Guyeiti 15

1 Davide ná-guyei. Ɠɔoɠɔ GALAGI, ɓɛ ɠa a lɛ è zei ʋɛlɛ ɲadegai wu? Ɓɛ ɠa deɠɛmu a yɛ ɗa-ɠize ɲadegai ma? 2 Zɔi é ziɛzu sɔledai zu, é ɗa telebodai ɠɛ, é ɗa gaamai wo ga yiimaʋɛ pɛ. 3 É la maaɓoo vaa woga ga nɛgi, é la faa ɲɔu ɠɛa ga seiɲɔɠɔi, é la unfetala vaa ɠɛa ga koba nuiti. 4 Toɠa naama nui laaʋili, nii é la ʋani GALA gaazu, kɛlɛ toɠa unfe naati ma, niiti ti luazu Ɠɔoɠɔ GALAGI ʋa. Toɠa yɛ ná-minazeɠe gooi ʋolu, é so kpaan, anɛɛ ni naa ɠa ɠɛ ga tɔun kpɔlɔ vaa. 5 É la ná-walii vea nu ya ga talama vaa. É la lobɛani zoga sɔbalala nu laalɔɠɔma. Zɔi é ziɛzu ɠana, naa la ɲiikpiga eyɛsu pɛ!