Kolosi 4

1 Azagbain, i ka̱lyuwa̱ agbashi a̱ Éu ulobonu, waru i guza̱ le ulobonu. I yuwan ne adama a na i revei a na i ri fo na̱ Zagbain zuva. 2 I da̱na̱ a yuwusan avasa kuci no okolo a̱ Éu ufoÉu waru nu ugodyusho a̱tsuma̱ o okolo a̱ Éu. 3 Waru i yuwaan tsu avasa kuci. I yuwan avasa a na A̱sula̱ a̱a̱ kpa̱tuêwa̱a̱ ikaka i tsu ure, adama tsu damma ama ili yu usokowu ya̱ Kristi Zamawawa, ili i na i zuwai n ri wunlu na akani. 4 I yuwan avasa adama n gura yuwan adanshi e ikaka i nda ulobonu, waru o ure u mejege. 5 I da̱na̱ nu ugbozu nni i ri oÉolo na ama aza a na a̱ ri a̱za̱ e Itoni shi. I yuwan ulinga na̱ mantsa ma na i tsura̱i biti mejege. 6 I yuwan adanshi ni idanshi i saêani waru i lyawa adanshi a̱ Éu o oêwo uyoêo u mawwa kuci tsa akpaÉi. A̱yi Éa waa kamba Éu i usu yeci i na za ro aa yuwan Éu. 7 Tikiku ta damma Éu adama a̱ va̱. N ciga yi ta̱ lon. A̱yi za vi ikambi va amayun Éa za na aa lingasaa Zagbain oÉolo na̱ a̱mu. 8 N lyungu yi ta̱ a̱tsuma̱ a mmalu n saêani nda a̱ tyo ya̱êa̱ Éu adama u damma Éu cine tsu ri pa a yuwusan, waru adama u da̱shi Éu okolo ugbamu. 9 Waru n ta̱ lyungusu Unisima. A̱yi fo za na oo soÉuwo matsan ma Éa waru za tsu na tsu cigai. Waru vuma ta̱ Éa a̱tsuma̱ a ama a̱ Éu. A ta damma Éu ili suru i na yaa farasa pa nda. 10 Arista ta̱ pa oÉolo na̱ a̱mu o uêwa wa ali. U ta̱ lyungusa̱a̱ Éu ni ica̱su ya̱ yi, ne Éa fo Marku, za na kaka ta̱ Éa le na̱ Banaba. Tsu damma Éu ta̱ Ée nu ufaru i ushi Marku nnu u ta̱wa̱ ya̱êa̱ Éu. 11 Josuwa za na waru a̱ tsu Ée Yusutu, lyungu ta̱ fo ica̱su ya̱ yi. Ele nda ele Éa a̱za̱ e Itoni a̱tsuma̱ aza a Israêila goon a̱tsuma̱ aza a na tsaa yuwusan ulinga oÉolo. A ta̱ pa a yuwusan ulinga oÉolo adama o tsugono tsa̱ A̱sula̱ waru a̱ ta̱ ta̱na̱tosu mu okolo lon. 12 Abafara vuma Éa diga a̱ lyuci Éu, waru aagbashi e Yesu Zamawawa a Éa. U lyunguwa̱ Éu ta̱ ica̱su ya̱ yi. U tsu yuwaan Éu ta̱ avasa babu uro. U tsu pati ta̱ A̱sula̱ a gbamato Éu waru u zuwa Éu yo oêwo wuntsayi, adama yi isawan nu ucira a̱tsuma̱ e ili i na A̱sula̱ a cigai suru. 13 N ta gura yuwan adanshi a̱ yi ana wi isawaan nÉu oÉolo na̱ a̱za̱ e Itoni a̱tsuma̱ a Lawudikiya na̱ Hirafoli. 14 Iêutsa̱ ya̱ a̱Éula̱ i tsu za vu urevu wa̱ a̱guma̱ Luka ta̱ lyungusu fo ica̱su ya̱ yi, ne Éa fo Dima. 15 I yuwan ankuri i lyunguwa̱ a̱za̱ a̱ tsu a̱za̱ e Itoni a̱tsuma̱ a Lawudikiya ica̱su i va̱, waru na̱ Nimfa ka oÉolo na aza a na o tsu Éolotosu o uêwa wa̱ yi. 16 Ni i koto Éesununa̱ u mepepelime ma nda, i lyunguwa̱ a̱za̱ e Itoni a̱tsuma̱ a Lawudikiya adama ele fo e Éeyinuna̱. Waru a̱Éu fo i Éenuna̱ mepepelime ma na n Éanaa nle. 17 I damma Arikibu adanshi a nda, “Vu êyuwan ciga vu koso ulinga u na Zagbain ca nuwu suru." 18 A̱mu, Bulu, a̱mu Éa n Éanai ica̱su i nda ne ekere a̱ va̱. I cuwan na akani a̱ va̱. Lyawa isaêani ya̱ A̱sula̱ i da̱na̱ oÉolo na̱ a̱Éu.