Titus 1

1 Leta nike, enau Paul na ulia, enau volitusi matea non God, ale vaharÌule non Iesu KrÌisto, matan vara a tueni na rasua non la haratu God mo virÌonira, vara la pa levosahi na hina vararÌuhu mo lo tuenira vara la pa hahau na malele God mo avulahi hinia, 2 i usuri rÌomtoho atu mata mauri tui, haratu God mo sopo halu mo retitauhi hinia na pongi tiroma. 3 Na rani tataholo God mo taua moiso, mo vuhesi na nona reti na malele retivujavujangi, haratu God norÌa Jujuri mo silea isaku usuri na nona retileu. 4 Leta nike, mo vano isam Titus, natuku tataholo na norÌa rasua, rÌomrÌuhu peresi na tamata non God TamarÌa peresi KrÌisto Iesu norÌa Jujuri la mai isam. 5 Hin rani atu na malue na ureuren Crete, na tauho matan vara o pa vai vevuhi tataholoi na sava na sopo isoiso hinia, ale vara o pa virÌoni na patu tamlohi mata vao kalesia na taon tari atu, sohen na verea isam. 6 Patu tamlohi matea mo sopo te hinau na maurina vara tea i erÌi pisuhia matana, narouna matea purongo, natuna la rasu Moli, ale la sopo lavi na hija sati mata lejileji teni matan la sopo oloolo. 7 Patu tamlohi atu mata kilau na vavahinau non God, i pa sopo tea i erÌi pisuhia hin te hinau na maurina, enia i pa sopo tamlohi matea mo lo rÌompurongo na tinapua, i pa sopo tamlohi lolokoru vila, i pa sopo tamlohi inu hajavua matea, i sopo tamlohi valvalum matea, moiso enia i pa sopo tamlohi haluhalu matea mata mania. 8 Pani i pa tamlohi matea imana mo roi isana tamlohi tari, mo opoia vara i tueni na hinau mo rÌuhu, rÌomrÌomi rÌuhu mo lo toho isana, nona aria mo tataholo, mo vokevoke, moiso rÌomina mo rÌilangi vara i taurilati na masalona. 9 Enia i pa tauri rÌilangi reti atu rÌa erÌi rasua sei haratu la vujangia moiso matan vara i erÌi tueni na tinapua na vujangi tataholo, ale i turuhoro la haratu la lo turuleji hinia. 10 Matan, tamlohi matuvana la rÌohu vara la oloolo na tamlohi la lo tauri na suiha, la lo verevere vono, ale la tamlohi halu, na lo vere la haratu na vao tairÌalihi. 11 O sopo tinarÌihia vara la vujangi matan la lo komo na vao ima matan la lo vujangi na hinau mo sopo tataholo vara la vujangia, la lo vaia matan vara la pa lavi na mania. 12 Tuai, vonara matea nora prÌovet matea mara Crete, mo verea vara, ‘Mara Crete la lo retihalu tarea, la tamlohi sasati, la maloko vari, la lo sohena poi.’ 13 Retivuhesi sei mo lo verea mo vararÌuhu. Matan haratu, o hapuhira i rÌilangi matan vara nora rasua i mauri i rÌuhu, 14 ale la pa sopo mele tapurongo na sorasora vono nona Jew teni na retileu non la haratu la lo rÌohu na retivararÌuhu. 15 Isana tamlohi rÌomira la vokevoke, hinau tari la rÌuhu, pani isana tamlohi rÌomira la hehe, ale la sopo rasua, hinau tari la vaia mo sopo rÌuhu. Tarea hehe mo tavuni na rÌomira, la sopo mele levosahia vara sava mo tataholo teni sava mo sati. 16 La lo verea vara la levosahi God, pani nora vavahinau mo lo vujangia mo memera vara enira la sopo levosahia, la sasati, la sopo oloolo hin God, ale la sopo rÌuhu matan vara la vai te hinau i rÌuhu.