Luka 17

1 A̱vu Yesu damma ojoro a̱ yi, “Ili i na yaa zuwa vuma yuwan nusu o ta̱ lo, agba woo yoêono e ekere a za na a̱ ta̱wa̱i shi. 2 U shi ta laêaa yi a̱ nla̱a̱ yi aatali a yira a̱ yinlu a̱vu a vari yi a mala na waa zuwa a̱tsuma̱ a aza a wawaêa a nda a yuwan unusu. 3 I yuwan ugbozu na aciya̱Éu. “Na̱ za va̱ wu yuwan unusu, vu damma yi. A̱vu nu u vadala, vu yuwaan yi gafura. 4 Nu u yuwaan wu unusu ucindere urana u ta̱, nu u ta̱wa̱ ya̱êa̱ wu toto ucindere, adansa, ‘N vadala ta̱,’ vu yuwaan yi gafura." 5 A̱vu ajiya a damma Zagbain, “Da̱shi tsu ucawu wo okolo!" 6 A̱vu Zagbain u usu, “Ni i shi nu ucawu wo okolo keêen cine suêwan uri ri, i shi ta damma ubiri u nda, ‘Vu mula̱, a̱vu vu shuwa̱ aciya̱wu a mala!’ Waru u ta uwwa Éu. 7 “A damma, a̱tsuma̱ a̱ Éu nanza ta̱ na aagbashi a na a yuwusaan yi cimba ko aguÉa. Na̱ ma̱ta̱wa̱a̱ ma̱ yi o una, u ta damma yi, ‘Ta̱wa̱ vu lyuwa ilyalya gogo?’ 8 Waa yuwan ne shi. U ta damma yi, ‘FoÉoo mu ilyalya yu ulivu, vu foÉo, a̱vu vu yuwaan mu a̱ga̱nda̱, hali n koto alya no oso. A̱vu vu ta̱wa̱ vu lyuwa vu sowo fo.’ 9 U ta damma aagbashi a̱ yi u godyo ta̱ adama a na u yuwain ili i na wu ntsayi u yuwan? 10 A̱Éu fo ni i koto ili i na a damma nÉu i yuwan, i damma, ‘Tsu rawa shi. Tsu yuwan ta̱ ulinga u na u ri ulinga u tsu.’ “ 11 Urana u ro, a̱yi a mmalu a̱ tyo Urishelima, a̱vu u toni na̱ mÉa̱nga̱ mi iÉa ya Samariyaâ  na̱ Ga̱lili. 12 A̱yi a maêuwaa a̱ ma̱lyuci mo ro, a̱vu u gaêan na ali kupa nkutu. Ele alanga na̱ a̱yi, a̱vu e Ée yi. 13 A̱vu a̱ êya̱sa̱n Éyo le, “Yesu Zagbain, ka̱lyuwa̱ iliyali i tsu." 14 Ana we ene nle, a̱vu u damma le, “êYa̱wa̱i uba̱ta̱ u nan ganu, tsa̱ra̱ e ene Éu.” Ele a̱tsuma̱ a mmalu, a̱vu o oêwo gbaga. 15 Za ta̱ a̱tsuma̱ e le, ana we enei u ka̱mba̱ ta̱ gbaga, a̱vu u ka̱mba̱ a yuwusaan A̱sula̱ ica o uta̱su uÉyo zuva. 16 A̱vu u kingyo a̱ ma̱ka̱ka̱n ma̱ Yesu o godyusho yi. A̱yi gba za va Samariya Éa. 17 A̱vu Yesu damma, “Ama kupa Éa a̱ ka̱mba̱i gbaga shi? Te gba kucciêi? 18 Cine wo oêwoi mocin nda Éa goon ka̱mba̱i tsa̱ra̱ u godyoo A̱sula̱?" 19 A̱vu Yesu damma yi, “êYon vu wala. Ucawu wo okolo a̱ wu a zuwa wu ta̱ vo oêwo gbaga." 20 Afarishi o ro e ece ta̱ yashi i na tsugono tsa̱ A̱sulaÌ±â  tsa̱a̱ ta̱wa̱. A̱vu u damma, “Tsugono tsa̱ A̱sula̱ na̱ yeni ye esu i Éa wa̱a̱ ta̱wa̱ shi. 21 Aa gura damma, ‘Ka̱lyuwa̱ pa nda Éa u ri!’ ko aa damma, ‘A̱ Ée yi!’ shi. Adama a na tsugono tsa̱ A̱sula̱ u te e memere ma̱ Éu." 22 A̱vu u damma ojoro a̱ yi, “Mantsa ma̱ ta̱ lo a̱ ta̱wa̱ ana yaa ciga yee ene urana u ta̱ a̱tsuma̱ a rana Mawun ma Vuma, agba yee ene shi. 23 A ta damma Éu, ‘Apa yi!’ ko ‘A̱ Ée yi!’ She i toni le wan. 24 Urana u na Mawun ma Vuma ma̱a̱ ta̱wisa̱ u to oêwo oroci e imaÉatsu, i na i tsi ikana Ée zuva diga Ée o ufaru a̱ tyo o ukosu. 25 Amayun u to sowo a̱tsuma̱lima̱ icuêun icuêun neêen, waru ama o gogo a ta êyuwan yi. 26 “Ununa u da̱na̱i a rana va̱ Nuhu,â  ne Éa waru woo oêwo a rana Mawun ma Vuma. 27 Ama a lyuwusa ta̱ no o sowi, na a casuyi lolo na a yuwin lolo, hali urana u na Nuhu uwai a wantsuêun. A̱vu mini ma gbain ma̱ ta̱wa̱, a̱vu u lyuwa le suru. 28 “Ne Éa u da̱na̱i a rana va̱ Lutu.â  Ama a lyuwusa ta̱ no o sowi, a atsulu na a wini, a̱ ca̱êa̱n na a suwi. 29 Urana u na Lutu lyawai Sodom,â  o roêoo yi ta̱ akina na̱ mikyon ana yaza diga zuva, a̱vu wu una le suru. 30 “Ne Éa woo oêwo urana u na Mawun ma Vuma ma̱a̱ ta̱wa̱. 31 O urana u ndolo, za na ri a̱ a̱ra̱ra̱ a̱ yi, ni itana ya̱ yi pe a̱tsuma̱, u uwa tsa̱ra̱ u tsura̱ le wan. Za na ri o una, she u ka̱mba̱ u tara ili i ro wan. 32 I cuwan na̱ ka va̱ Lutu! 33 Za na cigai u soko wuma wa̱ yi, u ta lamba yi. Za na lambai wuma wa̱ yi waru ugoloÉu u Éa u goloÉoi. 34 N ta dansaa Éu, a ayin o ndolo, ama e re a̱ ta̱ da̱na̱ a aavalu a̱ ta̱, a ta tara za ta̱, a̱vu a lyawa za ta̱. 35 A̱ma̱ci e re a̱ ta̱ da̱na̱ a yira uba̱ta̱ u ta̱; a ta tara vuma ta̱, a lyawa vuma ta̱. [ 36 Ali e re a̱ ta̱ da̱na̱ o uÉuma̱, a ta tara vuma ta̱, a lyawa vuma ta̱.]" 37 A̱vu e ece yi, “Zagbain, te Éa aa yuwan ili i ndaêa?” A̱vu u usu, “Cine i revei na̱ ye ene asala uÉolotowu uba̱ta̱ u ta̱ a̱a̱kwa̱kwa̱ o ta̱ lo zuzu, ne Éa iroci i nda yoo rocosu ukosu u yuwan ta̱ zuzu."