Romans 9

1 Na lo vere na retivararÌuhu na hijan KrÌisto, na sopo halu; rÌomiku mo levosahia vara Tanume Tapu mo levosahia 2 vara rÌomiku mo jovi tavera, ale mapuku mo tangi, 3 vara te malele vara voraiku sei tahisaku Israel, la erÌi juri hinia, a pa hase tai narÌihiau hin KrÌisto, a mai hina lesati mata malelera. 4 Enira la tavtavuin Israel, ale enira korohi non God, mo vujangi na nona matamata tavera isara la rÌuhurÌuhu jea, peresi na nona retitauhi isara tuai, la lavi na nona leu, la lavi na posposi mata lotua, ale nona retitauhi mata jurira. 5 Ale pira tuai enira tamlohi aulu non God, ale KrÌisto vara rÌa usuri na malele tamlohi, enia mo tai isara, enia God sei mo aulu na hinau tari, ale i pa lavi na hasohaso tarea tui tui, amen. 6 Pani mo sopo sohena vara God mo rÌomaliho na nona retitauhi isan tavtavuin Israel, matan mo sopo tamlohi tari sei la tai isan Israel la tavtavuin Israel, 7 ale mo sopo vara enira mo isoiso natun Abraham vara enira taniana, pani matan la ulia vara, ‘Taniam la pa lavi na hijam hin Isaac’. Gen 21.12 8 Enia mo rÌaramia vara na nahon God mo sopo taniana tari la tai isan Abraham la natun God, pani natuna tari na nona retitauhi, enira mahapin Abraham. 9 Matan retitauhi mo verea sohen harihi mara, ‘Sohen harakerihi tavul tauni a pa mele mai, ale Sarah i pa vasusui na lamane matea’. Gen 18.10, 14 10 Mo sopo haratu purongo, pani Rebecca sohena mara mo vasusui na havo isan tamlohi matea purongo pirÌa Isaac, 11 pani tiroma la pa vora, teni tiroma la pa vai te hinau mo rÌuhu teni mo sati, matan vara rÌomrÌomi non God mata virÌoni na nona tamlohi i pa turu, 12 mo sopo mata nora vavahinau, pani matan God mo tovia, mo verea isan Rebecca mara, ‘Vora tiroma i pa volitusi isan vora hitahu’. Gen 25.23 13 Sohen la ulia vara God mo verea mara, ‘Na opoi Jacob, pani na rÌohu hin Esau’. Mal 1.2â3 14 Vara sohena, rÌa pa vere na sava? God mo tametame tea teni mo vono? Mo vono! 15 Matan God mo verea isan Moses mara, ‘A pa rÌomrÌuhu hin haratu sei na rÌomrÌuhu hinia, a pa rÌomopoi hin haratu sei na rÌomopoia.’ Exo 33.19 16 Matan haratu, mo sopo turu na masalon te tamlohi teni te nona vavahinau, pani mo turu hin God sei mo lo rÌomopoi. 17 Matan na Retitapu God mo verea isan Pharaoh mara, ‘Na taheho sahe aulu matan hinau akerihi natu, vara a pa erÌi vuhesi na suihaku hiniho, ale matan vara tamlohi la pa hasohaso na hijaku na jara tari na varama’. Exo 9.16 18 Ale matan haratu mo vujangia vara God mo lo rÌomopoi na sava tamlohi enia mo opoia, ale enia mo lo pelati na mapun hare enia mo opoia. 19 Korong tea i pa verea isaku vara, “Avei, vara God mo vai na masalona sohena, mata sava natu mo pa lo hite na hehe? Matan hare natu, i pa erÌi horo na masalona?" 20 Pani engko sava tamlohi natu, vara o pa erÌi reti isan God sohena? ‘Mo tataholo vara hinau sei God mo vaia, i erÌi verea isan God sei mo vaia vara, “Mata sava ko vaiau sohen harihi”?’ Isa 29.16; 45.9 21 Teni vara tamlohi sei mo lo vai na jilivi na lepa, ko hitea vara mo sopo tataholo vara i vai na jilivi i rua na vorÌoli lepa matea vara matea mata jara lakolako, ale matea mata jara utauta? 22 Ko hitea mo tataholo vara God mo opoia vara i lo rÌomperavu tako hin la haratu mo virÌonira mata komo moiso, matan vara i erÌi vujangi na nona talai lolokoru mata hehe peresi na suihana isana tamlohi, 23 matan vara i erÌi vujangia vara rÌuhurÌuhuna mo rÌuhurÌuhu jea sohena sava isan la haratu sei i pa rÌomopoira, enira sei mo virÌonira moiso mata lavi na rÌuhurÌuhuna, 24 enrÌa sohena, enia mo tovirÌa, pani mo sopo tovirÌa isana Jew purongo, pani isana tamlohi rÌorÌoha sohena. 25 Sohen God mo verea na Retiulia non Hosea mara, ‘La haratu sei la sopo noku tamlohi, nake a pa tovira “noku tamlohi” ale a pa opoi harÌai sei mo sopo tea i opoia.’ Hos 2.23 26 Ale, ‘Tiroma mo verea isara mara, “Ka sopo noku tamlohi”, pani nake i pa verea vara, “Kamim ka natun God sei mo mauri”.’ Hos 1.10 27 Ale Isaiah mo lo ulo aulu matan Israel mara, ‘Hina purongo vara evi natun Israel la sohena oneone vavarihi na tasi, tupu visalete purongo la pa juri. 28 Matan Moli i pa sile vevuhi na nona talai i vila, rÌomina i pa sopo rua hinia.’ Isa 10.22â23 29 Ale sohen Isaiah mo verea tiroma moiso mara, ‘Vara Moli Suiha Tavera Jea na tuka i sopo lo tinarÌihia vara te mahapimam la mauri, korong kama pa tihai sohen Sodom peresi Gomorrah moiso.’ Isa 1.9 30 RÌa pa verea sohena sava natu? RÌa pa erÌi verea vara haratu la tamlohi rÌorÌoha la mai la tataholo na nahon God pani mo sopo matan la lo tutunguia pani matan la rasu God, 31 pani Israel sei la lo tutungui na leu vara i pa vaira la tataholo na nahon God, pani la sopo erÌi vai vevuhi leu atu. 32 La sopo erÌi vaia mata sava? Matan la sopo tutunguia na malele rasua, pani la hitea vara la pa vaia na nora vavahinau. La tialahalaha hin vatu atu mata tialahalaha, 33 sohena la ulia vara, ‘Ka hitea? Na lo tau na vatu matea hin Zion mata tialahalaha, ale na tau na vatu matea matan i pa vaira la jovi, pani haratu mo tau na nona rasua hinia, i pa sopo tea i erÌi vaia i mahanuhanu.’ Isa 8.14; 28.16