2 Bituru 3

1 Ncigata n va̱, a̱yi nda a̱yi Éa mepepelime me ire ma̱ va̱ a na n Éanaa nÉu. A̱ mpepelimeêe n gura ta̱ roco Éu cine yaa yuwan majiyan ma saêani, a̱vu waru i cuwan mejege. 2 N ciga Éu ta̱ i cuwan a̱vu i reve ikaka ya ama̱sula̱ a akizaâ  Ée nu ujimu, waru n ciga Éu ta̱ i cuwan a̱vu waru i reve ili i na Zagbain tsu na̱ Zamawawa zuwai ajiya a̱ Éu a damma Éu i yuwan. 3 U tu ulobonu i reve a na a mantsa mo ukosu a̱za̱ o ulamu a na oo zoêoso amayun a̱ ta̱ ta̱wa̱, a̱vu a yuwan cuêun vi iwuya i na a cigai a yuwan suru. 4 A̱vu a damma, “Te Éa uta̱wu u na u yuwain nzuwulai n na wa̱a̱ ta̱wa̱? Azagbain o ufaru a̱ kuwa̱ ta̱ Ée, agba ili biti i ta̱ lo ununa a̱ ri diga a mantsa ma na a fara yuwain ili biti." 5 Reve ama a nda e icina a na Ée nu ujimu, na adanshi a Éa A̱sula̱ a yuwain zuva. Reve waru a yuwan iÉa a̱tsuma̱ a̱ mini a̱vu mini ma̱ ka̱nda̱ruwa̱ iÉaêa. 6 Ana a tarai mantsa, reve A̱sula̱ a zuwa miniêi u soÉu uvaÉi. 7 Reve waru gba A̱sula̱ a zuwa zuva ni iÉa yo gogo a̱ da̱na̱ lo a̱ nden mi ipiri ma akina a na o foÉoi adama o urana wu ugeêetosu, reve u lungusa̱ ama a na e revei A̱sula̱ shi. 8 Ama a̱ va̱ ncigata, she yi icina a na A̱sula̱ a tara ta̱ urana u ta̱ una̱ta̱ ana aêwan ukpakukupa (1,000) wan, waru u tara ta̱ aêwan ukpakukupa una̱ta̱ nu urana u ta̱. 9 Ama o ro a ta jiyasan gashi Zagbain ta jima, she nu u shiton nzuwulai ma̱ yi suru. Agba Zagbain waa jima ununa ama o ndolo a tarai shi, u ta yuwusaan Éu ankuri. U ciga ko vuma ta̱ kuwa̱ shi, amma u ciga ta̱ vuma suru vadalaâ  u lyawa unusu. 10 Urana wu Zagbain u ta̱ ta̱wa̱ babu urevetyowu, cine vivu tsu ta̱wa̱. Zuva ta̱ rukutsa̱ na̱ yisaali i gbain, a̱vu akina o kototo ili biti. U to roco a alanga eteshe cine uvaÉi u ri ni ili i na i ri pe suru. 11 Adama a na a̱ ta̱ lungusa̱ ili suru, icuêun ya ama a̱ ne a Éa u lobonoi yo oêwo? Adama o ndolo i yuwaan A̱sula̱ a̱ga̱nda̱, i yuwaan yi tsutoni cine yaa yuwusan nden n Éu. 12 I zuwa ugbozu u Éu o urana u ndolo, reve i kamba yi i zuwa yi u rawa goêo. A mantsa mo ndolo a̱ ta̱ lungusa̱ zuva na akina, waru ili i na i buwai suru i te jeruwe a̱tsuma̱ o usuÉuwu. 13 Agba tsu ta̱ ka̱lyuwusa̱ tse ene zuva ni iÉa i saêavu na A̱sula̱ a yuwain nzuwulai waa yuwan, uvaÉi u na koyan Éa aa yuwan ili i na A̱sula̱ a tarai mejege. 14 Ama a̱ va̱ ncigata, adama o ndolo i yuwan nden n na moo yoêonoto A̱sula̱ okolo, i yuwan ili i na yaa yuwan, i yuwan nden cece babu unusu a̱tsuma̱ a rana na yaa pura ili i nda i fara. 15 I cuwan, Zagbain te ipiri adama ama a̱ tsura̱ mantsa ma na a wawa le, cine za tsu Bulu macigata ma Éanaa nÉu nu urevu u na A̱sula̱ a ca niyi. 16 Bulu yuwan ta̱ adanshi e ili i nda suru a̱tsuma̱ a̱ mpepelime ma̱ yi. Agba akapi e ili i na u dammai a̱ tu usa̱n u merevee. Ama o ro a̱za̱ o ulambu wu urevu aza a na a̱ ri ugbamu a̱tsuma̱ e itoni shi, reve a vadala ikaka ya̱ yiêi a dansa ili i ro koêo ni ili i na waa dansa. Ne Éa waru a yuwusan na akapi a Adanshi a̱ A̱sula̱. Ne Éa gba oo foÉusoo aciyele ulungusu. 17 Nêutsa̱ n va̱, o rono ta̱ atsuvu a̱ Éu kafu mantsaêa! I da̱na̱ ufoÉu adama i kuru a̱tsuma̱ o unusu wa ama e iwuya a nda wan. She yu uta̱ a̱tsuma̱ o ucawu wo okolo o ucira u Éu wan. 18 I lyuwa elime a̱tsuma̱ e isaêani na̱ a̱tsuma̱ o urevu wu Zagbain tsu na̱ Zamawawa Yesu. Tsugbain nu ucira suru wo oêwo za va̱ yi babu ukotu. Ami.â