Romans 14

1 Ha lavi la haratu rÌomira la lo kaka vara sava natu mo tataholo na posposi rasua, ale ha sopo arera na hinau la rasua. 2 Tamlohi hai la rÌomrÌomia vara mo tataholo vara la hani na hinau tari, pani hai rÌomira la sopo rÌilangi sohera, la lo hani na pere pahai purongo. 3 Haratu mo hani na hinau tari i pa sopo hiterÌesi haratu mo tapuhoro te hanhani, ale haratu mo tapuhoro te hanhani, i pa sopo ari haratu mo lo hani na hinau tari, matan God mo lavia nona moiso. 4 Engko hare vara o erÌi ari na volitusi nona tinapua? Nona tamlohi tavera purongo i pa verea vara enia mo tataholo teni mo vono, ale i pa turu matan Moli i pa erÌi vaia i turu na rani aria. 5 Tamlohi hai la rÌomrÌomia vara na nahon God rani matea mo mele tapu mo jeu na tinapua mata lotu God, pani tamlohi hai la hitea vara rani tari la sohesohera purongo. Mo tataholo vara tamlohi hatehateahi la hatihia vara sava mo tataholo na rÌomira. 6 Haratu mo sile na oloolo isana rani matea, mo vaia matan vara i sile na oloolo isan Moli. Haratu mo lo hani na hinau tari, mo sile na oloolo isan Moli na nona vere meje matana, ale haratu mo tapuhoro na hanhani, mo tapuhoroa matan vara i sile na oloolo isan Moli, ale mo vere meje isan God. 7 Matan mo sopo tea vara i mauri nona hasena, ale mo sopo tea vara i mate nona hasena. 8 Vara rÌa mauri, rÌa mauri non Moli, vara rÌa mate, rÌa mate rÌa sahe isan Moli, matan haratu, vara rÌa mauri teni rÌa mate, enrÌa non Moli. 9 Matan harakerihi natu KrÌisto mo mate ale mo mele mauri, matan vara i erÌi Moli non la haratu la mate peresi la haratu la mauri. 10 Engko, mata sava ko ari na voraim, teni vara ko hiterÌesia? Matan enrÌa tari rÌa pa turu na nahon God mata aria, 11 matan la ulia vara, ‘Moli mo verea mara: Matan enau na lo mauri, tamlohi tari la pa popovitoho isaku, ale meme tari la pa taviti isan God.’ Isa 45.23 12 Matan haratu mo mera purongo vara enrÌa tari rÌa pa turu na nahon God vara rÌa rÌarami na nona aria mata norÌa vavahinau. 13 Matan hinau atu, rÌa sopo mele sile na talai isarÌa hatehateahi, pani i pa mele rÌuhu vara rÌa hatihia vara rÌa sopo mele vai te hinau vara i vai na vorairÌa tinapua i tialahalaha teni i ori hinia. 14 Usuri na rÌomrÌomi non Moli Iesu, na lo levosahia mo rÌuhu vara mo sopo te hanhani mo lumiha vara rÌa sopo erÌi hania, pani enia mo lumiha isan haratu mo rÌomrÌomia vara mo lumiha. 15 Vara voraim rÌomina mo lo sati na sava ko lo hania, ko sopo mele hahau na opoia. O sopo komo haratu KrÌisto mo mate matana, mata ham hinau purongo. 16 Ale matana, o sopo sile na masapa isan tea vara i jovi na hehe mata sava ko levosahia vara la pa retisasati hiniho matana, hina purongo vara ko levosahia vara mo tataholo. 17 Matan sava ko lo hania teni ko lo inua, la sopo aulu hin mauri atu God mo aulu hinia, pani posposi tataholo, tamata peresi avulahi atu la tai isan Tanume Tapu la aulu na mauri. 18 Hare sei, mo volitusi isan KrÌisto hin malele sei, God i pa avulahi hinia, ale tamlohi sohena la pa avulahi hinia. 19 Matan haratu, mo rÌuhu vara rÌa tutungui na sava i pa vai na tamata, ale na sava i pa tueni na tamlohi la ulua na nora rasua. 20 O sopo komo na vavahinau non God mata hanhani purongo, vararÌuhu hinau tari la vokevoke, pani mo sopo tataholo vara o hani te hinau vara i pa vai na tinapua i jovi matana. 21 I pa mele rÌuhu vara o sopo hani te mit teni o inu te wai rÌilangi vara i pa vai na voraim i jovi na nona rasua. 22 Nom rasua enia nom hasem peresi God. Haratu mo vai na hinau matan mo levosahia vara mo tataholo vara i vaia, i pa avulahi matan mo levosahia vara i pa sopo lavi na talai matana. 23 Pani haratu mo sopo levosahi mamahunia vara sava mo lo hania mo tataholo na nahon God teni mo vono, enia i pa lavi na talai vara i hania matan mo sopo hania usuri na nona rasua, ale sava mo sopo vora na rasua enia hehe.