Revelation 2

1 “Hinau akerihi natu, o pa ulia i vano isan angelo mata vao kalesia hin Ephesus: ‘Harihi retisohai sei non haratu mo lo tauri na vitusarasara mo limaravrua na matuana, ale mo lo hahau na livuhan la peri lamu mata gold atu mo limaravrua.’ 2 Mara, ‘Na levosahi na nom vavahinau, nom voko peresi na nom rÌomperavu vara o lo turu rÌilangi na mauri rasua. Na levosahia vara ko sopo lavi te tamlohi sasati, ale ko vaihite na tamlohi hai sei la verea lara enira la vaharÌule, pani mo vono, ale ko vileia vara enira la tamlohi halu. 3 Na levosahia vara ko lo tauri na nom rÌomperavu na rani rÌilangi mata hijaku, ale ko sopo tinarÌihi na nom rasua. 4 Pani hinau matea na sopo avulahi hinia isam! Enia mo sohen harihi: Nom opoia mo sopo mele rÌilangi sohen tiroma. 5 Matana, o to rÌomrÌomia vara ko jovi epu na nom opoia matan tiroma, o mele posi na nom hehe, ale o vai na nom opoia sohen tiroma. Pani vara i vono, a pa mele sinai a lavi narÌihi na nom peri lamu vara o sopo posi. 6 Pani mele hinau matea ko vaia mo tataholo, ko rÌohu na sava hinau tamlohi non Nicholas la lo vaira, ale enau sohena na rÌohu hinira. 7 Isan haratu mo lo rongo, o tapurongo na sava Tanume Tapu mo lo verea isan la vao kalesia atu, haratu mo jeu na suihan sasati, ale mo turu rÌilangi mo tikeli na isoiso maurina, enau a pa majinga vara i hani na vuan vipahai atu mo lo sile mauri sei mo lo toho Paradise na tuka non God.’” Leta Isan Smyrna Mo mele verea mara: Rev 22.2; Ezek 28.13 8 “Hinau akerihi natu, o pa ulia i vano isan angelo mata vao kalesia hin Smyrna: ‘Harihi retisohai sei non haratu enia pulo hinau tari, enia isoiso hinau tari hitahu, mo mate, pani nake mo mele mauri!’ 9 Mara, ‘Na levosahia vara ko lavi na rani rÌilangi sohena sava moiso, ale na levosahia vara ko tilavono, pani engko ko tavtav, na levosahi la retisasati sei la verea matam mo tai isan la haratu la vara enira Jew, pani enira la sopo Jew tataholo, mo vono enira vaon Setan. 10 O sopo matahu matan la hinau rÌilangi sei la tatamahu moiso vara la mai isam, ale ko hitea, i pa sopo tuai, Tiapolo i pa tau te tatuamim na ima rÌilangi vara i vaihite kamim, ale ha pa rongo i sati mata rani i sangavulu, pani vara o rÌomturu rÌilangi, hina purongo vara o mate matana, pani a pa sileho na nom rÌongorÌongo nona supe mata mauri. 11 Isan haratu mo lo rongo, o tapurongo na sava Tanume Tapu mo lo verea isan la vao kalesia atu, isan haratu mo jeu na suihan sasati, ale mo turu rÌilangi mo tikeli na isoiso maurina, i pa sopo erÌi vano na harua mateia!’” Leta Isan Pergamum Mo mele verea mara: 12 “Hinau akerihi natu, o pa ulia i vano isan angelo mata vao kalesia hin Pergamum: ‘Harihi retisohai non haratu sei mo lo tauri na sita voro tavalu rua mata vuro!’ 13 Mara, ‘Na levosahia vara ko lo toho na jara sei Setan mo supe ea, pani ko lo taurilati na hijaku, ale ko sopo vunvuni na nom rasua hiniau, hina purongo vara la taurilati Antipas noku tuetueni sei mo lo rÌomturu rÌilangi, la vilia mo mate hin jara atu sei Setan mo lo toho ea. 14 Pani na hite na hinau hai ko lo vaia mo sopo rÌuhu: tatuamim la lo usuri na vujangi non Balaam. Tuai mo vere Balak vara i vujangi na natun Israel vara la erÌi hani na hanhani sei la silea isana tamasi moiso, ale vara la usuri na mauri maji, 15 ale tatuamim sohena la lo usuri na vujangi non tamlohi non Nicholas, 16 Ale matana, o posi! Vara i vono, nakerihi purongo vara a mai a pa valum peresi la tamlohi sei la lo usuri Nicholas, ale a pa taira na sita tavalu rua mata vuro na jingoku. 17 Isan haratu mo lo rongo, o tapurongo na sava Tanume Tapu mo lo verea isan la vao kalesia atu, Isan haratu mo jeu na suihan sasati, ale mo turu rÌilangi mo tikeli na isoiso maurina, enau a pa silea hin hanhani atu sei la tovia mana sei la jarohia. Moiso enau a pa sile na vatu lulu matea isana, ale hin vatu atu hija paro matea mo lo toho hinia, pani haratu mo lavia enia hasena purongo i pa levosahi na rÌaramin hija atu.’” Leta Isan Thyatira Moli mo mele mauri mo verea mara: 18 “Hinau akerihi natu, o pa ulia i vano isan angelo mata vao kalesia hin Thyatira: ‘Reti nike enira retin Natun God! Mataku la lo hani sohena pepe hapu, paloku la lo angiangi sohena bronze aen mo tutuni.’ 19 Mara, ‘Na levosahi na nom vavahinau, nom opoia, nom rasua peresi na nom rÌomperavu mata turu rÌilangi, ale na levosahia vara ko lo vai na hinau nake mo jeu haratu tiroma. 20 Pani hinau matea na sopo avulahi hinia isam: harÌai sei Jezebel sei mo lo hase verea vara enia prÌovet matea, ko majinga vara i lo vujangi na noku volitusi na malele halu matan vara la lo usuri na mauri maji, ale la hani na hanhani sei la silea isana tamasi moiso. 21 Na sile na masapa isana moiso vara i posi na nona hehe, pani mo sopo opoia vara i isoiso na nona mauri maji. 22 O lo levosahia vara a pa ari Jezebel na rojo matea na vatana, ale la haratu la lo vaivaileu peresia, la pa lavi na rongohaji tavera vara la sopo isoiso hin nona posposi sei, 23 ale a pa vilimatei na natuna, ale vao kalesia tari la pa levosahia vara enau haratu mo lo ale na hinau tari na lolo rÌomi tamlohi peresi na lolo mapu tamlohi. A pa sile na volimim i tataholo isamim hatehateahi i tataholo na nomim vavahinau. Psa 7.9; Jer 17.10 24 Pani isana tatuamim Thyatira la haratu la sopo lelevosahi teni la usuri na vujangi non Jezebel sei hai la lo verea vara enia vujangi puhoni non Setan, ale isamim a pa sopo erÌi mele vere te retileu tinapua hatea isamim matan vara a sopo mele tau te hinau puhoni isamim, 25 pani na verea vara ha lo tauri rÌilangi na sava ka lo tauria moiso i tikeli pongi atu a pa mele mai hinia. 26 Isan haratu mo jeu na suihan sasati, ale mo lo turu rÌilangi na noku vavahinau mo tikeli na isoiso maurina, a pa silea na suiha vara i aulu na mara jara tinatinapua, Psa 2.8â9 27 ale i pa aulu hinira, i pa kilaura na maja aen, ale i pa viliroiroira sohena jilivi lepa purongo, i pa sohen suiha atu Tamaku mo sileau hinia, 28 ale a pa silera na majou rÌalavuho. 29 Isan haratu mo lo rongo, o tapurongo na sava Tanume Tapu mo lo verea isan la vao kalesia atu.’"