Ajiya 18

1 Ana ili i ndolo i kotoi, reve Bulu lyawa Atina a̱vu u ka̱ra̱ a̱ tyo a̱ lyuci gbain va̱ Korinti. 2 Æe Éa u cinai vuma va Israêila ro za na a̱ tsu Ée Akila. Vuma vi iÉa va Pontu Éa, koto u shi u jima na̱ wutu e iÉa ya Italiya shi, a̱yi na̱ ka va̱ yi Birisika. U lyawa ta̱ iÉa ya Italiya ana Kaladiya mogono ma zuwai vuma va Israêila suru u lyawa Roma. â  3 Ana wo oêwoi cuêun vu ulinga u ta̱ u Éa le, maÉava ma amuna mo ogodo, reve u da̱nu ne ele a yuwusan ulinga oÉolo. 4 A̱vu Ashibi suru u yuwusan adanshi na aza a Israêila na Atakpaci a Heleni a̱tsuma̱ a̱ a̱a̱êisa̱ adama u rono ugbozu u le. 5 Ana Sila na̱ Timoti o uta̱i Makidoniya, a̱vu a̱ ta̱wa̱ Korinti. Reve Bulu reme alajiya o rocosu aza a Israêila Yesu Zamawawa Éa. 6 Reve aza a Israêilaâ  a êyuwan adanshi a̱ yi, a̱vu e reme e isulusa yi. ÆaÉa u za̱ka̱tsa̱i a̱buta̱ a̱ a̱tugu a̱ yi, a̱vu u damma le, “Mpasa n Éu n ka̱mba̱ e ekere a̱ Éu, a̱mu n yuwan ta̱ ili i na maa yuwan. Diga gogo uba̱ta̱ wa Atakpaci u Éa mee tyo." 7 Reve u lyawa a̱a̱êisa̱êa̱, a̱vu u ka̱ra̱ a̱ tyo o uêwa wu Takpaci ro zuzu na̱ a̱a̱êisa̱, za na a̱ tsu Ée Titiyu Yusutu vuma na aa yuwusaan A̱sula̱ a̱ga̱nda̱. A̱vu u da̱na̱ a̱ da̱nu pe. 8 Reve Kirisibu zagbain va̱ a̱a̱êisa̱ u ca Yesu Zagbain okolo a̱ yi na ama o uêwa a̱ yi suru. A̱vu fo ama a̱ Korinti a na a uwwa niyi a ca okolo reve a̱ rumbu le. 9 Urana u ro na ayin, reve A̱sulazuva a yuwan adanshi na̱ Bulu a̱tsuma̱ a alavu alavu. A̱vu u damma yi, “She vu uwwa wovon wan, lyuwa elime na alajiya, she Éa̱ru una̱ wan. 10 N to oÉolo na̱ a̱vu, ko ili i ro ya̱a̱ juêwa̱n wu shi, adama a na n ta̱ na ama a̱ a̱bunda̱ a na a̱a̱ kuru mu a̱ lyuci ndaêa." 11 ÆaÉa Bulu isawain a̱ lyuciêi hali aaêwan a̱ ta̱ na akapi o ritosu le adanshi a̱ A̱sula̱. 12 A mantsa ma na Galiya oêwoi gwamna va Akataya, a̱vu aza a Israêila o Éolo aci, reve e reme Bulu a̱ ta̱wa̱ na̱ a̱yi uba̱ta̱ wu ugeêetosu. 13 Reve a damma, “Vuma nda u te leêeshishe ama a̱ tsu aa zuwusa le aa yuwusaan A̱sula̱ a̱ga̱nda̱ o ure u na Wila̱êa̱ u êyasain." 14 Bulu o mpolo u yuwan adanshi, ÉaÉa Galiya dammai, “A̱Éu aza a Israêila, a damma a̱ba̱jini o unusu u ro u Éa u yuwain ko ikpaêa, n shi ta gura poloo Éu atsuvu. 15 Amma ana wo oêwoi adama e idanshi i Éu i Éa, na adama a ala, na̱ Wila̱ u Éu, êya̱wa̱i i sa̱la̱la̱i na aciya̱Éu. A̱mu imini i va̱ yi pe na mee geêeto cuêun vi ili i kekeêen i nda shi." 16 Reve u gba̱ra̱ le a lyawa ukobu wu ugeêetosuêu. 17 ÆaÉa oÉolo a amaêa e remei Satsani zagbain va̱ a̱a̱êisa̱, a̱vu a fufaba yi lon a̱ a̱a̱ra̱ra̱ zuzu nu ukobu wu ugeêetosu. Galiya dama ni ili i na a yuwain shi. 18 Reve Bulu gbaêa u da̱shi jima pe a̱tsuma̱ a̱ Korinti. Reve u êyon u lyawa a̱za̱ e Itoni u uwa a wantsun a̱ tyo Suriya oÉolo na̱ Birisika na̱ Akila. Kafu u ka̱ra̱, reve u puna oogbondo Ée Kankiriya, adama u shiton akucunu a na u tarai. 19 Ana a rawai Afisu (pe Éa u lyawai Birisika na̱ Akila), reve u uwa a̱ a̱a̱êisa̱ a yuwusan adanshi na aza a Israêila. 20 Reve a pati yi u da̱shi jima pe ne ele, agba u usu shi. 21 A̱vu u ka̱ra̱ u lyawa le, amma u damma le ta̱, “Na̱ A̱sula̱ a ciga, n ta̱ lo a̱ ta̱wisa̱." 22 Reve u uwa a wantsun Ée Afisu. Ana u rawai Kasariya, reve u êya̱wa̱ u ca̱sa̱ a̱za̱ e Itoni a̱tsuma̱ a̱ Urishelima, ÉaÉa u ka̱ra̱i a̱ tyo Antakiya. 23 Ana u jimai pe waêa, reve u êyon u bubura iÉa ya Galatiya na̱ Firijiya a̱ kurusu le lyuci lyuci a yuwusaan a̱za̱ e Itoni adanshi e isawan ugbamu. 24 Reve vuma va Israêila ro za na a̱ tsu Ée Apolo ta̱wa̱ Afisu. Lyuci na a matsan niyi a̱yi Éa Iskandariya. U ta̱ nu urevu, u reve ta̱ adanshi a̱ A̱sula̱ lon. 25 O rito yi ta̱ lon o Ure wu Zagbain, waru u tsu yuwan ta̱ adanshi ulobonu, a̱vu u yuwusan uritosu adama e Yesu kuci mejege, ko a na wo oêwoi urumbusu wa Yahaya u Éa u revei goon. 26 Reve u reme uritosu a̱tsuma̱ a̱ a̱a̱êisa̱ no okolo ugbamu. Ana Akila na̱ Birisika uwwa niyi reve a banu yi o uêwa u le, reve a̱ da̱shi cuÉuwa yi ure wa̱ A̱sula̱ mejege. 27 Ana u cigai u gawan a̱ tyo e iÉa ya Akataya, ÉaÉa a̱za̱ e Itoni a kamba niyi na̱ a̱sa̱la̱, a̱vu a Éanaa a̱za̱ e Itoni a na a̱ ri Ée mepepelime, adama a̱ ushi yi ne ekere e re. Ana u rawai, reve gba u kamba aza a na a cayi okolo e le ni isaêani ya̱ A̱sula̱. 28 Adama a na u polo ta̱ aza a Israêila a̱tsuma̱ a mawasan ma na a yuwusain, reve u rocosu le a̱tsuma̱ a Adanshi a̱ A̱sula̱ a na Yesu Éa Zamawawa.â