Ajiya 15

1 Reve waru ama o ro o uta̱ Ée Yahuda, a̱vu a̱ êya̱wa̱ Antakiya va Suriya, tsa̱ra̱ o roco a̱za̱ e Itoni, a dansaa le, “Na a paÉa Éu uryumbu ununa Wila̱ wa Musa u dammai shi, ya̱a̱ tsura̱ iwawi shi." 2 Adama a adanshiêi Bulu na̱ Banaba o sowo ta̱ a yuwusan mawasan lon na amaêa. ÆaÉa a zuwai Bulu na̱ Banaba na ama o ro waru a̱ êya̱wa̱ Urishelima uba̱ta̱ wa ajiya na azagbain adama a adanshiêi. 3 Ana a̱za̱ e Itoni e shewun nle, ana a̱a̱ ka̱mba̱ Urishelima, ÉaÉa a Éatsai e iÉa ya Finisiya na̱ Samariya. Reve a̱ ka̱lyuwusa̱ a̱za̱ e Itoni a dansaa le adama a na Atakpaci fo a cayi okolo e le. Reve a̱za̱ e Itoni suru a yuwan ma̱za̱nga̱ lon. 4 Ana a rawai Urishelima, reve a̱za̱ e Itoni suru oÉolo na azagbain na ajiya a raba Bulu na̱ Banaba. Reve a damma le ulinga u na A̱sula̱ a yuwain e ekere e le. 5 ÆaÉa aza a na a̱ shi Afarishi kafu a ca okolo e le, a̱ êyoyin reve a damma, “Na a ciga a êyuwan a paÉa le uryumbu, reve waru a zuwa le a̱ kuru Wila̱ wa Musa." 6 Reve ajiyaâ  na azagbain a̱ a̱za̱ e Itoni o Éoloto adama e petelyuwe adanshiêi. 7 Ana a jimai a̱ a̱sa̱la̱ a adanshiêi, reve Bituru êyon a̱vu u damma le, “A̱za̱ a̱ va̱, i reve ta̱ Ée ufaru wi iliêi, A̱sula̱ a yuwan ta̱ aÉangulu a̱tsuma̱ a̱ Éu, a na o una̱ u va̱ u Éa Atakpaci aa uwwa adanshi a Alabari a Saêani,â  reve a ca okolo e le. 8 A̱sula̱ gba za na ri nu urevu wo okolo a̱ koyan Éa, u yuwaan tsu ta̱ iroci a na u cayi Atakpaci Ruhu va Akiza ununa u ca ntsu. 9 Agba u roco aÉangulu e ekere a̱ tsu ne ele shi, ana wu za̱za̱êwa̱i okolo e le adama o ucawu wo okolo e le. 10 Adama o ndolo, adama a̱ nye ya̱a̱ lyungusa̱ A̱sula̱ yaa zuwusaa agbashi a nda itana i na a̱tsu na̱ nkaya n tsu suru tsu kuÉa̱i a tanu? 11 She tsu yuwain ne wan, tsu reve ta̱ adama e isaêani ya̱ Yesu Zagbain i Éa tsu tsura̱i iwawiâ  ununa ele fo a̱ tsura̱i." 12 Reve oÉolo a amaêa suru e isawan kuci kuci, reve o poloo Banaba na̱ Bulu atsuvu a mantsa ma na aa casu alabari a linga va asalama ni iroci i na A̱sula̱ a yuwain uba̱ta̱ wa Atakpaci o ukere u le. 13 Ana o kotoi adanshi, ÉaÉa Yakubu usuyi, reve u damma, “A̱Éu a̱za̱ a̱ va̱ poloo numu atsuvu. 14 Bituru Éa nda cayi aalabari ununa A̱sula̱ a fara ka̱lyuwa̱i Atakpaci, adama u Éangwa ama o ro a̱tsuma̱ e le oo oêwo ama a̱ yi. 15 Adanshi a ndaêa gba wo oêwo ta̱ una̱ta̱ na adanshi a ama̱sula̱, ununa u ri uÉanu a na, 16 ‘A̱mu A̱sulazuva, nna̱ n ka̱mbisa̱, n ta suwisa uêwa wa̱ Da̱wuda u na u riya̱i. N êya̱sisa̱n asaêa a̱ yi mi isawaton yi. 17 Adama akapi a ama a zami A̱sulazuva, oÉolo na Atakpaci na aza a na n Éeyi a̱ tyo ya̱êa̱ va̱. Ne Éa A̱sulazuva a dammai. 18 A̱yi na u rocoi ili i nda suru diga Ée a mantsa mo ufaru.’ 19 “Adama o ndolo a̱mu a̱ yindi i va̱, she tsu zuwayi Atakpaci a na aa vadalasa uba̱ta̱ wa̱ A̱sula̱ ili yu ume wan. 20 Amma tsu Éanaa nle a tawa ekere e le e ili i na a cayi a̱ma̱li adama a na o oêwo ta̱ ili yi idaba, waru a suma tsipere. She a tama a̱kutsu a mpasa wan. Waru she a tama nama vi inama i na a̱ punda̱ra̱i wan. 21 Adama a na Ée nu ujimu a̱ lyuci biti a yuwusan ta̱ Ée alajiya na atagada a Musa, waru e Éesu le ta̱ nu una̱ a̱tsuma̱ a̱ a̱êisa̱ Ashibi biti." 22 Reve ajiya, na̱ a̱za̱ e Itoni, na azagbain e le suru e ene u lobono ta̱ a Éangula ama o ro a̱tsuma̱ e le a̱ lyungu le Antakiya va Suriya oÉolo na̱ Bulu na̱ Banaba. ÆaÉa a̱ lyunguyi Yahuza (za na a̱ tsu Ée Basaba) na̱ Sila. Ele ra azagbain a Éa a̱tsuma̱ a̱ a̱za̱ e Itoni. 23 Mepepelime ma na a̱ lyunguwa̱ nle na̱ a̱yi, a̱yi Éa: “A̱ tyo uba̱ta̱ wa Atakpaci a̱za̱ e Itoni a̱tsuma̱ a Antakiya ni iÉa ya Suriya na̱ Kilikiya. “Uba̱ta̱ wa ajiya na azagbain, a̱tsu Éa a̱za̱ a̱ Éu a̱ a̱za̱ e Itoni. “Tsu ta̱ ca̱sa̱sa̱ Éu. 24 “Tsu uwwa ta̱ a na ama o ro a̱tsuma̱ a̱ tsu a ta damatosun ugbozu u Éu, agba tsu lyungu le shi. 25 ÆaÉa tse enei u lobono ta̱ ana adanshi a̱ ta̱wa̱ ntsu a̱ ta̱, tsu lyunguwa̱ Éu ama o ro oÉolo na̱ nêutsa̱ n tsu Banaba na̱ Bulu. 26 Ama a na a cayi wuma u le ko ukwa̱, adama a ala e Yesu Zagbain tsu Zamawawa. 27 Adama a adanshi o ndolo a Éa fo i zuwai tsu lyunguwa̱ nÉu na̱ Yahuza na̱ Sila adama ele fo a damma Éu iliêi na aciyele. 28 Adama a na Ruhu va Akiza ene ta̱ u lobono ta̱, a̱tsu fo ne Éa tse enei, she tsu zuwaa Éu ume wi ili i na i laêai ili i na yaa gura yuwan wan, suru na̱ ne: 29 I suma utamu wi ili i na a paÉayi a̱ma̱li, nu utamu wi inama oÉolo na̱ mpasa, nu utamu wi ili i na a̱ punda̱ra̱i, na̱ tsipere waru. Ni i guza̱ aciya̱Éu, ni i yuwan le shi, i ta̱ da̱nu lafiya. “Yo oêwo lafiya." 30 Ana a ca nle lingataêa, reve a̱ ka̱ra̱ a̱ tyo Antakiya, ana a rawai reve o Éoloto a̱za̱ e Itoni, a̱vu a ca le mepepelimeêe. 31 Ana e Éeyi mepepelimeêe nu una̱, reve a̱ za̱nga̱na̱ adama a na ikaka i na yaa gbamato le okolo a Éa a̱ ri pe. 32 Reve Yahuza na̱ Sila a na wo oêwoi ele ama̱sula̱ a Éa, reve a ca a̱za̱ e Itoni a̱sa̱la̱ na̱ a̱bunda̱ a na aa gbama asuvu. 33 Ana a jimai pe reve a̱za̱ e Itoni e shewun le na abaêun a̱ a̱bunda̱, adama a̱ ka̱mba̱ uba̱ta̱ wa aza a na a̱ lyungu nle. [ 34 Sila gba u Éangwa ta̱ wi isawan waêa ne ele a̱tsuma̱ a Antakiya.] 35 Reve Bulu na̱ Banaba gbaêa e isawan pe Antakiya, a̱vu ele na ama o ro aa yuwusan uritosu na alajiya a adanshi a Zagbain. 36 Ana a tarai mantsa, reve Bulu damma Banaba, “Tsu ka̱mba̱ tsu bura a̱za̱ e Itoni e ilyuci i na tsu yuwain alajiya a adanshi a Zagbain suru. Adama waru tse ene ununa aa lyuwusa elime." 37 Reve Banaba ciga u tara Yahayaâ  za na waru a̱ tsu Ée Marku u êya̱wa̱ oÉolo ne ele. 38 Bulu gba we ene u lobono a tara yi shi, adama a na u kuÉa̱ ta̱ ulingaêa waru u lyawa le ta̱ e iÉa ya Bamafiliya. 39 Reve a yuwan nwasanlai lon, hali u zuwa le a kakasa. ÆaÉa Banaba tarai Marku, reve a uwa a wantsun a̱ tyo Kuburu. 40 Reve Bulu gbaêa u Éangwa Sila. Ana a̱za̱ e Itoni a yuwaan nle avasa e isaêani ya̱ A̱sula̱, reve a̱ ka̱ra̱. 41 Reve Bulu na̱ Sila a̱ kurusu a̱za̱ e Itoni e iÉa ya Suriya na̱ Kilikiya adama a gbamato asuvu e le.