Matta 20

1 Ana Yesu uwai o rocosu ama ununa tsugono tsa zuva tsa̱a̱ da̱na̱, a̱vu u damma, “A yuwan ta̱ vuma ro za na da̱na̱i nu uÉuma̱ wa inabi. Urana u ro, reve wu uta̱ na̱ wasasa adama u zami aza a zamalinga adama a lingaa yi uÉuma̱ wa̱ yi. 2 A̱vu u damma u ta tsupa le ununa a tsu tsupa ikebe i azurufa yu ulivu irumu i ta̱ ta̱. Reve u tara le a̱ tyo o uÉuma̱êa̱ a linga yi. 3 “Ana alanzu a gaÉuwai, a̱yi o utula̱i e eden reve u cina ozo o ro lo a̱ mishin me pere. 4 Reve u banu le fo a̱ tyo o uÉuma̱ wa̱ yi, a̱vu u damma le u ta tsupa le ili i na i lobonoi nu urana u riya̱. 5 A̱vu a̱ ka̱ra̱ e reme ulinga o uÉuma̱êa̱. “Nu urana a aci na̱ rumu taêatsu vu urana reve u yuwisan ne. 6 Waru ana u buwai rumu ta̱ na aa lyawa ulinga, reve wu utisa̱ a̱ lyuci, a̱vu waru u cina ama o ro mishin lo. Reve we ece le, ‘Adama a̱ nye yaa yuwusan ulinga anaêan shi?’ 7 “Reve a̱ usu, ‘Adama a na ko za tara tsu shi!’ “A̱vu u damma le, ‘To, êya̱wa̱i i linga o uÉuma̱ u va̱.’ 8 “Ana urana u kotoi, reve za vu uÉuma̱êa̱ u Ée za ve elime u damma yi, ‘Æe aza a zamalingaêa vu tsupa le. Vu teme na aza a na n tarai nu ukosu, reve vu koso na aza a na n fara tarai.’ 9 “Reve aza a na o koso tarai a yuwan ulinga wu rumu ta̱ goon a̱ ta̱wa̱ a̱ ushi atsupu e le, za suru ushi ta̱ rumu ta̱ azurufa. 10 Ana aza a na e temei ulinga ili yu usana a̱ ta̱wa̱i tsa̱ra̱ a̱ ushi atsupu e le, a ta dansa a̱ ta̱ ushi ili i na i laêai a̱za̱ a̱ a̱za̱ e le. A̱vu wo oêwo ele fo irumu i ta̱ ta̱ i azurufa i Éa a tsupa nle. 11 Ana a̱ ushiyi ikebe i le, reve a̱ êya̱wa̱ na adanshawuya uba̱ta̱ wu za vu uÉuma̱êa̱. 12 Reve a damma, ‘Aza a na a tarai na̱ a̱ca̱pa̱ rumu ta̱ Éa goon a lingai. A̱vu vu tsupa le una̱ta̱ na̱ a̱tsu. A̱tsu gba tsu linga ta̱ a̱tsuma̱ o usuÉuwu wu urana hali a̱ tyo ulivu!’ 13 “Reve za vu uÉuma̱êa̱ u usu za ta̱ a̱tsuma̱ e le, ‘Iêutsa̱ i va̱, m paala wu shi. N tsupa wu ta̱ ili i na tsu yuwain adanshi. 14 Tara ikebe ya̱ wu vu ka̱ra̱! N tara ta̱ n tsupa za na a tarai o ukosu una̱ta̱ na̱ a̱vu. 15 N ta gura yuwan ununa n cigai ni ikebe i va̱. Vu ta̱ a̱ tsushuêun o una̱ u na n yuwayin ama a̱ ndeÉe isaêani?’ “ 16 ÆaÉa Yesu tsu damma, “Ne Éa u ri. Za ve elime gogo u ta̱ ka̱mba̱ a̱ca̱pa̱, waru za va̱ a̱ca̱pa̱ ta̱ ka̱mba̱ elime." 17 Yesu a̱tsuma̱ a mmalu a̱ tyo Urishelima, reve u Ée ojoro a̱ yi kupa ne ejere a̱ ngeêen a̱vu u damma le, 18 “Na̱ tsu rawa Urishelima a ta wina Mawun ma Vuma e ekere a nan ganu a gbagbain na̱ munlu n Wila̱. A ta yuwaan yi ugeêetosu u na oo una yi. 19 Reve a zuwa yi e ekere a Atakpaci aza a na aa yuwaan yi ulamu, a fufaba yi, reve a vara yi a akpata. Agba o urana wa taêatsu A̱sula̱ a̱ ta̱ êya̱sa̱n yi a̱tsuma̱ a̱ a̱kwa̱kwa̱." 20 A̱vu ka va̱ Za̱ba̱di rawa no olobo a̱ yi e re, Yakubu na̱ Yahaya. Reve u kingyo u uwa ipati ya̱ Yesu yuwaan yi ili i ro. 21 A̱vu Yesu ece, “Nye i Éa vu cigai?” A̱vu u damma, “A mantsa ma na vu da̱nuyi o tsugono tsa̱ wu, vu ta lyawa muwun n va̱ n nda a̱ da̱nu uba̱ta̱ u tsugbain zuzu na̱ a̱vu, za ta̱ o ukere usaêani za ta̱ waru o ukere ugula̱ wa̱ wu?" 22 A̱vu Yesu damma, “I reve ili i na yaa patishi shi. I ta gura sowo mokoto ma̱ a̱tsuma̱lima̱ ma na maa zama n sowo?” Reve oloboêo a̱ usu, “Ee, tsu ta gura." 23 Reve Yesu usu, “Amayun a Éa i to sowo a̱tsuma̱lima̱êa̱! Agba maa gura Éangwa za na a̱a̱ da̱nu o usaêani ko o ugula̱ u va̱ shi. Ele ba̱ta̱ ndolo uba̱ta̱ wa aza a na Dada va̱ foÉoyi Éa." 24 Ana akapi o ojoro kupa a uwwai ne, reve a uwa upan na̱ muwun ma̱ a̱na̱wu n reêe. 25 A̱vu Yesu Ée aza a na oo tono yi suru reve u damma, “I reve ta̱ a̱za̱ o tsugono tsa Atakpaci a ciga ta̱ o roco tsugbain tse le e ekere a ama. Waru aza a tsugbain tse le a tsu ciga ta̱ o roco a na a̱ ri nu ucira. 26 Agba e ekere a̱ Éu, she wo oêwo ne wan. Za na biti cigai wo oêwo zagbain a̱tsuma̱ a̱ Éu, she nu u ka̱mba̱ aagbashi a akapi a na a buwai. 27 Waru za na cigai wo oêwo za ve elime, she nu u yuwan ulinga u tsugbashi a̱ tyo a akapi suru. 28 Adama a na ko a̱mu, Mawun ma Vuma n ta̱wa̱ tsa̱ra̱ a yuwaan mu tsugbashi shi, amma n yuwaan ama, waru n ca aciya̱va̱ adama a wawa ama na̱ a̱bunda̱ a̱tsuma̱ a̱ nusu le." 29 Yesu no ojoro a̱ yi a lyawa ta̱ Jeriko, reve oÉolo a ama a̱ a̱bunda̱ a̱ kuru yi. 30 Nrumba̱ n re n da̱na̱ ta̱ lo nden a̱ ngeêen mu ure. Ana a uwwai Yesu Éa ri lo a̱ ka̱ra̱, ÉaÉa a uwai yisaali adansa, “Zagbain, Mawun ma̱ Da̱wuda! Ka̱lyuwa̱ iliyali i tsu!" 31 Reve oÉolo a amaêa a Éara le a̱ Éa̱ru na̱ le, a̱vu gba a̱ da̱shi êya̱sa̱n uÉyo lon, “Zagbain, Mawun ma̱ Da̱wuda! Ka̱lyuwa̱ iliyali i tsu!" 32 Ana Yesu uwwa nle, reve wi isawan we ece, “Nye i cigai n yuwaan Éu?" 33 ÆaÉa a̱ usuyi, “Zagbain, tsu ciga ta̱ tse ene!" 34 A̱vu Yesu ene iliyali i le, reve u juêwa̱n esu e le. ÆaÉa esu e le a̱ kpa̱tuêushi, reve e ene ure, ÉaÉa a̱ kuru niyi.