Kolosi 2

1 N ciga Éu ta̱ i reve cine n yuwain a̱tyo a na maa yuwan adama a̱ Éu, waru adama a̱ a̱za̱ e Itoni a̱tsuma̱ a Lawudikiya, waru na adama a̱ a̱za̱ e Itoni a na koto a gaêain na̱ a̱mu shi. 2 N yuwan ta̱ ili i ndolo adama n da̱shi le ugbamu wo okolo waru adama o Éoluloi ni icigi. A̱yi nda u ta lyawa le a̱ tsura̱ ili i saêani ya̱ a̱bunda̱ i na i tsu ta̱wa̱ ne e reve ili yu usokowu ya̱ A̱sula̱. 3 Adanshi a̱ Kristi Zamawawa Éa maa yuwusan. A̱yi Éa za na ri uguzu ni ili yu ugbozu suru waru nu urevu u na tsee ene shi. 4 N damma Éu ta̱ ili i nda adama she za gura pusa̱n Éu ugbozu wan na a yuwan ulinga nu urevu wu uvaÉi, waru a yuwan mawasan na̱ a̱Éu. 5 Ko na wo oêwoi n ri zuzu na̱ a̱Éu shi, okolo a̱ va̱ o to oÉolo na̱ a̱Éu. Agba n ta̱ a̱ ma̱za̱nga̱ ma̱ a̱bunda̱ adama a na i ri a yuwusan nden n wuma na wu ntsayi, waru adama a na i ri nu ucawu wo okolo wu ucira a Zamawawa. 6 Gogo gba a na i ushiyi Yesu Zamawawa, Zagbain Éu, i lyuwa elime ni itoni ya̱ yi. 7 I shuwa̱ aralu a̱ Éu a̱tsuma̱ a̱ yi reve i kungwa a̱tsuma̱ e le. Ne Éa ucawu wo okolo a̱ Éu a̱ tsura̱ ikyun yu ugbamu, cine o rito nÉu. Ne Éa waru yaa shiwan nu ugodyusho. 8 She i lyawa nanza reme Éu a̱tsuma̱ a mawasan me pere wan. Mawasan mo ndolo ma̱ ta̱ da̱na̱ gashi urevu u Éa, agba uritosu u vuma u Éa goon. A̱ ta̱wa̱ ta̱ o ucira u ruhu wu uvaÉi u nda amma uba̱ta̱ wa̱ Kristi Zamawawa Éa shi. 9 Ili i na i ri pe a̱tsuma̱ a̱ A̱sula̱ suru a̱ ta̱ pe a̱tsuma̱ a̱ Kristi Zamawawa. 10 I to oÉolo na̱ a̱yi, adama o ndolo ili i na i ri a̱tsuma̱ yi suru a̱ ta̱ pe a̱tsuma̱ a̱ Éu fo. Waru u ta yuwusan tsugono a aci a cira suru na ama a gbagbain suru. 11 Ana i ta̱wa̱i ya̱ Yesu Zamawawa u paÉa Éu ta̱ uryumbu o ure u ruhu. MapaÉa mo uryumbu mo ndolo cine vuma tsu paÉa vuma uryumbu Éa shi. Ili i na gba Kristi Zamawawa yuwain a̱yi Éa u paÉa ta̱ wuma vu nusu Éu. 12 Ana a yuwaan Éu urumbusu, a̱ ciÉo Éu ta̱ oÉolo na̱ Yesu Zamawawa. Reve a̱ êya̱sa̱n Éu a̱ tyo a wuma adama a na i ri nu ucawu wo okolo a̱tsuma̱ o ucira wa̱ A̱sula̱, za na êya̱sa̱in Kristi Zamawawa a̱tsuma̱ a̱ a̱kwa̱kwa̱. 13 I da̱na̱ ta̱ a̱kwa̱kwa̱ adama a̱ nusu Éu waru adama a na i da̱na̱i no okolo a̱ nusu. Amma A̱sula̱ a zuwa Éu ta̱ i da̱na̱ wuma a̱tsuma̱ e Yesu Zamawawa. U yuwaan Éu ta̱ gafura vu nusu Éu suru. 14 Udaru vu nusu da̱na̱ ta̱ lo uÉanu, waru udaru u nda u ta̱ a aci a̱ tsu. Amma A̱sula̱ a̱ kimusa̱ ta̱ udaruêu, u tara le ta̱ reve u lungusa̱ le ana a vara nle akpata a̱ Kristi Zamawawa. 15 O ure u nda u Éa, A̱sula̱ a tawai ucira wu cira na aza a tsugbain. U ca le ta̱ wono a alanga e eteshe a na u lyuwai aci e le a akpataâ  a̱ Kristi Zamawawa. 16 Adama a nda, she i lyawa nanza kototo Éu, adama e ili i na yoo sowo ko i lyuwa wan. She i lyawa le o kototo Éu adama a na i kuÉa̱i a yuwan a̱buki a rana va akiza o ro wan, ko a yuwan a̱buki o Woto Saêavu wan, ko a na i kuÉa̱i o toni wila̱ wa Ashibi wan. 17 Adama a na wila̱ u ndolo oroci e ili i na i ri amayun a Éa. Zamawawa a aciya̱yi a̱yi Éa ili i na i ri amayun. 18 Ama o ta̱ lo a na a uwwusa uyoêo lon na a tarasa aciyele ili i ro i Éa shi ne epen, waru a na yuwusaan nlingata ma̱ A̱sula̱ a̱ga̱nda̱. She i lyawa ama o ndolo e geshe Éu ana ya̱a̱ ushi ili i na yi ntsayi i ushi a na i lyuwai aci wan. Cuêun va ama ndolo a tsu damma ta̱ ili suru i na e enei, waru wuma u babu a akiza e le u tsu zuwa le ta̱ a̱ êya̱sa̱n avangaci a̱tsuma̱ o urevu u tsulo tsa̱ le. 19 Ama a nda a̱ ri oÉolo na̱ Yesu Zamawawa Aci a̱ lipu shi. Adama a na tsu tu uÉolu na̱ a̱yi a̱ lipu e ekere a aruva o ugbamu a̱ yi, waru tsu ta kungwa nna̱ tsu tsura̱ ilyalya i tsu nu ucira u tsu diga a̱ A̱sula̱ goon. 20 I kuwa̱ ta̱ oÉolo na̱ Zamawawa, reve wo oêwoto Éu fa̱a̱n diga o ucira wu uvaÉi u nda. Adama a̱ nye i ri oo tono wila̱ wu uvaÉi u nda vadamma a̱Éu a̱za̱ o uvaÉi a Éa? 21 Wila̱ u nda u damma ta̱, “She i guza̱ ili i nda wan!” ko “She i lyuwa ili i nda wan!” ko “She i juêwa̱n ili i nda wan!" 22 Wila̱ u nda u ta adanshi a aci e ili i nda i na i tsu jima shi. Nna̱ tsu yuwan ulinga ni ili i nda, tsu tso oco le ta̱. Ne Éa fo wila̱ u na ama a zuwai. 23 Wila̱ u nda a̱ ta̱ gashi a̱ tu ulobonu adama a na a zuwa ta̱ ama a yuwan ukadu o yoêonoto A̱sula̱ okolo, ko o roco uka̱Éa̱tosu wa aci. Agba epen a Éa, waru a tsu zuwa ta̱ ama a ca aciyele a̱tsuma̱lima̱ adama o yoêonoto A̱sula̱ okolo. Agba wila̱ u nda u tsu kamba vuma na cigai lyawa majiyan me iwuya ni icigi yi iwuya shi.