2 Korinti 11

1 N ta zuwusa okolo i ta yuwan ankuri na̱ a̱mu ko na̱ shi n yuwan gashi n reve ili i shi. Ee, n ta patishi Éu i yuwan ankuri. 2 N ta aÉa a̱ Éu ununa A̱sula̱ a̱ ri aÉa a̱ Éu. I rotso ta̱ usheli u na koto u revei vali shi, za na n yuwayin nzuwulai n lolo na̱ vali ta̱ goon, a̱yi Éa Zamawawa na aciya̱yi. 3 Agba gogo n ta uwwusa wovon u na a̱a̱ pusa̱n okolo a̱ Éu adama i lyawa itoni yi Zamawawa a̱tsuma̱ a amayun na akiza, cine yo luluma̱i Hawaâ  o ure u vama wa̱ yi. 4 Tsu damma Éu ta̱ adama e Yesu, reve i tsura̱ Ruhu va Akiza a̱vu i usu ikaka i tsu. Agba reve i lyawa ama o ro a dansaa Éu ili i ro koêo adama e Yesu. Gogo nda i tu ufoÉu na ya̱a̱ ushi ruhu ro koêo reve i ushi ikaka i ro koêo. 5 N reve ta̱ aza a na ee Éesu aciyele “ajiya a gbagbain” a laêa mu shi. 6 Maa yuwan adanshi ulobonu cine ele aa yuwusan shi, agba n reve ta̱ ili i na maa dansa. Tsu roco Éu ta̱ ne a alanga e eteshe o ure biti. 7 N zuwa Éu i tsupa mu adama a Alabari a Saêani a na n yuwaan nÉu alajiya shi. Mo oêwoto ta̱ aciya̱va̱ za̱la̱ reve n ca Éu tsugbain. Unusu u Éa ndoloêo? 8 U yuwan ta̱ gashi n te ivusa̱ a̱êisa̱ a̱ a̱za̱ e Itoni o ro, ana n ushiyi ikebe i le adama n yuwaan Éu a̱ga̱nda̱. 9 Na̱ n lamba ili i ro a mantsa ma na n shi oÉolo na̱ a̱Éu, m pati Éu i kamba mu shi. A̱za̱ a̱ tsu a na o uta̱i Makidoniya a̱vu a rawa Ée ele Éa a ca numu ili i na n cigai suru. Ko keêen koto m pati Éu ikambi i ro shi, waru maa yuwan ne shi, ko keêen. 10 Ko za a̱tsuma̱ e iÉa ya Akataya aa zuwa mu n lyawa adanshi a̱ a̱bunda̱ adama o ndolo shi. N ta dansa ili i nda na amayun a Zamawawa na ri a̱tsuma̱ a̱ va̱. 11 Na̱ n damma maa zuwaa Éu itana yu ume shi, o una̱ u na n ciga nÉu Éa shi? Oêo! A̱sula̱ e reve ta̱ na n ciga nÉu. 12 Waru n ta lyuwa elime ni ili i na maa yuwusan gogo, adama a na n cigai m putsa ama o ndolo nu ure wu uêya̱sa̱sa̱n wa avangaci. A ta ciga a damma ulinga u na a̱a̱ êya̱sa̱sa̱n avangaci adama a̱ yi, ili i ta̱ i Éa na̱ za tsu. 13 Ama a nda ajiya e epen a Éa. A ta yuwusan epen adama o ulinga u le, reve a vadala aciyele tsa̱ra̱ o rotso ajiya a amayun a Zamawawa. 14 Amma ili ya asalama i Éa mu shi! Ko Maleâ  ma tsu vadalasa ta̱ aciya̱yi o rotsuso malingata ma̱ A̱sula̱ me ekan. 15 Adama o ndolo wo oêwo tsu ili ya asalama shi, na agbashi a Male fo a zuwa aciyele o rotso agbashi a na aa yuwusan ulinga u na u ri mejege. Agba o ukosu a̱ ta̱ tsura̱ a̱tsuma̱lima̱ a na a ntsayi adama e ili i na a yuwain. 16 N ta̱ da̱shi dansaa Éu: Ko za tara mu gashi n reve ili shi. Agba na̱ ne Éa majiyan ma̱ Éu, to, poloo numu atsuvu, ununa yoo poloo za na revei ili shi atsuvu, a̱vu fo n yuwan afalu neêen keêen. 17 A mantsa ma na maa cuwusa aciya̱va̱ ne tsundolo, maa yuwusan adanshi cine Zagbain aa yuwan shi, amma tsu za na revei ili shi. 18 Ama na̱ a̱bunda̱ a ta yuwusan afalu adama e ili i na a yuwain a̱tsuma̱ o uvaÉi. Adama o ndolo a̱mu fo n ta yuwusan afalu. 19 A̱Éu aza a na i ri a majiyan i ta̱ nu ugbozu, i ta uwwusa uyoêo o polusoo olo atsuvu! 20 Hali i ta yuwusan ankuri na aza a na a̱a̱ ka̱mbuwusa̱ Éu agbashi e le, ko aza a na aa paalasa Éu, ko aza a na aa yuwusaan Éu epen. I ta yuwusan ankuri na aza a na a tarasa a laêa Éu ta̱, ko aza a na aa Éasasa Éu a agbaguzu. 21 N ta uwwusa wono ana n dammai a na tsu ri nu ucira u na tsaa yuwan ili i na aa yuwusan shi. Na aa yuwusan afalu, a̱mu fo n ta yuwusan, agba uyuwusan ne tsulo tsa Éa. 22 A ta dansa ele mmaci ma Ibrahim n Éa, ko? A̱mu fo maci va Ibrahim Éa. Ele aza a Israêila a Éa? A̱mu fo ne Éa. Ele muwun n tsukaya ma Ibrahim n Éa? A̱mu fo ne Éa. 23 Ele agbashi a Zamawawa Éa? Na̱ n damma n laêa le ta̱ yuwaan yi a̱ga̱nda̱ mo oêwo ta̱ gashi ulo. N laêa le ta̱ yuwan ulinga lon. A zuwa mu ta̱ o uêwa wa ali kuci hali u laêa cine a zuwa nle o uêwa wa ali. Wufabu u na a faba numu u laêa ta̱ cine a faba nle. N yuwan ta̱ zuzu nu ukwa̱ na̱ a̱bunda̱. 24 Aza a Israêila a faba mu ta̱ mataêatsu na̱ kucci. A yuwan ta̱ ne toto uton. 25 A̱za̱ a̱ Roma a faba mu ta̱ na aÉanga. A yuwan ta̱ ne toto utaêatsu. A vara mu ta̱ na atali azama o una mu u ta̱. N shi ta̱ a mmalu a wantsun reve wu Éoso. A yuwan ta̱ ne utaêatsu. Reve n da̱na̱ o uda̱su a̱ mini diga ili yu ulivu hali ulivu u ro. 26 A̱tsuma̱ a mmalu ma̱ a̱bunda̱, n uwa ta̱ a̱tsuma̱ e meleshe adama o Éolu na shiwain, oÉolo na̱ a̱za̱ a̱ nga̱la̱la̱i waru. N uwa ta̱ e meleshe e ekere a ama a̱ va̱, aza a Israêila, ne e ekere a Atakpaci. N uwa ta̱ e meleshe e ilyuci i gbagbain, na̱ a̱tsuma̱ o una, na̱ a̱tsuma̱ a mala. Waru n uwa ta̱ a̱tsuma̱ e meleshe e ekere a ama a na a dansa ele a̱za̱ e Itoni a Éa, agba ne Éa a̱ ri shi. 27 N yuwan ta̱ ulinga wu ucira hali n ta̱ka̱lyuwa̱, waru mantsa na̱ a̱bunda̱ n lantsa shi. N da̱na̱ ta̱ na ambulu na akuli, waru a mantsa na̱ a̱bunda̱ n lamba ta̱ ilyalya. N sowo ta̱ uta̱nu kuci adama a na itana i ka̱la̱ma̱ numu. 28 Uda̱shiyi e ili i nda suru, wo oêwo ta̱ gashi n tu utanuwu ni itana yu ume urana suru adama a na n ri udamu adama a̱ a̱êisa̱ a̱ a̱za̱ e Itoni suru. 29 Ana ozo o ro a̱ da̱na̱i lagaga, a̱mu fo n da̱na̱ ta̱ lagaga. Na̱ a̱ luluma̱ nanza hali u yuwan unusu u tsu damaton mu ta̱ lon. 30 Na̱ hali maa cuwa aciya̱va̱, n ta yuwan ne adama e ili i na i rocoi n ri nu ucira shi. 31 A̱sula̱ e reve ta̱ maa yuwusan epen shi. A̱yi Éa A̱sula̱ na̱ Dada va̱ Yesu Zagbain, waru a ta cuwa yi babu ukotu. 32 A mantsa ma na n shi Dimaska, gwamna (ana Areti da̱na̱i mogono) shi ta̱ ciga u reme mu ÉaÉa u zuwai a̱soja a̱ ka̱nda̱ruwa̱ lyuciêi. 33 Agba a̱vu nêutsa̱ n va̱ mu ta̱lyuwa̱to mu a̱tsuma̱ a aasaka a̱ wungu wu ukari u lyuciêi. Ne Éa n laêai e ekere a gwamnaêa.