Mark 3

1 Na Sabbath tinapua matea, Iesu mo mele unu na ima lotu nona Jew matea, ale tamlohi lima kuti matea mo lo toho atu. 2 Ale meresahi non Iesu la lo kilau Iesu vara i pa vai mamahuni tamlohi atu na Sabbath teni, matan vara la pa tuvaia matana. 3 Iesu mo verea isan tamlohi lima kuti atu mara, “O mai nike!" 4 Ale mo verea isara mara, “Na Sabbath, mo tataholo vara rÌa tueni na tamlohi teni vara rÌa komo tea? Mo tataholo vara rÌa juri te mauri teni rÌa vilia?” Pani la rÌohu vara la rÌaramia. 5 Iesu mo kilau rÌalihira na lolokoru, matan mapura mo rÌilangi, ale mo verea isan tamlohi lima kuti atu mara, “O rÌirahi na limam.” Tamlohi atu mo vaia sohena ale limana atu mo mele rÌuhu. 6 Pa la Pharisee atu la malue vahatea, la vano la tovi takonahi na tamlohi la lo usuri supe Herod, ale la aleale malele matan vara la pa vilimatei Iesu hinia. 7 Iesu tolu na nona tamlohi usuri la malue, la sivo na tasin Galilee, ale vao tavera matea mo usuria. La tai Galilee, Judea, 8 Jerusalem, Idumaea, hai la tai na tavalu wai Jordan, ale na jara rÌalihi Tyre enia Sidon. Vao tavera atu lara la rongo la hinau atu Iesu mo lo vaira, la mai isana. 9 Ale hin jara atu Iesu mo vere na nona tamlohi usuri vara la tau mamahuni te boti hatea matana matan vao tavera atu, vara i vono la pa tohoia, 10 matan Iesu mo vai tihai na rojoa nona tamlohi matuvana moiso, mo vai la haratu la rojo la lo vartohoi rÌalihia vara la tikelia. 11 Ale tanume lumiha sasati na tamlohi lara la hitea, la jovi sivo na nahona la ngara lara, “Engko Natun God!" 12 Pani Iesu mo reti rÌilangi isara vara la sopo vereulia vara enia hare. 13 Moiso, Iesu mo sahe aulu na vutivuti matea, ale mo tovi la haratu mo opoira, ale la mai isana. 14 Ale mo virÌoni na tupu sangavulu rÌomana mo rua sei mo tovira vara la vaharÌule, matan vara i pa rÌulera la vano isana tamlohi mata retivujavujangira, 15 ale mo silera na suiha mata titiu narÌihi na tanume sasati. 16 Mo virÌoni la tupu sangavulu rÌomana mo rua atu sohen harihi: Simon sei Iesu mo tau na hijana vara Peter. 17 James enia John natun Zebedee, Iesu mo silera na hija vara Boanerges’ rÌaramina, ‘Natu Piri’ matan jingora mo lo tupali tarea. 18 Andrew, Philip, Bartholomew, Matthew, Thomas, James natun Alphaeus, Thaddeus, Simon mara Cana enia tamlohi matea mata valum mata jarana, 19 ale Judas Iscariot, haratu mo lo turuposi hinia. 20 Moiso Iesu mo mele vano hin ima atu mo lo toho hinia. Mo sopo tuai vao tavera la mele mai la takonahi, ale la vaia mo sopo te masapa vara la erÌi hanhani. 21 Tavtavuin Iesu lara la rongoa, la vano vara la taurilatia matan la lo verea lara, “Hara sei, rÌomina mo tihai sei!" 22 Ale tamlohi vujangi mata leu sei la tai Jerusalem la lo verea lara, “Tamlohi sei, supe nona tanume sasati sei Beelzebul mo sohonia, ale mo lo titiu narÌihi na tanume sasati na suihana!" 23 Pani Iesu mo tovira mai isana ale mo verea mara, “Mo sohena sava natu Setan i erÌi mele levuti narÌihi Setan? 24 Jara tari sei supe la lo aseasehira hinira hasera la pa maroi, ale i pa sopo te taon tavera teni te vao ima vara i lo aseasehia hasena i pa erÌi turu. 25 Vara vao ima matea i lo levuti na vaona, tamlohi hinia la pa erÌi toho rÌuhu sohena sava? 26 Ale Setan peresi na vaona vara la lo levlevutira hasera purongo, suihan Setan i pa turu sohena sava matan suihana i pa isoiso. 27 Ka hitea? Vara tamlohi matea mo opoia vara i unu na ima tamlohi suiha matea mata i vanaho te nona hinahinau, i pa lavi te asi hatea i pesi tamlohi suiha atu tako, moiso i pa lavi na nona hinahinau. 28 VararÌuhu, na verea isamim vara hehe tari tamlohi la lo vaira teni na nora retisasati hin God, God i pa rÌomira. 29 Pani hare mo lo vere lejileji Tanume Tapu, enia, God i pa sopo erÌi rÌomia hin te rani." 30 Iesu mo lo verera hin la hinau sei matan la lo verea vara tanume sasati lumiha matea mo lo toho hinia. 31 Tinan Iesu peresi na voraina la pala hin ima atu, la lo turu na jingoima ale la sohai na reti sivo isan Iesu vara i mai i hitera. 32 Vao matea mo lo sakele rÌalihi Iesu ale la verea isan Iesu lara, “Eh! Tinam peresi na voraim peresi na vevoraim la lo toho na jingoima la lo aleho!" 33 Pani Iesu mo rÌaramira mara, “Tinaku enia hare? Voraiku enira hare?" 34 Mo kilau rÌalihi la haratu la lo sakele rÌalihia mara, “Ka hitea? Tinaku peresi na voraiku enira nahai! 35 Sava tamlohi mo lo vai na masalon God, enia voraiku teni vetasiku teni tinaku."