1 Tasalonika 5

1 Ama a̱ va̱, ili i ro yi lo na yaa zuwa mu n Éanaa Éu cine ko mantsa ma na ili i ndolo yaa fara shi, 2 adama a na i reve ta̱ ulobonu lon urana wu Zagbain u ta̱ ta̱wa̱ cine vivu tsu ta̱wa̱ na ayin. 3 A mantsa ma na ama aa dansa, “Ili suru i ta̱ mejege, asuvu nden ta̱ lo waru babu addama o ro,” a mantsa ma ÉaÉa ulungusu wa̱a̱ riya̱ le babu urevu, cine mÉa̱la̱ n limatan n ri usa̱n lon na̱ mantsa ma rawa zuzu. A mantsaêa babu ure u malaêaa diga a addama o ndolo. 4 Ama a̱ va̱, she i da̱na̱ a̱tsuma̱ e irumbu adama e ili nda wan, waru she i yuwan asalama nnu urana wu Zagbain ta̱wa̱ gashi vivu wan. 5 Adama a na suru nÉu muwun me ekan n Éa waru muwun mu urana n Éa. Tsu ri a̱za̱ e irumbu na ayin shi. 6 Adama o ndolo i yuwan ipiri i saêani, she i lantsa cine ozo o ro a̱ ri a nlavu wan. I da̱na̱ e ipiri nu uguzu wa aci. 7 Ayin mantsa ma Éa na ama a tsu lantsa waru mantsa ma Éa na ama o tso oêwo usowu. 8 Agba a̱tsu na tsu ri a̱ nden a̱tsuma̱ e ekan tsu êyuwan tsu ciga tsu gitsai aciya̱tsu. Cine soja tsu foÉo aciya̱yi nna̱ wu nla̱ utugu wa̱ a̱a̱ra̱ga̱ a̱ ma̱ka̱ka̱n ma yi, tsu êyuwan tsu ciga tsu foÉoi aciya̱tsu adama na̱ Mekerenkesu ma̱ ta̱wa̱, tsu gura lyuwa elime nu ucawu wo okolo ya̱ Yesu a̱vu waru tsu lyuwai elime ni icigi ya ama. Cine soja tsu foÉo aciya̱yi nna̱ wo oto melezu mo uvon, tsu êyuwan tsu ciga tsu da̱na̱i nu uzuwu wo okolo a na Yesu a wawa tsu. 9 Tsu yuwain ili i nda adama a na A̱sula̱ a zuwa ta̱ okolo u wawa tsu o ucira wu Zagbain tsu Yesu Kristi. A̱yi A̱sula̱ u tsuwa̱n tsu upan wa̱ yi shi. 10 Zagbain Yesu kuwa̱ ta̱ adama a̱ tsu, adama tsu yuwain wuma oÉolo na̱ a̱yi babu ukotu. A̱yi nda amayun a Éa na̱ tsu ri wuma ko cina tsu kuwa̱ a mantsa ma na u ka̱mba̱i. 11 Adama e ili i ndolo suru, i gbamatoloi asuvu reve i suwulai aciya̱Éu cine i ri a yuwusan. 12 Ama a̱ va̱, i ca aza a na a̱ ri azagbain a̱ Éu a̱tsuma̱ o ulinga wu Zagbain tsugbain. A linga ta̱ lon a̱tsuma̱ a̱ Éu waru a damma Éu ta̱ adama e ili i na i ri ulobonu shi a na yaa yuwusan. 13 I ca ama a nda tsugbain waru i ciga le adama o ulinga u le. Waru i yuwan nden n saêani va̱ni Éu. 14 Ama a̱ va̱, ni i ciga i êyuwan i rono orogo atsuvu. I da̱shi aza a na a̱ tsu la̱pa̱ uwwa wovon shi okolo ugbamu. I toni ben waru i ka̱lyuwa̱ aza a na a̱ ri nu ucira shi. I yuwan ankuri na̱ za suru. 15 She i lyawa nanza tsupa iwuya ni iwuya wan, amma i yuwan ukadu i yuwunlai isaêani waru na̱ za suru. 16 I da̱na̱ na̱ ma̱za̱nga̱ kuci. 17 I lyuwa elime na̱ mayan ma avasa. 18 Ko ni ili i ro i fara, i da̱na̱ na̱ no okolo o ugodyusho, adama a na wo oêwoi ili i na A̱sula̱ a cigai a̱ tyo ya̱êa̱ Éu Éa aza a na a̱ ri a̱za̱ a̱ Kristi Yesu Zamawawa. 19 She i geshe Ruhu va Akiza wan. 20 She i kuÉa̱ a tara adanshi e ili yu usokowu ya̱ A̱sula̱ ili ya̱ a̱Éula̱ wan. 21 Amma i êyuwan i ciga i lyungwa̱ ili suru i na a dammai. I guza̱ ili i na i ri ulobonu. 22 I suma cuêun vi iwuya suru. 23 Tsu reve ta̱ a na A̱sula̱ a Éa aa casu asuvu nden, waru n ta yuwusaan Éu avasa u zuwa Éu yoo oêwo aza a akiza o ure suru. N ta yuwusan avasa u geshe okolo na asuvu na̱ lipu Éu diga a mayan mo unusu e re suru, hali she urana u na Zagbain tsu Yesu Zamawawa ka̱mba̱i. 24 Za na Éangwa nÉu za va̱ a̱Éula̱ Éa, waru u ta yuwan ili i ndolo. 25 Ama a̱ va̱, i yuwaan tsu avasa. 26 I ca̱sa̱ a̱za̱ e Itoni a na a̱ ri Ée suru ni ikatalu ya amayun. 27 N te ipati i Éu a̱tsuma̱ a ala a Zagbain, i Éenuna̱ o uêwa wu Zagbain suru mepepelime ma nda. 28 N te ipati Zagbain roco Éu isaêani ya̱ yi suru.