1 Yahaya 4

1 Ncigata n va̱, she i usu vuma na ta̱wa̱i suru a dansa u ta̱ na̱ Ruhu va̱ A̱sula̱ wan. I lyungwa̱ le neêen suru, tsa̱ra̱ i reve ko amayun a Éa o uta̱ ta̱ uba̱ta̱ wa̱ A̱sula̱. Ama a̱ A̱sula̱ e epen a̱ a̱bunda̱ a̱ ka̱ra̱ ta̱ Ée a uwa a̱tsuma̱ o uvaÉi. 2 Apa cine yee reve Ruhu va̱ A̱sula̱: Vuma uta̱ ta̱ uba̱ta̱ wa̱ A̱sula̱ nu u damma Yesu Zamawawa ta̱wa̱ ta̱ o uvaÉi tsu vaÉilima̱. 3 Amma vuma na wasain adanshi a nda a adama e Yesu u ri na̱ Ruhu va̱ A̱sula̱ shi. Cuêun ruhu vuma ndolo wu uta̱ ta̱ uba̱ta̱ u maêyuwatan ma̱ Zamawawa. I reve ta̱ Ée a na maêyuwatan mo ndolo ma̱ ta̱ ta̱wa̱ a̱tsuma̱ o uvaÉi, waru u ta̱wa̱ ta̱ Ée. 4 Muwun n va̱, a̱Éu a̱za̱ a̱ A̱sula̱ a Éa, waru i lyuwa ta̱ aci a nêyuwatan n ndolo. Ruhu va̱ A̱sula̱ ta̱ pe a̱tsuma̱ a̱ Éu, waru u laêa ta̱ za na ri pa o uvaÉi ucira lon. 5 Nêyuwatan n ndolo a ta yuwusan adanshi e ili yu uvaÉi adama a na ele fo a̱za̱ o uvaÉi a Éa, waru ama o uvaÉi a tsu zuwaa le ta̱ atsuvu. 6 A̱tsu gba ama a̱ A̱sula̱ a Éa, a̱yi Éa i zuwai aza a na e revei A̱sula̱ aa zuwusaa tsu atsuvu. Na ama a̱ A̱sula̱ a Éa shi, aa zuwaa tsu atsuvu shi. Ne Éa tsee reve ko vuma ta̱ na̱ Ruhu va amayun ko ruhu ve epen. 7 Nêutsa̱ n va̱, tsu cigalai, adama a na icigi e ekere a̱ A̱sula̱ a Éa wu uta̱i. Za na rocoi icigi suru mawun ma̱ A̱sula̱ ma Éa, waru u reve ta̱ A̱sula̱. 8 Vuma na ri ni icigi shi, u reve A̱sula̱ shi, adama a na A̱sula̱ icigi i Éa. 9 A̱sula̱ o roco tsu ta̱ icigi ya̱ yi ana u lyunguyi Mawun ma̱ ta̱ ma̱ yi a̱tsuma̱ o uvaÉi tsa̱ra̱ u ca tsu wuma. 10 Apa icigi ya amayun: A̱tsu Éa tsu cigai A̱sula̱ shi, amma a̱yi Éa u ciga ntsu ÉaÉa u lyunguyi Mawun ma̱ yi wo oêwo kucci vi ili i na yaa tawa nusu tsu. 11 Nêutsa̱ n va̱, adama a na A̱sula̱ a ciga ntsu tsunda, a̱tsu fo tsu cigalai. 12 Babu vuma na enei Ée A̱sula̱, amma na̱ tsu cigalai, A̱sula̱ a̱ to oÉolo na̱ a̱tsu, waru icigi ya̱ yi i ta̱ tapu a̱tsuma̱ a̱ tsu. 13 A̱sula̱ a ca tsu ta̱ Ruhu va̱ yi. Ne Éa tsu revei a na tsu ri oÉolo na̱ a̱yi cine u ri oÉolo na̱ a̱tsu. 14 A̱sula̱ a̱ lyungu ta̱ Mawun ma̱ yi wo oêwo Za vi Iwawi yu uvaÉi. Tse ene yi ta̱, ÉaÉa i zuwai tsaa dansaa ama o ro adama a̱ yi. 15 Za na tarai Yesu Mawun ma̱ A̱sula̱ ma Éa, u to oÉolo na̱ A̱sula̱, A̱sula̱ fo u to oÉolo na̱ a̱yi. 16 A̱tsu aciya̱tsu tsu reve ta̱ cine A̱sula̱ a ciga ntsu lon, waru tsu ca ta̱ okolo a̱ tsu e ekere a̱ yi suru suru. A̱sula̱ icigi i Éa. Na̱ tsu lyuwa elime na̱ ncigalai, tsu to oÉolo na̱ A̱sula̱, waru u to oÉolo na̱ a̱tsu. 17 Na̱ tsu ciga a̱za̱ a̱ tsu ni icigi ya amayun, a̱vu tsu da̱nu cine Zamawawa yuwain a̱tsuma̱ o uvaÉi u nda, tsaa uwwa wovon o urana wu ugeêetosu shi. 18 Babu wovon a̱tsuma̱ e icigi, icigi ya amayun i tsu lo ta̱ wovon. Na̱ vuma ri a uwwusa wovon u ta majiyan gashi a ta ca yi oforo. Na̱ vuma ri a uwwusa wovon, icigi ya̱ A̱sula̱ koto i ri ugbamu a̱tsuma̱ a̱ yi shi. 19 Tsu te icigi adama a na A̱sula̱ a Éa a fara neêen ciga ntsu. 20 Na̱ vuma damma, “N ciga ta̱ A̱sula̱,” a̱vu u êyuwan za va̱ yi, za ve epen a Éa. Aza a na a cigai a̱za̱ e le a na e eneshe kuci shi, aa ciga A̱sula̱ a na koto e enei shi. 21 Apa wila̱ u na A̱sula̱ a ca ntsu: aza a na a cigai A̱sula̱ a ciga a êyuwan a ciga a̱za̱ e le.