Ajiya 24

1 Ana a yuwain rana ton, a̱vu ama o ro a̱ ta̱wa̱ diga Kasariya adama a damma unusu u na Bulu yuwain. Ananiya aabara a nan ganu a Éa a̱ da̱na̱i na azagbain a Israêila na̱ Taratulu za va adanshi a mantsa mo ugeêetosu. 2 Ana e Éeyi Bulu a uwa o ukobu wa̱ Feli, a̱vu Taratulu damma gwamna unusu wa̱ Bulu. Reve u damma, “Zagbain Feli, nu ujimu vu ta̱wa̱ ta̱ na̱ nden mo okolo a̱tsuma̱ a̱ tsu, waru vu yuwan ta̱ ulinga nu ugbozu wa̱ wu, waru o una̱ u na vu ri na̱ majiyan me elime, a̱yi Éa i zuwai ama a̱ tsu a̱ ri a̱ nden mu ulobonu. 3 Zagbain Feli, ama a̱ tsu uba̱ta̱ suru o to godyusho wu. 4 Amma n ka̱Éa̱towa̱ wu ta̱ vu yuwaan mu ankuri, vu ca mu ugbozu wa̱ wu neêen keêen, tsa̱ra̱ n damma wu unusu u na tsu remei vuma nda na̱ a̱yi. 5 “Tsu reme ta̱ vuma nda za vu uêya̱sa̱sa̱n wo okolo wa ama a Éa. Vuma na zuwusai aza a Israêila a̱tsuma̱ o uvaÉi suru nla̱ngi. Waru a̱yi zagbain vo moÉolo ma Aza a Nazara Éa. 6 Hali u shi ta̱ u ciga u lungusa̱ tsu A̱a̱êisamapaÉa. ÆaÉa tsu reme niyi. [ 7 “Tsu shi ta̱ tsu ciga tsu geêeto yi na̱ Wila̱ u tsu. Agba Lisiya yali i gbain u usa yi ta̱ nu ukadu e ekere a̱ tsu. A̱vu u zuwa tsu tsu ta̱wa̱ o ukobu wu ugeêetosu wa̱ wu, tsa̱ra̱ tsu damma wu unusu u vuma u nda.] 8 “Vu ta̱ tsura̱ amayun e ili i na tsaa dansa e ekere a̱ yi nna̱ vu koto yi ugbozu na̱ yeci na aciya̱wu." 9 Reve aza a Israêila a̱ usu, a na mejege ma Éa ili i na Taratulu dammai suru. 10 Ana gwamna damma niyi u yuwan adanshi, a̱vu Bulu usu yi, “Zagbain Gwamna, n reve ta̱ a na vu ta̱ geêetosu ama e iÉa i tsu aêwan na̱ a̱bunda̱. Waru n ta yuwan adanshi adama a aciya̱va̱ na̱ ma̱za̱nga̱. 11 Vu ta gura kari mu ana, a̱vu vu reve babu usa̱n u ka̱ra̱ rana kupa ne ejere shi a na n êya̱wa̱i Urishelima adama n yuwan a̱ga̱nda̱ a̱ A̱a̱êisamapaÉa. 12 N yuwan mawasan na̱ za a̱tsuma̱ a̱ A̱a̱êisamapaÉa shi. Waru n zuwa nla̱ngi ko a̱ a̱a̱êisa̱ a̱ ta̱ shi, ko araêan a̱tsuma̱ a̱ lyuci shi. 13 Adanshi a na ama a nda adansa aa gura damma wu mejege ma adanshiêi ununa u ri shi. 14 “Gogo ili i ta̱ i Éa ma̱a̱ usu, ana a dammai n ta̱ kurusu Ure wu Zagbain u na aa dansa amayun a Éa shi. Agba n tsu yuwaan ta̱ A̱sula̱ a nkaya n tsu a̱ga̱nda̱, waru n usu ta̱ ili suru i na i ri uÉanu a atagada a Ama̱sula̱. 15 N ta̱ nu uzuwu wo okolo a̱ tyo e ekere a̱ A̱sula̱ a̱ ta̱ êya̱sa̱n a̱za̱ a̱ a̱Éula̱ na aza a na e revei A̱sula̱ shi diga a̱tsuma̱ a̱ a̱a̱kwa̱kwa̱, ne Éa fo ama a nda a̱ da̱na̱i nu uzuwu wo okolo. 16 A̱yi Éa i zuwai n cigai n yuwan wuma u saêani adama n tsura̱ nden mo okolo a̱ ma̱ka̱ka̱n ma̱ A̱sula̱ na ama suru. 17 “N jima ta̱ ana n ta̱wa̱i Urishelima. Gogo, n ta̱wa̱ ta̱ ni ikebe i na maa kamba ama a̱ va̱ ne ele, a̱vu waru n yuwaan A̱sula̱ kucci. 18 A mantsa ma na aza a na a karishi mu ana e ene numu a̱ A̱a̱êisamapaÉa, n da̱na̱ ta̱ o mokotoo ma̱ a̱ga̱nda̱ a matawa ma̱ nshinda̱. Ama a̱ da̱na̱ oÉolo na̱ a̱mu shi, waru ko za da̱na̱ a̱ nla̱ngi shi. 19 U ta̱ da̱na̱ ulobonu ama a Israêila diga e iÉa ya Asiya a na a̱ da̱na̱i lo a̱ ta̱wa̱ pa nna a ciga ta̱ a kari mu ana. 20 Waru ama a na a̱ ri pa a damma wu unusu u na Azagbain a Mbaraâ  e reme numu na̱ a̱yi, ana a yuwain ugeêetosu wa adanshi a nda. 21 Ili i ta̱ i na a gura damma a aci a̱ va̱ a̱yi Éa, a na n yuwan ta̱ adanshi a nda nu uÉyo zuva o ukobu wu ugeêetosu u le, ‘Anaêan n ta̱ a̱ a̱tsuma̱lima̱ adama a na n cayi okolo a na a̱a̱ ka̱mba̱to a̱kwa̱kwa̱ wuma.’ “ 22 Feli gwamna vuma Éa na da̱na̱i nu urevu wu Ure wu Zagbain, reve wi isawaton le, a̱vu u damma, “Na̱ Lisiya zagbain vu ukari wa̱ a̱soja wa̱ Urishelima ta̱wa̱, ÉaÉa moo koto ugeêetosu." 23 A̱vu u zuwa yali piri Buluêu, agba she a kpa̱to yi wan. Waru she a putsaa nêutsa̱ ma̱ yi n kamba yi wan. 24 Ana a yuwain rana meketeci, a̱vu Feli ta̱wa̱ na̱ ka va̱ yi. Za na a̱ tsu Ée Durusila, waru za va Yahuda Éa da̱na̱i. A̱vu a̱ lyungu vuma ro Éewe le Bulu, reve o polo atsuvu e le ana waa dansaa le adama o ucawu wo okolo e ekere e Yesu Za vi Iwawi. 25 Bulu yuwan ta̱ adanshi ne ele adama a̱ a̱Éula̱, nu uguzu wa aci, nu ugeêetosu u na u ri lo a̱ ta̱wa̱, a̱vu adanshiêi a̱ juêwa̱n Feli lon. Reve u damma Bulu, “U rawa ta̱ ne neêen. Vu ta gura ka̱ra̱. Amma na̱ n tsura̱ mantsa, n ta̱ lyunguwa̱ wu vu ta̱wa̱." 26 U ta zuwusa okolo gashi Bulu ta ca yi ikebe, ÉaÉa waa yuwusan uro na̱ a̱yi kuci adama wu uwwusa ili i na vuma nda aa damma. 27 Ana a yuwain aêwan e re a yuwusan ne, a̱vu o uta̱a̱ Feli o ootogu a̱ yi. Reve Poruku Fesutu wo oêwo gwamna. Amma o una̱ u na Feli cigai u tsura̱ icigi e ekere a azagbain a Yahuda, a̱vu u lyawa Bulu o uêwa wa ali.