Guyeiti 125

1 Tɛɛ wo guyei. Niiti ti ɠitosu Ɠɔoɠɔ GALAGI ʋa, naati kɛɛʋɛ eɠɛ Siyɔn gizei, é la ɲiikpiga, toɠa loni ɠɔ. 2 Eɠɛʋelei Zeluzalɛme maaɠooliai la ga gizeiti, zekana Ɠɔoɠɔ GALAGI ná-nuɓusɛiti maaɠooliai la, é zo niizu ma, eyɛsu ɠɔ. 3 Telebotala masadai la yɛga ma ɠɔ telebo nuiti ta-yooi zu, nii a kɛ telebo nuiti ɓalaa ti mina yeelɔ yaava vaiti su. 4 Ee, Ɠɔoɠɔ GALAGI, ɠɛ ga nu ʋagɔ naati bɛ, niiti ti ga nu ʋagɔiti, ta naati bɛ, niiti ti-yii zɔlegai. 5 Kɛlɛ niiti ti zeɠezu pele ʋagɔi ʋa, ti ʋilɛ ma ɲɔi zu, Ɠɔoɠɔ GALAGI ti yɛʋɛ ɠɔɠɔzu, ta naati niiti ti telebotalai ɠɛɛzu! Ziilɛigi ɠɛ Izilayɛle ʋɛ!