Yakubu 1

1 A̱mu Éa Yakubu, aagbashi a̱ A̱sula̱ waru aagbashi e Yesu Kristi Zagbain Zamawawa. N ta Éanasaa a̱za̱ e Itoni ya amayun a na a̱ ri ubazu suru a̱tsuma̱ o uvaÉi. N ta̱ lyungusu ica̱su i va̱. 2 Nêutsa̱ n va̱ suru, i yuwan ma̱za̱nga̱ mantsa ma na addama a̱ ta̱wa̱ nÉu icuêun icuêun. 3 Adama a na i reve ta̱ cine ma̱lyungwa̱ mo ndolo ma tsu zuwa ucawu wo okolo a̱ Éu u ta̱wa̱ na̱ makaÉa ma asuvu. 4 I kaÉa asuvu hali ma̱lyungwa̱ ma̱ Éu mo koto. Ana i kaÉai asuvu o ndolo i to oêwo nu ucawu wo okolo ugbamu waru i ta̱ da̱na̱ ushiwun, yaa lamba ili i saêani shi. 5 Za na lambai ugbozu suru, u pati A̱sula̱, waru u ta ca yi ugbozuêu. A̱sula̱ a tsu ca ta̱ vuma neêe pere. U tsu gbarana za na pati niyi ili shi. 6 Amma na̱ vu pati ili i ro, vu ciga vu êyuwan vu ca okolo, agba vu kuÉa okolo wan. Ni i kuÉa okolo i ta̱ da̱na̱ gashi ikeÉu i mala ma na upepu u tsu zuwusa yi a̱ ka̱nda̱ruwusa̱. 7 Cuêun vuma ndolo yuwan majiyan ma na Zagbain aa yuwaan yi ili ro wan, ko keêen. 8 Cuêun vuma ndolo tsu gura yuwaan aciya̱yi majiyan ma̱ ta̱ shi, waru u tsu gura kuru ure u ta̱ shi. 9 A̱za̱ e Itoni aza a na a̱ ri ni ili shi, a yuwan afalu adama a na A̱sula̱ a̱ êya̱sa̱n le ta̱. 10 A̱za̱ e Itoni aza a na a̱ ri ni ikebe, a yuwan afalu fo adama a na A̱sula̱ a zuwa le ta̱ a̱ ka̱Éa̱to aciyele. A̱za̱ e ikebe o to koto ana yipa̱lu ya anlya i na i tsu uta̱ o ogozo. 11 Urana u tsu ta̱wa̱ ta̱ nu usuÉuwu wa̱ yi, a̱vu u êyeweto anlya, a̱vu waru yipa̱lu ya̱ yi i riya̱ e iÉa, reve ulobonu wa̱ yi u koto. Ne Éa waru za vu utsuru oo koto a̱yi pe a̱tsuma̱ a linga va̱ yi. 12 A̱sula̱ a̱ tsu ta̱wa̱a̱ ta̱ ama a na a kaÉai asuvu na ankuri na̱ ma̱lyungwa̱ na̱ ma̱za̱nga̱. Nna̱ ma̱lyungwa̱ mo koto, A̱sula̱ a ta ca ookokolo a wuma u babu ukotu e ekere a za na riya̱i a̱ ma̱lyungwa̱êa̱ shi. A̱sula̱ a yuwaan ta̱ aza a na a ciga niyi nzuwulai n nda. 13 Na̱ vuma ciga yuwan ili i babu ulobonu, cuêun vuma ndolo she u damma A̱sula̱ a̱ lyungwa̱ yi ta̱ wan. Za lo na aa gura lyungwa̱ A̱sula̱ a yuwan iwuya shi, waru A̱sula̱ a̱ tsu lyungwa̱ ama a yuwan iwuya shi. 14 Icigi i maluwa ma na tsaa yuwan iwuya u tsu lyungwa̱ tsu ta̱ tsu yuwan ili, reve u pusa̱n tsu ana. 15 Maluwa mo ndolo u tsu yuwan ta̱ a̱a̱tsuma̱ reve u matsan unusu, ne Éa waru unusu u ndolo u tsu yuwan mgbain hali u ta̱wa̱a̱ nu ukwa̱. 16 Ama a na n cigai a̱bunda̱, she i kuru ili ye epen wan. 17 Ili i na i ri ulobonu suru uneêe u Éa diga uba̱ta̱ wa̱ A̱sula̱ Ée zuva, ne Éa waru ili suru i na i ri babu unusu. Ili i nda suru a ca tsu ta̱ le diga ya Dada na yuwain ekan a zuva. Ne Éa u ri kuci, u tsu vadala cine ululu u tsu vadala babu usa̱n shi. 18 Icigi ya̱ yi i Éa tsoo oêwo ama a na u Éangwai, ÉaÉa u lyunguwa̱ ntsu ikaka ya amayun, ikaka i ÉaÉa i matsan ntsu tsa̱ muwun mu ufaru. 19 Ncigata n va̱, i da̱na̱ na̱ mawwa babu usa̱n, amma i yuwan adanshi goêo wan, waru i yuwan upan goêo wan. 20 Ni i yuwan upan, ko ili i saêani i ta̱ i na A̱sula̱ a ciga nÉu i yuwan, yaa yuwan shi. 21 I lyawa tsipere ni iwuya. Waru i ka̱mba̱to aciya̱Éu ili i ro i Éa shi, waru i usu ikaka i na a̱ shuwa̱i a̱tsuma̱ a̱ Éu, ikakaêa i ta̱ nu ucira u na waa wawa Éu. 22 I yuwan ili i na ikakaêa i damma nÉu, she yu uwwa na atsuvu a̱ Éu goon wan, ni i yuwan ne, i yuwaan ta̱ aciya̱Éu tsulo. 23 Na̱ vuma uwwa adanshi a̱ A̱sula̱ agba u yuwan ili i na u damma niyi shi, cuêun vuma ndolo ta̱ gashi vuma na ka̱lyuwa̱i aciya̱yi a̱ ma̱dubi. 24 Reve nu u ka̱ra̱ a̱vu wi icina cine u ri babu usa̱n. 25 Agba na̱ vuma ka̱lyuwa̱ wila̱ wa̱ A̱sula̱ u na u ri ulobonu lon, reve u lyuwa elime a yuwusan ili i na wila̱êa̱ u dammai, vuma ndolo ta̱ tsura̱ abaêun na asuvu nden a na wila̱ u cayi. 26 Na̱ vuma aa yuwusan majiyan gashi u to tonishi A̱sula̱, agba u gura guza̱ una̱ wa̱ yi shi, wu luma̱ ta̱ aciya̱yi, waru itoni ya̱ A̱sula̱ ya̱ yi pere Éa. 27 Ure u saêani u na wu ntsayi o toni A̱sula̱ Dada tsu a̱yi Éa a̱ ka̱lyuwa̱ mkpaêan na̱ nruna̱, reve waru a suma nshinda̱ mu uvaÉi.