Ajiya 7

1 Reve aabara a nan ganu e ece Istifanu, “Ili i na aa dansa a aciya̱wu amayun a Éa?" 2 ÆaÉa Istifanu tsu usu, “A̱Éu a̱za̱ a̱ va̱ na azagbain, poloo numu atsuvu! Mogono ma̱ A̱sula̱ za tsugbain mo roco ta̱ aciya̱yi ya Ibrahim akaya a̱ tsu e iÉa ya Masapotomiya kafu Ibrahim tyo e iÉa ya Haran. 3 A̱sula̱ a damma yi ta̱, ‘Vu êyon vu lyawa iÉa i na a matsan nuwu na ama a̱ wu, reve vu tyo e iÉa i na moo roco wu.’ 4 “ÆaÉa Ibrahim êyoyin e iÉa ya aza a Kaldiya, reve u da̱nu Haran hali ukwa̱ wa abara a̱ yi. Reve A̱sula̱ a̱ ta̱wa̱to yi pa e iÉa i na i ri nden gogo. 5 Agba A̱sula̱ a ca yi agadu e iÉaêa shi, waru ko udasuwu u ta̱ wi iÉaêa u ca yi shi. Amma A̱sula̱ a yuwan ta̱ nzuwulai n na waa ca yi iÉaêa a̱yi na̱ limatan vu ugundo wa̱ yi ko na u shi na̱ mawun neêen shi. 6 Agba A̱sula̱ a damma yi ta̱, ‘Limatan va̱ wu ta yuwan limocin e iÉa i ro uba̱ta̱ u na oo sowo a̱tsuma̱lima̱ ana agbashi hali aêwan ukpakuna̱shi (400). 7 Agba n ta zuwa iÉa i na i zuwai aza a Israêila tsugbashi a̱tsuma̱lima̱. Waru o ukosu u tsugbashi a̱ to uta̱ adama a yuwaan mu a̱ga̱nda̱ uba̱ta̱ u nda.’ Ili i na A̱sula̱ a dammai Éa nda. 8 “Waru A̱sula̱ a yuwaan ta̱ Ibrahim akucunuâ  a mapaÉa mo uryumbuâ  a mantsaêa. ÆaÉa i zuwai a paÉai Ishiyaku mawun ma Ibrahim uryumbu a̱yi na ayin kunla̱ nu umatsun. Ishiyaku Éa ta̱wa̱ u matsain Yakubu, reve Yakubu matsan nkaya n tsu kupa ne ejere. 9 “Ele nkaya n tsu ana a̱ ri a̱ tsushuêun na̱ Isuhu zawaêa le, reve a wina yi wo oêwo aagbashi e iÉa ya Masar. Agba A̱sula̱ a̱ shi ta̱ oÉolo na̱ a̱yi. 10 Reve gba u wawa yi a̱tsuma̱ a̱ a̱tsuma̱lima̱ a̱ yi. A̱vu A̱sula̱ a zuwa yi u tsura̱ icigi e ekere a Firiêawuna,â  mogono ma Masar, adama a na A̱sula̱ a ca yi ta̱ urevu u na u ka̱ra̱la̱i. ÆaÉa i zuwai Firiêawuna ca niyi tsugbain tsi iÉa tsa Masar na̱ tsugbain tsu uêwa tsa̱ yi suru. 11 “Reve ambulu a uwa e iÉa ya Masar suru ni iÉa ya Kaêana,â  na̱ a̱tsuma̱lima̱ lon, hali nkaya n tsu n lamba ilyalya. 12 A̱vu ana Yakubu uwwai ishina i ta̱ Ée e iÉa ya Masar, reve u lyungu nkaya n tsu n êya̱wa̱ n tsula. 13 O uêya̱wu we ire u le ÉaÉa Isuhu revetyoi aciya̱yi e ekere a̱ a̱za̱ a̱ yi, reve a tara le o roco Firiêawuna. 14 “Reve Isuhu lyunguwa̱ dada va̱ yi Yakubu na ama a̱ yi adama a̱ tyo Masar ama kupocindere no ozo o ton Éa suru suru. 15 ÆaÉa Yakubuâ  tyoyi Masar. Æe Éa a̱yi na̱ nkaya n tsu n kuwa̱i. 16 Reve a̱ pura̱ etele e le suru a̱ tyo Shekem, Ée Éa a̱ ciÉo nle a aason a na Ibrahim tsulai ni ikebeâ  e ekere o olobo a Hama. 17 “Ana mantsa ma na A̱sula̱ oo shiton nzuwulai ma̱ yi ya Ibrahim ma rawai zuzu, reve ama a̱ tsu a̱ da̱shi a̱bunda̱ a̱tsuma̱ a Masar. 18 A̱vu wo oêwo mogono ma saêavu ma kumba tsugono tsa Masar, agba u ri nu urevu wi ili i ro adama a̱ Isuhu shi. 19 A̱vu mogono u yuwaan ama a̱ tsu ugbozu u wuya, reve u roco le a̱tsuma̱lima̱, hali u zuwa le a varishi muwun n le adama a̱ kuwa̱. 20 “A mantsa mo ndolo ma Éa a matsain Musa mawun ma saêani. Mbara ma̱ yi m Éa̱na̱ yi ta̱ woto taêatsu o uêwa u le. 21 Na̱ a̱ca̱pa̱ reve wo oêwo le ko a ciga ko a êyuwan a vari yi, reve usheli u mogono u tsura̱ yi, reve u kungwato yi ana mawun ma̱ yi. 22 Reve o rito Musa urevu wa aza a Masar suru, reve wo oêwo nu ucira a̱tsuma̱ a adanshi na̱ a̱tsuma̱ o ulinga waru. 23 “Ana u rawai aêwan amunga, urana u ro, reve u damma lyawa u êya̱wa̱ u bura ama a̱ yi, ama a Israêila. 24 A mantsa ma ÉaÉa we enei vuma va Masar e leêeshe vuma va Israêila. ÆaÉa Musa rawai adama u wawa yi, reve u tsupaa yi wu una za va Masarêm. 25 U ta dansa a̱za̱ a̱ yi e te reve A̱sula̱ a̱ lyungu yi ta̱ u wawa le, agba a gura reve shi. 26 Ana usana u tawai waru, reve wu utisa̱ mabura me le, a̱vu we ene ama a Israêila e re a̱ nla̱ngi. A̱vu u ciga wu kasa le. A̱vu u damma, ‘Ili i ta̱ i Éa i ri, adama a̱ nye yaa amatonloi?’ 27 “Reve za vi igishi ca̱co Musa a̱ ngeêen, a̱vu u damma yi, ‘Zane Éa zuwa nuwu zagbain na̱ za vu ugeêetosu u tsu? 28 Vu ciga ta̱ vu una mu ununa vu unai vuma va Masar yon?’ 29 Ana Musa uwwai ne, ÉaÉa u sumai u lyawai iÉaêa, reve u reme limocin e iÉa ya Midiya, uba̱ta̱ u na u matsain olobo e re a̱ yi. 30 “Ana a yuwain aêwan amunga, urana u ro a̱tsuma̱ o ogozo zuzu na Masasan ma Sinai,â  reve malingata ma̱ A̱sula̱ ma̱ ta̱wa̱ ya Musa a̱tsuma̱ e elentsu a akina a madala o molopu. 31 Ana Musa ene niyi, reve u reme asalama e ili i na wee inda. Ana u rawai zuzu adama we ene, ÉaÉa wu uwwai uÉyo wa̱ A̱sulazuva a dansaa yi, 32 ‘A̱mu Éa A̱sula̱ a nkaya n Éu A̱sula̱ a Ibrahim, na̱ Ishiyaku, na̱ Yakubu.’ Reve Musa reme mejeêen adama o wovon, u da̱shi gura ka̱lyuwa̱ iliêi shi. 33 “Reve A̱sulazuva a damma yi, ‘FoÉo atan a̱ wu adama a na uba̱ta̱ u na vu ri uba̱ta̱ wa akiza u Éa. 34 Me ene ta̱ a̱tsuma̱lima̱ a na ama a̱ va̱ a̱ ri o sowuso a Masar,â  waru mu uwwa ta̱ mÉa̱la̱ mo okolo n le. N cipa̱ ta̱ adama n wawa le. Ta̱wa̱ gogo, n ta̱ lyungu wu a̱ ka̱mba̱ e iÉa ya Masar.’ 35 “ÆaÉa A̱sula̱ a̱ lyunguwisa̱ vuma na ama a̱ yi a êyuwain Ée, za na a dammai, ‘Zane Éa zuwa nuwu zagbain na̱ za vu ugeêetosu a aci a̱ tsu?’ Ni ikambi i malingata ma̱ A̱sula̱ ma na ma̱ ta̱wa̱i ya̱êa̱ yi o molopu ma na ma̱ da̱na̱i a madala, ma Éa mo oêwoto niyi zagbain na̱ zamawawa le. 36 Nu uyuwusan wu ulinga wa asalama, ÉaÉa wu uta̱a̱ nle e iÉa ya Masar a pasalai Mala ma̱ Shili.â  Na̱ a̱ êya̱wi elime na̱ a̱ca̱pa̱, hali a yuwan aêwan amunga a̱tsuma̱ o una. 37 “Musa na aciya̱yi u damma ta̱ ama a Israêila, ‘A̱sula̱ a ta Éangwa vumava̱sula̱ tsa̱ va̱ a̱tsuma̱ a ama a̱ Éu.’ 38 Musa da̱na̱ ta̱ oÉolo no oÉolo a ama a̱tsuma̱ o una. Waru malingata ma̱ A̱sula̱ ma yuwan ta̱ adanshi na̱ a̱yi a Masasan ma Sinai, na adanshi a̱ a̱Éula̱. Ne Éa u ca ntsu adanshi a wumaêa. 39 “A̱vu nkaya n tsu n êyuwan ili i na Musa dammai, a̱vu a êyuwan a zuwaa yi atsuvu, reve a̱ shi a ciga a vadala a̱ ka̱mba̱ Masar. 40 A̱vu a damma Haruna,â  ‘Yuwaan tsu musula̱ n na maa tsu walaa elime, adama a na tsu reve ili i na i yuwain Musa za na uta̱a̱ ntsu a̱tsuma̱ a Masar shi.’ 41 Reve a ruma a̱ma̱li ana ma̱dindim, reve a yuwaan yi kucci, na̱ a̱buki reve a̱ za̱nga̱na̱ e ili i na a rumai ne ekere e le. 42 ÆaÉa A̱sula̱ a vadalaa nle ucina̱. Reve u lyawa le a̱ êya̱wa̱ o toni urana, woto, ni italyoêo o oêwo musula̱ n le, ununa u ri pe uÉanu a aatagada a Ama̱sula̱: ‘Ama a Israêila, i yuwaan mu kucci na̱ sadaka a̱tsuma̱ a aêwan amunga a na i da̱na̱i a̱tsuma̱ o una shi. 43 I êya̱sa̱n ta̱ masaêaâ  ma̱ a̱ma̱li uba̱ta̱ u na aa yuwusaan a̱a̱ma̱li Mole a̱ga̱nda̱ na̱ a̱a̱ma̱li a talyoêo ma̱ Éu Rafani, i yuwan ta̱ a̱ma̱li o ndolo, a̱vu i yuwaan le a̱ga̱nda̱. Adama o ndolo i ta uwa a tsugbashi e iÉa ya Babilaâ  alanga!’ 44 “Reve nkaya n tsu n tanu Oogodo o Ucuwusanâ  adama a cuwan ni ili i na A̱sula̱ a yuwaan nle o una. A yuwan yi ta̱ ni ifoÉi ununa A̱sula̱ o rocoi Musa. 45 Ana a yuwain aêwan o ro, a̱vu Josuwaâ  uwa elime o uvon a aci e iÉa ya Atakpaci a na A̱sula̱ a̱ gba̱ra̱i e iÉa i ndolo. A tara ta̱ Oogodoêo a̱ tyo a̱ nda̱na̱ta̱ n saêavu n le. A yuwusan ta̱ ulinga na̱ a̱yi a̱ tyo mantsa ma̱ Da̱wuda. 46 Da̱wuda tsura̱ ta̱ icigi e ekere a̱ A̱sula̱, hali u pati a lyawa yi u suwaa A̱sula̱ a Yakubu A̱a̱êisamapaÉa. 47 Amma Sulemanuâ  Éa ta̱wa̱i u suwa niyi. 48 “Agba a̱vu wo oêwo Mogono ma̱ A̱sula̱ ma̱ tsu da̱nu o uêwa u na vaÉilima̱ suwai shi, ununa vumava̱sula̱ dammai, a̱yi a yuwusan adanshi a̱ A̱sula̱, 49 ‘Zuva nda̱na̱ta̱ n tsugono n va̱ n Éa, uvaÉi waru udasata u va̱ u Éa. Uba̱ta̱ u ne u Éa yaa gura suwaa mu? I ta gura suwaa mu wivuwatan? 50 A̱mu Éa n yuwain ili biti a̱tsuma̱ a zuva ni iÉa ne ekere a̱ va̱ shi?’ 51 “A̱Éu agbawata, aza a na okolo e le a̱ ri mejege shi, aza a na atsuvu a̱ Éu a̱ ri uêulu. I ta yuwusan nronuloi na̱ Ruhu va Akiza kuci. Ununa nkaya n Éu n yuwusain, ne Éa yaa yuwusan. 52 A̱tsuma̱ a ama̱sula̱ zane Éa nkaya n Éu n êyuwain shi? Hali gba o una aza a na a yuwain adanshi o uta̱wu wu Za va̱ A̱Éula̱ na i winai hali yu una yi. 53 Ko a na i ushiyi Wila̱ wa̱ A̱sula̱ e ekere a nlingata ma̱ A̱sula̱, ne Éa i êyuwain a̱ kuru yi mejege suru suru." 54 Ana azagbain a Israêila a uwwai ne, reve a uwwa upan lon, hali a uwa maluma ma akatsu adama o upan. 55 Istifanu gba ana u ri na̱ Ruhu va Akiza, reve u zuwa esu a̱ yi zuva a̱vu we ene tsugbain tsa̱ A̱sula̱. A̱vu we ene Yesu mishin uba̱ta̱ u tsugbain o ukere usaêani wa̱ A̱sula̱. 56 Reve u damma le, “Ka̱lyuwa̱i, me ene ta̱ zuva ukpa̱tuêu, reve me ene Mawun ma Vuma mishin uba̱ta̱ u tsugbain o ukere usaêani wa̱ A̱sula̱!" 57 Reve a ula atsuvu e le na akatsu o oruwo lon. Reve a̱ zura̱ yi nu u ta̱. 58 Reve o uta̱a̱ yi o ugyuru, ÉaÉa a uwai mavara ma̱ yi na atali. Reve aza a na a̱ shi lo a uwwa niyi a adanshi o foÉo a̱tugu e le o Éoloto le a̱ ma̱ka̱ka̱n mo ulobo u na a̱ tsu Ée Shawulu. 59 Ele a vuvarasa yi, reve Istifanu yuwan avasa u damma, “Yesu Zagbain, ushi wivuwun u va̱." 60 Ana u dammai ne, ÉaÉa u kingyoi reve u damma nu ucira, “A̱sulazuva she vu tara le nu unusu wan.” ÆaÉa u kuwa̱i.