moli!’ la pa lavi mauri atu God mo aulu hinia, pani la haratu purongo sei la lo oloolo hin Tamaku na tuka la pa unu hinia. 22 Na rani mata aria, tamlohi matuvana la pa toviau vara, ‘Moli! Moli!’ La pa verea lara, ‘Kama lo retivujavujangi na hijam, ale na hijam kama lo titiu na tanume sasati, ale kama lo vai na hina marÌurahi matuvana hinia.’ 23 Pani a pa verea isara vara, ‘Kamim, ka sopo noku tamlohi! Ha malue, kamim ka tamlohi tope na leu!’ 24 Ale vara tea mo rongo na noku reti, ale mo vaira, mo sohena tamlohi lelevosahi matea sei mo voro na imana na vatu. 25 Tavara mo jovi, ale wai mo tavei mo mai peresi na langi rÌilangi la vili ima atu, pani mo sopo jovi matan mo voroa na vatu. 26 Ale vara tea mo rongo na noku reti, pani mo sopo vaira, mo sohena tamlohi rongorongo vono matea sei mo voro na imana na oneone. 27 Tavara mo jovi, ale wai mo tavei mo mai peresi na langi rÌilangi la vili ima atu, ale ima atu mo jovi mo maroe." 28 Hin rani atu Iesu mo vere harihi mo isoiso, vao atu la marÌurahi tavera na nona vujangi, 29 matan mo vujangira sohena tamlohi aulu matea, mo sopo sohena nora tamlohi vujangi mata leu.