Ajiya 28

1 Ana tsu laêai, a̱vu tsu uwwa a na tsu ta̱ e iÉa i memere ma̱ mini i na a̱ tsu Ée Malita. 2 Ama a̱ lyuciêi a yuwaan tsu ta̱ isaêani lon. Mantsa ma̱ mini na̱ mantsa mo uta̱nu ma Éa ma̱ da̱na̱i, a̱vu a kaÉatowo tsu akina, tsa̱ra̱ tsu lyasuwa. 3 A̱vu Bulu zami Éanga a zuwusa a akina, reve yo ro na ri na̱ tsukono wu uta̱ pe a̱tsuma̱ a Éangaêa adama o usuÉuwu, a̱vu u ka̱Éa̱ Bulu o ukere reve u kaÉa Ée. 4 Ana ama a̱ lyuciêi e enei yoêo ukaÉu o ukere wa̱ yi, a̱vu a dammulai va̱ni le, “Vuma nda za mona ma ama ma Éa! Ye ene, ko na u kuwa̱i a̱ mini shi, amma suru na̱ ne a̱a̱ma̱li a ka o ugeêetosu wa amayun a Éa a zuwai mpasa ma ama n kurusu yi, u ta̱ gba a̱ kuwa̱." 5 A̱vu Bulu za̱ka̱tsa̱ ekere a̱ yi reve u vari yoêo a akina, agba wu uwwa mÉa̱la̱ shi. 6 Reve amaêa a̱ ka̱ra̱ a majiyan a na Bulu ta tsutsa ko u riya̱ a̱vu u kuwushi lo. Amma ana a jimai, agba e ene ili i fara na̱ a̱yi shi. Reve a vadala majiyan me le, a̱vu a damma, “Ma̱sula̱ ma Éa." 7 Vuma na a̱ tsu Ée Pubiliya Éa da̱na̱i gwamna vi iÉa i memere ma̱ miniêi. U da̱na̱ ta̱ ni iÉa lo zuzu a̱ ka̱nda̱ruwa̱. A̱yi Éa u ushi ntsu, reve u ca tsu ucuêwatan o uêwa wa̱ yi hali rana taêatsu. 8 Dada va Pubiliya gba u da̱na̱ ta̱ ni ivuna̱ nu ucaruwu. A̱vu Bulu uwa uba̱ta̱ u na u da̱na̱i. Reve u kuruwa̱ yi ukere a yuwusaan yi avasa, a̱vu gba vumaêa u ka̱mba̱ gbaga. 9 Ana vuma wo oêwoi gbaga, reve ama e iÉa i memere ma̱ miniêi a̱ ka̱ra̱ a̱ ta̱wusa̱a̱ na ama e le a na a̱ ri nu ubanakun ya̱ Bulu a̱vu u ka̱mba̱to le gbaga. 10 Amaêa a ca tsu ta̱ tsugbain lon, waru ana tsa̱a̱ ka̱ra̱ a ca tsu ta̱ ili biti i na tsu cigai. 11 Ana tsu yuwain woto taêatsu a Malita, reve tsu teme mmalu a malaêa. A̱vu tsu uwa a wantsun u na wi isawain e iÉa i memere ma̱ miniêi a mantsa ma na mmalu a wantsun n shi n yuwan shi. Wantsun u lyuci wa Iskandariya u Éa u da̱na̱i. A aaci a wantsuêun, iroci yu usheêen vu mpishe va̱ a̱ma̱li a na a̱ tsu Ée Kasata na̱ Polu Éa da̱na̱i Ée. 12 Ana tsu rawai a̱ lyuci va Sirakusa, tsu da̱nu ta̱ pe rana taêatsu. 13 Reve tsu uwa a wantsun a̱vu tsu lyawa Sirakusa, a̱vu tsu ka̱ra̱ a̱ tyo uba̱ta̱ u na a̱ tsu Ée Rigiyun. Ana usana u tawai, upepu u lapusa ta̱ a̱ tyosu ugana, a̱vu tsu rawa a̱ lyuci va Putiyoli. 14 A̱tsuma̱ a̱ lyuci va Putiyoli tsu cina ta̱ pe a̱za̱ e Itoni, reve a pati tsu tsi isawan pe ne ele. Ana tsu yuwain ajuma a̱ ta̱ ne ele, a̱vu tsu ka̱ra̱ a̱ tyo a̱ lyuci va̱ Roma. 15 Ana a̱za̱ e Itoni ya̱ Roma a uwwai a na tsu ta̱ lo o ure a̱ ta̱wa̱, reve a̱ ta̱wa̱ a gaêaton tsu e Eden a Apiya. Ozo o ro gba shi a gaêaton tsu ta̱ uba̱ta̱ u na a̱ tsu Ée Cuêwatan Taêatsu. Ana Bulu ene nle, reve u godyoo A̱sula̱ reve u da̱shi tsura̱ ugbamu wo okolo. 16 Ana tsu uwai a̱ lyuci va̱ Roma, a lyawa ta̱ Bulu da̱na̱ a̱yi a̱ ndeêen oÉolo na̱ a̱soja a na a̱ pirishi yi. 17 Ana tsu yuwain rana taêatsu, a̱vu Bulu Ée azagbain a Israêila a̱tsuma̱ a̱ Roma. Ana o Éolotoi a̱vu u damma le, “A̱Éu a̱za̱ a̱ va̱, ko na wo oêwoi n yuwaan ama a̱ tsu unusu shi, n nusaan le uba̱ta̱ e ili ya agadu a nkaya n tsu shi. Suru na̱ ne e reme mu ta̱ a̱ Urishelima, a̱vu a ca mu e ekere a ama a̱ Roma ugutsuwu. 18 Ele gba a̱za̱ a̱ Roma e petelyuwe ta̱ adanshi a̱ va̱, a̱vu a ciga a lyawa mu, adama a na e reme mu nu unusu u na u rawai o una mu shi. 19 Amma ana aza a Israêila a̱ usu yi shi, a̱yi Éa i zuwai u reme numu m patiyi a̱ tyo na adanshi a̱ va̱ uba̱ta̱ wa Kaisa mogono, ko na wo oêwoi n ciga n êya̱wa̱ na ama a̱ tsu o ukobu wu ugeêetosu shi. 20 A̱yi Éa i zuwai n zamiyi ure u na me ene Éu, tsa̱ra̱ tsu dammulai neêen, ana wo oêwoi adama a vuma na aza a Israêila e indanasa uta̱wu wa̱ yi u Éa a̱ nla̱ numu na akani a nda." 21 Reve a̱ usu yi, “A̱tsu tsu uwwa adanshi a̱ wu uba̱ta̱ wa aza a Israêila shi. Tsu tsura̱ mpepelime n na a Éanaa ntsu Ée Yahuda shi. Waru tsu uwwa adanshi o uwuyanu a̱ wu uba̱ta̱ wa aza a na a rawai shi. 22 Amma tsu ciga ta̱ tsu uwwa yo okolo a̱ wu. Ili i na a̱tsu tsu revei a̱yi Éa, adama o ure wa̱ A̱sula̱ a saêavu a nda na ama suru a yuwusan adanshi a vanvama adama a̱ yi." 23 Ana a zuwai urana u na a gaêan, reve ama na̱ a̱bunda̱ gba a̱ ta̱wa̱ uba̱ta̱ u na u cuêwain. Diga usana hali a̱ tyo ulivu u yuwusaan le ta̱ adanshi o tsugono tsa̱ A̱sula̱. A̱vu u yuwan ulinga na atagada a̱ Wila̱ wa Musa na atagada a Ama̱sula̱, tsa̱ra̱ u vadala le a̱ kuru Yesu. 24 Ozo o ro e le a̱ usu ta̱ ili i na u damma nle, ozo o ro gba shi a êyuwan ta̱ a na a ca okolo. 25 A̱vu a uwa mawasan va̱ni le, reve a̱ ka̱ra̱ e beteêushe. A̱ tyo o ukosu a̱vu Bulu damma, “Ruhu va Akiza damma ta̱ mejege, ana u yuwain adanshi na̱ nkaya n tsu o una̱ wa Ishaya vumava̱sula̱, 26 ‘Vu êya̱wa̱ vu damma ama a̱ va̱, “I ta uwwa adanshi a̱ va̱, agba ya̱a̱ tsura̱ urevu wa̱ yi shi. I te ene ili i na n yuwain, agba ya̱a̱ da̱na̱ nu urevu wa̱ yi shi. 27 Suru nÉu i ta̱ no okolo ugbamu. Atsuvu a̱ Éu a ula ta̱, esu a̱ Éu waru a̱ tu upalu. Yee ene shi, waru yaa uwwa adanshi shi, waru ya̱a̱ tsura̱ urevu shi. Ni i shi a uwwa, ana i vadala ta̱ a̱ tyo ya̱êa̱ va̱, waru n shi ta̱ ka̱mba̱to Éu gbaga.” ‘ 28 “Adama a nda, n ciga ta̱ i reve A̱sula̱ a̱ lyungu ta̱ na alabari e iwawi, hali a̱ tyo e ekere a Atakpaci. Ele gba a̱ ta̱ ushi.” [ 29 Ana Bulu dammai ne, a̱vu aza a Israêila a̱ êyon a lyawa uba̱ta̱êa̱, reve a̱ ka̱ra̱ a mawasan va̱ni le.] 30 Bulu gba u da̱nu ta̱ pe o uêwa u na wa tsupusa ikebe hali aêwan e re. A̱ ushishi vuma na ta̱wa̱i uba̱ta̱ wa̱ yi suru. 31 A̱ shi a putsaa yi na alajiya shi. U yuwusan ta̱ uritosu wa̱ Yesu Zagbain Za vi Iwawi, babu wovon.