Matta 14

1 A mantsa mo ndolo, Hiridu Antiba, mogono ma̱ Ga̱lili, ma uwwa ta̱ adama e Yesu. 2 A̱vu u damma agbashi a̱ yi, “Yesu Yahaya za vu Urumbusu Éa, za na a̱ êya̱sa̱in a̱tsuma̱ a̱ a̱kwa̱kwa̱. A̱yi Éa i zuwai waa yuwusan cuêun vi ili ya asalama a nda." 3 Kafu mantsa ma nda, Hiridu usa ta̱ Hiridiya a̱yi ubuwu ka mawun ma̱ a̱na̱wu ma̱ yi Filibu. Yahayaâ  dansaa yi ta̱, “U ri ulobonu vu zuwa Hiridiya shi!” Reve u zuwa e reme Yahaya a̱ nla̱ yi, a̱vu a zuwa yi a̱tsuma̱ o uêwa wa ali. 5 U shi ta̱ u ciga wu una yi, agba wu uwwusa ta̱ wovon wa ama, adama a na a̱ usu ta̱ Yahaya vumava̱sula̱ Éa. 6 Ana a cuwusan nu urana u na a matsain Hiridu, a̱vu usheli wa Hiridiya u jeêeen Hiridu oÉolo no omocin a̱ yi, a̱vu u zuwa okolo a̱ yi o yoêono. 7 Reve u kucina na waa ca yi ili i na u cigai biti. 8 A̱vu mma vu usheliêi u damma yi u damma, “N ciga ta̱ aaci a Yahaya za vu Urumbusu a mapara ma nda!" 9 A̱vu mogonoêo u yuwan shinreve vi ili i na u dammai. Agba u ciga u êya̱sa̱n nzuwulai n na u yuwain a̱ ma̱ka̱ka̱n mo omocin a̱ yi shi. A̱vu u damma a̱soja a̱ yi, 10 a̱ êya̱wa̱ o uêwa wa ali o koÉo aaci a Yahaya za vu Urumbusu. 11 A̱vu a̱ ta̱wa̱a̱ na aaciêi a mapara a̱vu a ca usheliêi, a̱vu usheliêi u êya̱wa̱a̱ mma va̱ yi. 12 Reve ojoro a Yahaya a̱ ta̱wa̱ a tara lipu va̱ yi a̱ ciÉo. A̱vu a̱ êya̱wa̱ a̱ ka̱mbuwa̱ Yesu ili i na i farai. 13 Ana Yesu uwwai alabari o ndolo, reve u uwa a wantsun, a̱vu u ka̱ra̱ a̱ tyo o una tsa̱ra̱ u da̱na̱ a̱yi a̱ ndeêen. Agba ana oÉolo a amaêa a uwwai ne, reve o toni yi na̱ mmalu o tono ngeêen m mala. 14 Ana u rawai, a̱vu u cina a̱ba̱jini o oÉolo a ama a pura yi. Reve we ene le iliyali, a̱vu u ka̱mba̱to aza a na a̱ da̱na̱i ubanakun suru gbaga. 15 Urana a zama ma̱riya̱a̱, a̱vu ojoro a̱ yi a̱ ta̱wa̱ uba̱ta̱ wa̱ yi a̱vu a damma, “Urana u koto ta̱, uba̱ta̱ u nda gba ogozo a Éa. Damma amaêa e beteêwe, tsa̱ra̱ a̱ êya̱wa̱ a̱ mulyuci a tsulaa aciyele ilyalya a lyuwa." 16 Reve u usu le, “Ili yi lo i na yaa zuwa le a̱ ka̱ra̱ shi. I êya̱wa̱ i ca le ilyalya a lyuwa." 17 A̱vu a damma yi, “Opopofu o ton a Éa tsu ri ne ele na̱ mugula n re goon." 18 Reve u damma le, “Ta̱wa̱a̱ numu no opopofuêu na̱ mugulaêa." 19 A̱vu u damma amaêa a̱ da̱nu a anlya. A̱vu u tara opopofu o toêon na̱ mugula n reêe, a̱vu u ka̱lyuwa̱ zuva, reve u godyoo A̱sula̱ adama e ilyalya. Reve u neêeshen opopofuêu, a̱vu u ca ojoro a̱ yi, reve ele a ca ama. 20 Ama suru a lyuwa ta̱ hali a̱ cuwa̱n. Reve ojoroêo o shiton asaka kupa ne ejere na akapi e ilyalya i na i buwai. 21 Ali a na a lyuwai ilyalya i ndolo a ta rawa ali ukpakukupa uton (5,000), e kece a̱ma̱ci na̱ muwun shi. 22 A̱vu Yesu dammushi ojoro a̱ yi a uwa a wantsun tsa̱ra̱ a̱ ka̱ra̱ elime a̱ yi upasalai u mala. U da̱na̱ ta̱ lo tsa̱ra̱ u lyawa ama a̱ ka̱mba̱ a êwa le. 23 Ana u lyawa nle a̱ ka̱ra̱i a êwa, reve u ka̱ra̱ a̱ êya̱wa̱ a agaÉi na aciya̱yi tsa̱ra̱ u yuwan avasa. Ayin a Éa a̱ da̱na̱i, a̱vu gba u da̱na̱ Ée a̱yi a̱ ndeêen. 24 A matsan mo ndolo, wantsun wo ojoro a̱ yi u da̱na̱ ta̱ e memere ma malaêa, waru upepu wu ucira u êyon ta̱. A̱ da̱na̱ ta̱ o mpolo ni ikeÉu i mala i gbain. 25 Na̱ wasasa, a̱vu u ta̱wa̱ uba̱ta̱ u le a mmalu zuva mini. 26 Ana e ene niyi a mmalu zuva mini tsundolo, a uwwa ta̱ wovon. A̱vu a saala na̱ wovon, “YimoÉi i Éa!" 27 Reve u yuwushin nle adanshi, u damma, “U rawa ta̱ ne, n ta̱ pa! She yu uwwa wovon wan." 28 A̱vu Bituru damma, “Zagbain, na̱ a̱vu Éa mayun, damma mu n ta̱wa̱ ya̱êa̱ wu zuva mini ma nda." 29 Reve u damma yi, “Ta̱wa̱.” A̱vu Bituru lyawa wantsun, a̱vu u ka̱ra̱ a mmalu zuva mini a̱ tyo uba̱ta̱ wa̱ Yesu. 30 Amma ana Bituru enei upepu ni ikeÉu i mala, a̱vu wu uwwa wovon ÉaÉa u temei maliÉaa. ÆaÉa u saalai, “Zagbain, wawa mu!" 31 A̱vu Yesu cananashi ukere wa̱ yi a̱vu u reme yi. A̱vu u damma yi, “Vu ta̱ nu ucawu wo okolo keêen. Nye i zuwai okolo a̱ wu a kuÉai?" 32 Ana a uwai a̱tsuma̱ a wantsuêun, reve upepuêu u von kwin. 33 ÆaÉa aza a na a̱ da̱na̱i pe a wantsuêun a yuwayin Yesu a̱ga̱nda̱ adansa, “Amayun a̱vu Éa Mawun ma̱ A̱sula̱." 34 A pasalai ta̱ malaêa a̱vu a̱ tyo e iÉa ya Janisara. 35 Ana ama a na a̱ ri pe e revei Yesu Éa, a̱vu a damma ama suru a na Yesu ta̱wa̱ ta̱. A̱vu a̱ ta̱wa̱a̱ yi na aza a na a̱ ri nu ubanakun icuêun icuêun. 36 Reve a pati yi tsa̱ra̱ u lyawa aza a na a̱ ri nu ubanakun a̱ juêwa̱n ngeêen mu utugu ma̱ yi. Reve aza a na a̱ juêwa̱in suru a̱ ka̱mba̱ gbaga.