Matta 22

1 Yesu yuwisan ta̱ iroci tsa̱ra̱ u rito ama. ÆaÉa u dammai, 2 “Apa cine tsugono tsa zuva tsa̱ ri: A yuwan ta̱ mogono mo ro za na foÉoi a̱ba̱jini a̱ a̱buki o lolo adama a mawun ma̱ yi. 3 Mogonoêo u banu ta̱ ama o ro a̱ ta̱wa̱ a̱bukiêi. Ana urana wa̱ a̱bukiêi u rawai, a̱vu u lyungu agbashi a̱ yi tsa̱ra̱ e Ée amaêa, reve a êyuwan a̱ ta̱wa̱. 4 “Reve u lyunguwisa̱ agbashi o ro, adansa, ‘Dammai aza a na m banuyi a na o koto ta̱ ifoÉi ya̱ a̱buki. M paÉa ta̱ inan i va̱ i na i laêai ulobonu, a̱vu n foÉo inama. O foÉo ta̱ Ée ili suru. Ta̱wa̱i uba̱ta̱ wa̱ a̱buki o lolo.’ 5 “Amma aza a na a banuyiêi a zuwa atsuvu e le shi. Ozo o ro e le a̱ ka̱ra̱ ta̱ a̱ tyo a̱ a̱Éuma̱ e le, ozo o ro gba a̱ êya̱wa̱ ta̱ alya e eden. 6 Ozo o ro gba shi e reme ta̱ agbashiêi, a̱vu a̱ ga̱ga̱la̱ le, hali o una le. 7 Ana mogonoêo wu uwwai ne, u yuwan ta̱ upan lon. ÆaÉa u lyunguyi a̱soja a̱ yi o una aza a na o unai agbashiêi, a̱vu a̱ kula̱to lyuci gbain le. 8 “ÆaÉa u dammai agbashi a̱ yi, ‘O koto ta̱ ifoÉi ya̱ a̱buki o lolo. M banu ta̱ ama a nda, agba a ntsaa a̱ ta̱wa̱ shi. 9 Adama o ndolo, êya̱wa̱i e re lyuci gbaiêin tsa̱ra̱ i banu vuma na i tsura̱i biti u ta̱wa̱ uba̱ta̱ wa̱ a̱buki a̱ va̱.’ 10 A̱vu a̱ êya̱wa̱ e re, a̱vu o Éoloto ama a na a gura tsura̱i suru, ama a̱ a̱Éula̱ na ama o ulambu wa̱ a̱Éula̱ suru. Ne Éa uba̱ta̱ wa̱ a̱bukiêi u shiwain na ama. 11 “Ana mogonoêo u uwai we ene omociêin, reve we ene pe vuma ni itana i na wu ntsayi u ta̱wa̱a̱ uba̱ta̱ u lolo shi. 12 ÆaÉa we ece niyi, ‘A̱vu, nye i zuwai vo otoi itana i na i ri ulobonu shi, reve vu ta̱wa̱ uba̱ta̱ wa̱ a̱buki?’ A̱yi gba mociêin u tsura̱ ili i na waa damma shi. 13 “A̱vu mogonoêo u damma agbashi o ro, ‘Nla̱i ana ne ekere a vumaêa. Reve i vari yi a̱tsuma̱ e irumbu, uba̱ta̱ u na ama a̱a̱ shon na a lumi anga adama a̱ a̱tsuma̱lima̱.’ 14 “Amayun, a banu ta̱ ama na̱ a̱bunda̱, agba ama keêen Éa a Éangwai." 15 Reve Afarishiâ  o foÉo cine aa yuwan e reme Yesu nu unusu a̱tsuma̱ a adanshi. 16 A̱vu a̱ lyunguwa̱ yi ama o ro a̱tsuma̱ o ojoro e le oÉolo no ozo o ro a na oo tono Hiridu. Reve a damma, “Manlu tsu reve ta̱ vu ta dansa amayun kuci, waru vu to rocosu ama ure wa̱ A̱sula̱ mejege. Vu tara ta̱ ama suru una̱ta̱, ko cine tsa Éa a̱ ri. 17 Damma tsu majiyan ma̱ wu, u lobono ta̱ tsu tsupa utafa a̱ tyo ya Kaisaâ  mogono, ko she tsu tsupa wan?" 18 Yesu gba u reve ta̱ majiyan me iwuya me le, ÉaÉa u dammai, “A̱Éu a̱za̱ e ikpaêa! Nye i zuwai ya̱a̱ lyungusa̱ mu? 19 Roco numu ikebe yi rumu i na yaa tsupusaa utafaêa.” A̱vu amaêa o roco yi ikebeêe. 20 Reve we ece le, “Ululu na aala a zane a Éa a̱ ri Ée uÉanu?" 21 A̱vu a̱ usu, “Mogono ma gbain Kaisa.” Reve u damma le, “Cayi Kaisa ili i na i ri za va̱ yi, A̱sula̱ waru i ca yi ili i na i ri za va̱ yi." 22 Ana a uwwai ne, a yuwan ta̱ asalama, ÉaÉa a lyawa niyi a̱vu a̱ ka̱ra̱. 23 Aza a Sadukiyaâ  a̱ usu a na ama a̱a̱ êyon a̱tsuma̱ a̱ a̱kwa̱kwa̱ shi. O urana u ndolo gan, a̱vu a̱ ta̱wa̱ uba̱ta̱ wa̱ Yesu. Reve a damma, 24 “Manlu, Musa damma ta̱, ‘Na̱ vuma kuwa̱ babu mawun, a̱vu za va̱ yi sotso ma̱runa̱êa̱ tsa̱ra̱ u tsura̱a̱ yi mawun.’ 25 Æe nu ufaru, a yuwan ta̱ ama e cindere muwun ma̱ a̱na̱wu n na n da̱na̱i pa. Za vu ufaru zuwa ta̱ ka, a̱vu u kuwa̱ babu mawun. Reve za ve ire sotso yi. 26 A̱vu a̱yi fo u kuwa̱ babu mawun, reve za ro sotso yi waru, ne Éa a yuwain hali wo olo le suru. 27 A̱ tyo o ukosu, a̱vu kaêa fo u kuwa̱. 28 Na̱ A̱sula̱ a̱ ta̱wa̱ a̱ êya̱sa̱n ama o ukwisa̱, ka va zane Éa woo oêwo? Adama a na wo olo ta̱ ali e cindereêe suru." 29 ÆaÉa u usu nle, “I ri nu urevu shi, adama a na i reve ili i na Adanshi a̱ A̱sula̱ a dammai shi, waru i reve adama o ucira wa̱ A̱sula̱ shi. 30 Na̱ a̱ êya̱sa̱n ama a̱tsuma̱ a̱ a̱kwa̱kwa̱, aa yuwan lolo shi, waru aa ca lolo shi. O to oêwo gashi nlingata ma̱ A̱sula̱ Ée zuva. 31 Koto i Éenuna̱ ili i na A̱sula̱ a dammai adama o uêyosun a̱tsuma̱ a̱ a̱kwa̱kwa̱ shi? 32 A̱sula̱ a damma, ‘A̱mu Éa A̱sula̱ a Ibrahim, na̱ A̱sula̱ a Ishiyaku, oÉolo na̱ A̱sula̱ a Yakubu.’ A̱sula̱ waru A̱sula̱ a aza a wuma a Éa, agba A̱sula̱ a̱ a̱kwa̱kwa̱ a Éa shi." 33 Ana oÉolo a amaêa a uwwai tsundolo, a yuwan ta̱ asalama nu uritosu wa̱ yi. 34 Ana Afarishi a uwwai a na aza a Sadukiya a gura usu ili shi, ÉaÉa o Éolotoi uba̱ta̱ u ta̱. 35 A̱tsuma̱ e le, manlu ma̱ Wila̱ mo ro mo foÉo ta̱ cine wee reme Yesu ÉaÉa u yuwan niyi yeci: 36 “Manlu, a̱tsuma̱ a̱ Wila̱ wa Musa, zane Éa laêai mgbain?" 37 Reve Yesu usu yi, " ‘Vu ciga Zagbain A̱sula̱ a̱ wu no okolo a̱ wu suru, na asuvu a̱ wu suru, waru na̱ majiyan ma̱ wu suru.’ 38 A̱yi nda a̱yi Éa Wila̱ u gbain wu ufaru za na laêai ulobonu. 39 Wila̱ we ire fo u tu ulobonu, ‘Vu ciga moron ma̱ nden ma̱ wu cine vu cigai aciya̱wu.’ 40 Wila̱ wa Musa oÉolo na Atagada a Ama̱sula̱ suru za̱la̱ wila̱ re nda Éa a̱ ri." 41 Afarishiêi lo ubuwu uÉolotowu, ÉaÉa Yesu yuwan nle yeci, 42 “Nye yaa yuwusan majiyan adama a̱ Kristi Zamawawa? O ugundo wa̱ zane Éa wu uta̱i?” Reve a̱ usu, “Kristi Zamawawa Mawun ma̱ Da̱wuda ma Éa." 43 ÆaÉa u damma nle, “To, adama a̱ nye Da̱wuda Ée niyi ‘Zagbain?’ Ruhu va Akiza Éa zuwai Da̱wuda dammai, 44 ‘A̱sulazuva a damma ta̱ Zagbain va̱. Da̱nu o ukere usaêani u va̱, she na̱ n zuwa nêyuwatan ma̱ wu a apata a ana a̱ wu.’ 45 “Ana Da̱wuda Ée niyi Zagbain, cine woo oêwiso mawun ma̱ yi a mantsa ma̱ ta̱?" 46 Ko za gura usu yi shi. Diga lo ko za kawan da̱shi yuwan yi yeci waru shi.