2 Tasalonika 3

1 Ama a̱ va̱, o ukosu u mepepelime ma nda, n te ipati i yuwan avasa adama a̱ tsu. Ili yu ufaru, i yuwan avasa adama e ikaka yi Zagbain i baza goêo a̱vu uba̱ta̱ u na u rawai biti, a tara yi na̱ a̱Éula̱ ununa i yuwain a mantsa ma na ikakaêa i rawa nÉu. 2 Waru i yuwan avasa a wawa tsu e ekere a ama a vama na ama e iwuya, adama a na vuma suru Éa cayi Zagbain okolo shi. 3 Amma Zagbain za va̱ a̱Éula̱ Éa, u ta gbamato Éu, a̱vu u geshe Éu e ekere a za vama. 4 Tsu ta̱ nu uzuwu wo okolo a̱tsuma̱ a Zagbain a na yaa yuwusan ili i na tsu damma nÉu, waru tsu ta̱ nu uzuwu wo okolo i ta lyuwa elime na̱ mayan ne. 5 Lyawa Zagbain roco Éu cine A̱sula̱ a ciga nÉu, waru u roco Éu cine yaa kaÉa asuvu na̱ a̱tsuma̱lima̱ ununa Zamawawa kaÉai asuvu. 6 Gogo gba ama a̱ va̱, tsu ta zuwusa Éu i yuwan ili i nda a̱tsuma̱ a ala a Zagbain tsu Yesu Zamawawa: Yi kasa na̱ vuma suru na ri nu ukuÉu a̱tsuma̱ a̱ Éu waru za na aa yuwusan nden ma̱ yi a̱ kurusu uritosu u na i tsura̱i ya̱êa̱ tsu shi. 7 A̱Éu na aciya̱Éu i reve ta̱ cine wuntsayi i toni ili i na tsu yuwain. Ana tsu da̱na̱i na̱ a̱Éu, tsu da̱na̱ a̱za̱ o ukuÉu shi. 8 Tsu ushi ilyalya uneêe uba̱ta̱ wu za ro shi, shede na̱ tsaa tsupa. Tsu linga ta̱ lon urana na ayin adama tsoo oêwo itana a̱ tyo ya̱êa̱ Éu wan. 9 Tsu yuwan ta̱ ne ko na tsu ri na tsaa zuwa Éu i lyuwato tsu, a̱vu gba tsu êyuwan adama tsu lyawaa Éu iroci i na ya̱a̱ kuru. 10 A mantsa ma na tsu da̱na̱i oÉolo na̱ a̱Éu, tsu zuwaa Éu ta̱ wila̱ u nda: “Za na suru lingai shi, she u lyuwa wan." 11 Gogo gba tsu uwwa ta̱ ozo o ro a̱tsuma̱ a̱ Éu a̱ ta̱ a̱ nden me pere, reve a êyuwan a linga, reve a uwa e gesheshe ulinga wa akapi a ama. 12 Adama o ndolo, a̱tsuma̱ a ala a Zagbain tsu Yesu Zamawawa, tsu ta patishi icuêun ya ama o ndolo, tsu ta̱ gba waru a dansaa le, e reme ulinga adama a̱ tsura̱ ilyalya waru a̱ da̱nu ben. 13 Ama a̱ va̱, she i kuna̱ mayan me isaêani wan ko keêen. 14 I ka̱lyuwa̱ aza a na a êyuwain a̱ kuru ili i na tsu dammai a̱tsuma̱ e mepepelime ma nda ulobonu. Yi kasa ne ele, adama o oêwo na̱ wono. 15 She i tara ama a nda ana nêyuwatan n Éu wan, amma i yuwan adanshi ne ele ununa yaa yuwan adanshi na̱ a̱za̱ a̱ Éu, za na lobonoi i Éara yi adama o unusu u na waa yuwusan. 16 Lyawa Zagbain va asuvu nden na aciya̱yi u ca Éu asuvu nden a̱ yi kuci a̱tsuma̱ e ili i na i farai suru. Lyawa Zagbain da̱na̱ oÉolo na̱ a̱Éu suru. 17 Gogo nda apa ica̱su i va̱, a̱mu Éa n Éana niyi ne ekere a̱ va̱. A̱mu, Bulu, ne Éa n tsu yuwan o ukosu wu mpepelime n va̱ suru, waru o to rocosu a̱za̱ a̱ va̱ a Éa na amayun. 18 Lyawa isaêani yi Zagbain tsu Yesu Zamawawa yo oêwo oÉolo na̱ a̱Éu suru.