Matta 24

1 Ana Yesu uta̱i a̱ A̱a̱êisamapaÉa, a̱yi a̱ ma̱ka̱ra̱a̱, a̱vu ojoro a̱ yi a̱ ta̱wa̱ uba̱ta̱ wa̱ yi, tsa̱ra̱ o roco yi saa va̱ A̱a̱êisamapaÉaêa. 2 ÆaÉa gba u damma nle, “Ye ene ta̱ saa nda suru? Amayun a Éa maa dansaa Éu, ko aatali a̱ ta̱ aa lyawa zuva vu za va̱ yi shi. Suru nle o to oco le e iÉa." 3 Yesu Ée nden a Masasan ma̱ Zetun, reve ojoro a̱ yi a̱ ta̱wa̱ uba̱ta̱ wa̱ yi a̱ da̱na̱ oÉolo na̱ a̱yi goon. A̱vu a damma, “Damma tsu mantsa ma na ili i ndolo yaa fara? Waru nye ya̱a̱ da̱na̱ iroci i na yoo roco tsu mantsa ma na va̱a̱ ta̱wa̱ ma rawa ta̱, waru mantsa ma na uvaÉi u nda woo koto?" 4 ÆaÉa Yesu tsu usu le, “I lyawa nanza pusa̱n Éu ugbozu wan. 5 Ama na̱ a̱bunda̱ a̱ ta̱ ta̱wa̱ na aala a̱ va̱, a ta damma, ‘A̱mu Éa Zamawawaêa.’ Waru a̱ ta̱ pusa̱n ugbozu wa ama na̱ a̱bunda̱. 6 I ta uwwa adama o uvon na alabari o uvon a na a̱ ri lo a̱ ta̱wa̱, amma she yu uwwa wovon wan. Ili i nda suru a ciga a êyuwan a fara, kafu ukosu u ta̱wa̱. 7 IÉa i ta yuwan nla̱ngi ni iÉa, tsugono waru tsu yuwan nla̱ngi na̱ tsugono. A ta yuwan mantsa ma ambulu na̱ a̱bunda̱. A ta yuwan ura̱mosu wi iÉa ba̱ta̱ ba̱ta̱. 8 Ili nda suru a̱ ta̱ gashi ufaru wu mÉa̱la̱ n limatan. 9 “Ama e te reme Éu, a zuwa Éu a̱tsuma̱lima̱, a̱vu o una Éu. Ama suru a ta êyuwan Éu adama a na i usu numu. 10 Adama o ndolo ama na̱ a̱bunda̱ a ta lyawa itoni i va̱. A ta yuwan nla̱ngi va̱ni le, reve a êyuwunlai. 11 Ama̱sula̱ e epen a̱ ta̱ ta̱wa̱, reve a zuwa ama na̱ a̱bunda̱ a̱ usu epen. 12 Adama o ndolo, iwuya i ta baza ba̱ta̱ suru, a̱vu icigi ya ama na̱ a̱bunda̱ i ta̱na̱ lon. 13 Amma aza a na a kaÉai asuvu hali a̱ tyo o ukosu, A̱sula̱ a ta wawa le. 14 She na a yuwan alajiya a Alabari a Saêaniâ  adama o tsugono tsa̱ A̱sula̱ uba̱ta̱ suru a̱tsuma̱ o uvaÉi, ÉaÉa ukosu wa̱a̱ ta̱wa̱. 15 “Mantsa ma̱ ta̱ ta̱wa̱ a na ye ene ili i na Daniya vumava̱sula̱ yuwain adanshi adama a̱ yi ‘Ili yi idaba i na i tsu lungusa̱ A̱a̱êisamapaÉa,’ mishin Upasu wa Akiza. (A̱Éu na yee Éesununa̱ ili i nda, i reve ili i na waa dansa.) 16 A mantsa mo ndolo, ama a Yahuda a êyuwan a ciga a suma a̱ tyo a nsasan tsa̱ra̱ a laêa. 17 Za na ri a alanga, she u ka̱mbisa̱ o uêwa adama u tara ili i ro wan. 18 Za na ri Ée o uÉuma̱, u ka̱mba̱ o uêwa tsa̱ra̱ u tara aapalutsu wan. 19 A mantsa mo ndolo, u ta suÉuwa a̱ma̱ci a na a̱ ri na̱ a̱tsuma̱ oÉolo na̱ a̱ma̱ci a na a̱ ri na̱ muwun n na ma apasa maani! 20 “I yuwan avasa tsa̱ra̱ ilaÉi i Éu yoo oêwo a̱tsuma̱ a̱ lyushi ko urana wa Ashibi wan! 21 A̱yi nda u to oêwo a̱tsuma̱lima̱ a na koto a yuwain shi, diga na a yuwain uvaÉi u nda. Waru cuêun va̱ a̱tsuma̱lima̱ o ndolo a̱a̱ da̱shi fara shi. 22 Amma A̱sula̱ e jebe ta̱ Ée rana ndolo, na̱ koto u yuwan ne shi, babu vuma na aa laêa. Amma A̱sula̱ e te jebe le adama a aza a na u Éangwai. 23 “A mantsa mo ndolo, ozo o ro a ta damma Éu, ‘Ka̱lyuwa̱i, ndeÉe Zamawawaêa!’ Ko za ro damma, ‘Apa yi’, agba she i usu wan. 24 Azamawawa e epen na ama̱sula̱ e epen a̱ ta̱ ta̱wa̱ a yuwan ili ya asalama ya̱ a̱bunda̱. A ta yuwan a̱tyo a na aa yuwan tsa̱ra̱ ama o toni le, hali na ama a na A̱sula̱ a Éangwai, na aa gura. 25 Gogo n to ronuso Éu atsuvu adama a nda, kafu ili i nda i fara. 26 “Adama o ndolo, na̱ za ro damma Éu, ‘Ka̱lyuwa̱i, Zamawawa ta̱ Ée o ogozo,’ she i êya̱wa̱ i ka̱lyuwa̱ wan. Ko a damma Éu, ‘Apa uba̱ta̱ u na u ri upaêun,’ she i usu wan! 27 Na̱ Mawun ma Vuma ma̱ ta̱wa̱, ama suru e te ene yi, cine i revei imaÉatsu i tsu maÉatsa zuva suru. 28 Uba̱ta̱ u na a̱kwa̱kwa̱ a̱ ri, lo Éa asala o tsu Éoloto, adama o ndolo iroci i nda u to rocosu ukosu u rawa ta̱ zuzu. 29 “Babu usa̱n na̱ rana va̱ a̱tsuma̱lima̱ ndolo koto, ‘Urana u ta̱ rumba̱na̱ Woto waru wa̱a̱ da̱shi ikana shi. Italyoêo i ta̱ riya̱, Waru A̱sula̱ a̱ ta̱ jinga̱Éa̱ cira na ri zuva.’ 30 “A mantsa mo ndolo, e te ene iroci i Mawun ma Vuma Ée zuva.â  Ama o uvaÉi suru a̱ ta̱ shon adama o wovon. E te ene Mawun ma Vuma a̱ ta̱wa̱ Ée zuva nu ucira na̱ tsugbain. 31 Waru u ta̱ lyungu nlingata ma̱ yi na̱ mesun ma aavana a gbain, o to Éoloto aza a na A̱sula̱ a Éangwai diga o ufaru wu uvaÉi a̱ tyo o ukosu wu uvaÉi uba̱ta̱ u ta̱. 32 “Gogo i rito urevu u nda e ekere o uÉanga wu ubiri: Nna̱ ye ene eten na̱ a̱vuêun e le a̱ lima̱na̱ da̱a̱n, waru na ayawa no ototopi, i reve mantsa ma̱ lyushi ma rawa ta̱ zuzu. 33 Na̱ ye ene ili i ndolo suru a farasa, i te reve mantsa ma rawa ta̱ zuzu. 34 I cuwan ili i nda suru i ta fara kafu ama a na a̱ ri nda wuma suru a̱ kuwa̱. 35 Zuva ni iÉa a̱ ta̱ ka̱ra̱, agba adanshi a̱ va̱ a̱a̱ ka̱ra̱ shi ko keêen. 36 “Ko za reve uranaêa shi, ko mantsaêa, hali na̱ nlingata ma̱ A̱sula̱ n na n ri Ée zuva hali na̱ Mawun ma Vuma. She Dada Éa goon revei. 37 Na̱ Mawun ma Vuma ma̱a̱ ta̱wa̱, ili i ta̱ da̱na̱ vadamma a mantsa ma na Nuhuâ  yuwain wuma. 38 A̱tsuma̱ a rana ndolo kafu u ulungusu u mini, ama a lyuwusa ta̱ no o sowi, na a yuwin lolo cine a tsu yuwusan hali urana u na Nuhu uwai a̱tsuma̱ a wantsun. 39 Agba a gura reve ili i na i ri a mmalu shi, hali mini ma̱ ta̱wa̱ ma lyuwa le suru. Ne Éa woo oêwo na̱ Mawun ma Vuma ma̱ ta̱wa̱. 40 Ali e re a̱ ta̱ da̱na̱ o uÉuma̱. A ta tara vuma ta̱ reve a lyawa vuma ta̱. 41 A̱ma̱ci e re a̱ ta̱ da̱na̱ a yira a aatali a yira. A ta tara ka ta̱ reve a lyawa ka ta̱. 42 “Adama o ndolo, i da̱na̱ ufoÉu, i reve urana u na Zagbain Éu ri lo a̱ ta̱wa̱ shi. 43 Na̱ za vu uêwa reve yashi i na vivu a̱a̱ ta̱wa̱, i reve waa lantsa shi, waru waa lyawa vivu ndolo uwa o uêwa wa̱ yi shi. 44 A̱Éu i êyuwan i ciga i da̱na̱ ufoÉu a mantsa suru. Adama a na Mawun ma Vuma ma̱ ta̱ ta̱wa̱ a mantsa ma na i zuwai shi. 45 “Aagbashi a̱ ne a Éa a̱ ri na̱ a̱Éula̱ nu ugbozu? A̱yi Éa za na zavuêwa va̱ yi zuwa niyi u ka̱lyuwusa̱ akapi a̱ a̱za̱ a̱ yi a agbashi, nu u casu nle ilyalya a mantsa ma saêani. 46 Na̱ zavuêwa va̱ yi ka̱mba̱, a̱vu u cina yi u yuwan ulinga u saêani, u ta ca yi iliyinkapa. 47 Amayun a Éa maa dansaa Éu, zavuêwa ndolo ta Éangwa aagbashi o ndolo wo oêwo za na a̱ da̱na̱ a̱ ka̱lyuwusa̱a̱ yi itana ya̱ yi suru. 48 Agba nna aagbashiêi u ri na̱ a̱Éula̱ shi, u ta damma aciya̱yi a na zavuêwa va̱ yi a̱a̱ ka̱mba̱ goêo shi. 49 Reve u reme malapa ma agbashiêi suru. A̱vu u uwa alya nu u sowi hali wo oêwo usowu oÉolo na̱ a̱za̱ a̱ yi. 50 Zavuêwaêa u ta̱ ka̱mba̱ a mantsa ma na u zuwai shi, ko a mantsa ma na u ri ufoÉu shi. 51 Zavuêwa u ta ÉuÉatsa yi lipu, a̱vu u ka̱mba̱to yi wo oêwo na̱ a̱za̱ e ikpaêa, uba̱ta̱ u na ama a̱a̱ shon na lumi anga adama a̱ a̱tsuma̱lima̱."