Titus 3

1 O mele vere na tamlohi rasua vara la sile na oloolo isana tamlohi aulu peresi la haratu la lo tauri na suiha, ale vara la pa oloolo hinira, la tatamahu vara la vai na hina rÌuhu tarea. 2 O vujangira vara la sopo veresatihi na tinapua, la vaharÌi na vasvas, ale la rÌomrÌuhu, ale posira la vujangi na rÌommalum isana tamlohi tari, 3 matan tiroma moiso enrÌa sohera, rÌa rongorongo vono, rÌa lejileji, tamlohi la halurÌa, rÌa slev na masalo varama peresi na hinau rÌa opoira jea, rÌa lo usuri na posposi vaisatihi na tinapua peresi na posposi mereimerei moiso tamlohi la rÌohu hinirÌa, ale rÌa rÌohu hinira. 4 Pani na rani God norÌa Jujuri mo vujangi na nona rÌomrÌuhu peresi nona opoia isarÌa, 5 mo jurirÌa, pani mo sopo matan te posposi tataholo rÌa vaia, pani mata nona rÌomopoia, mo jurirÌa na malele vora paro, ale mo hoje narÌihi na norÌa hehe, mo vairÌa rÌa turu na mauri paro, la hinau sei mo vaira na suihan Tanume Tapu. 6 God mo sile purongoi na Tanume Tapu isarÌa hin Iesu KrÌisto norÌa Jujuri, 7 matan vara rÌa pa erÌi mai natuna, ale matan vara rÌa levosahi mamahunia vara rÌa pa mauri jejeu, matan nona rÌomrÌuhu mo vairÌa rÌa tataholo na nahona. 8 Reti nike, ha erÌi rasua, ale na opoia vara o vere mamahuni la reti nike, matan vara la haratu la tau na nora rasua hin God la pa tatamahu vara la tau na rÌomira vara la vai na sava mo rÌuhu. La reti nike, la rÌuhu mata tuetueni isana tamlohi tari. 9 Pani o vaharÌi na sorasora vono peresi na sorasora mata mahapira, ale o vaharÌi na vasvas peresi na vauriuri mata Leu, matan la sopo erÌi tueni tea, ale enira la sopo rÌuhu hin te hinau. 10 Isana tamlohi mo patumasa, o pa retirÌoarÌoahai vaha rua, pani vara mo sopo tapurongo, o tipahia, 11 o pa erÌi levosahi mamahunia vara tamlohi sohena, enia mo vaharÌi na retivararÌuhu, mo hehe, mo hase tau na talai isana. 12 Titus, vara a rÌule Artemas teni Tychicus isam, na opoia vara o vaihitea vara o mai isaku Nicopolis matan enau a pa toho atu na taro hamariri. 13 O tueni Zenas tamlohi lelevosahi mata leu atu peresi Apollos na malelera, o silera na sava la opoia mata malelera. 14 Mo rÌuhu vara norÌa tamlohi la levosahia vara la tau rÌomira mata tueni na tinapua, isan la haratu la vejuveju, ale o verea isara vara la sopo toho purongo. 15 Tamlohi tari nike peresiau, la sohai na retioloolo isam. O sile retioloolo sei isan la haratu la opoi kamam na rasua. RÌomrÌuhu non God i toho isamim mo isoiso.