Marku 1

1 Apa nda Alabari a Saêani e Yesuâ  Kristi Zamawawa,â  Mawun ma̱ A̱sula̱. 2 U fara ta̱ ununa A̱sula̱ a dammai ana Ishaya vumava̱sulaÌ±â  Éanai ili i na A̱sula̱ a damma niyi waa fara: “N ta̱ lyungu malingata ma̱ va̱, elime a̱ wu, za na aa lapulaa wu ure. 3 UÉyo wu nanza e Éewu a̱tsuma̱ o una, ‘FoÉoyi Zagbain ure, yuwain ure wa̱ yi mejege.’ “ 4 Yahayaâ  za vu Urumbusu Éa da̱na̱i malingata ma na ma yuwusain alajiya o una. Alajiya a na u yuwusain adama a na ama aa vadalaâ  o unusu u le a̱ ka̱mba̱ uba̱ta̱ wa̱ A̱sula̱ u Éa. A̱ ta̱wa̱ ta̱ tsa̱ra̱ u rumbu le tsa̱ra̱ A̱sula̱ a yuwaan le gafura vu nusu le. 5 A̱vu ama e iÉa ya Yahuda suru, hali na ama a̱ Urishelima suru a̱ ta̱wusa̱ uba̱ta̱ wa̱ yi tsa̱ra̱ a uwwa yi. Aza a na a dansaa niyi nusu le, u rumbusu le ta̱ o UÉolu wa̱ Urdu. 6 Wo otosu ta̱ itana ye eleme a arakumi, waru wu nla̱sa̱ ta̱ gbakala vu ukwan. U lyuwusa ta̱ apapari ni ishiki. 7 U da̱na̱ ta̱ a dansaa ama, “Nanza ta̱ lo a̱ ta̱wa̱ a̱ca̱pa̱ a̱ va̱ za na laêa numu tsugbain, n rawa n ka̱nza̱ m ba̱Éa̱ vunu va aatan va̱ yi shi. 8 A̱mu na̱ mini ma Éa ma̱a̱ rumbusu Éu, amma a̱yi u ta̱ rumbu Éu na̱ Ruhu va Akiza."â  9 A̱vu wo oêwo a mantsa mo ndolo Yesu uta̱ ta̱ Ée Nazara e iÉa ya̱ Ga̱lili. Ana u rawai o UÉolu wa̱ Urdu, a̱vu Yahaya rumbu yi. 10 A̱yi a̱ mota̱a̱ a̱ miniêi, a̱vu we ene zuvaâ  kpa̱tuêwa̱, a̱vu Ruhu cipa̱a̱ yi oroci a muÉa. 11 A̱vu a uwwa uÉyo u ro Ée zuva, u damma, “A̱vu Éa Mawun ma na n cigai, n ta yuwusan ma̱za̱nga̱ na̱ a̱vu lon." 12 Babu usa̱n, a̱vu Ruhu tara yi a̱ êya̱wa̱ o una. 13 A̱vu u da̱na̱ pe o una rana amunga, Maleâ  a̱ lyungusa̱ yi. U da̱nu ta̱ ni inama yu una, agba waru nlingata ma̱ A̱sula̱ n da̱na̱ ta̱ a kambusa yi. 14 Ana Hiridu Antiba Éa̱ruyi Yahaya, a̱vu Yesu uwa pe e iÉa ya̱ Ga̱lili a casu Alabari a Saêani a̱ A̱sula̱. 15 U da̱na̱ ta̱ a dansa, “Mantsa ma yuwan ta̱, tsugono tsa̱ A̱sulaÌ±â  tsa yuwan ta̱ zuzu. Vadalai, i usu Alabari a Saêani." 16 A̱yi a mmalu a̱ ngeêen m Mala ma̱ Ga̱lili, a̱vu we ene Simo na̱ Andarawu mawun ma̱ a̱na̱wu ma̱ yi a̱za̱ e mereme ma mugula, a varishi igolo a malaêa. 17 A̱vu u damma le, “Toni numu, n ta̱ ka̱mba̱to Éu aza a na a̱ ta̱wa̱a̱ na ama." 18 A̱vu a lyawushi igolo i le, a̱vu o toni yi. 19 Ana u lyuwai elime na̱ mmalu waêa, a̱vu we ene muwun ma̱ Za̱ba̱di, Yakubu na̱ vawun va̱ yi Yahaya, ele pe a wantsun a lapulusa igolo i le. 20 A̱vu u Éeshi nle, a̱vu a lyawa Za̱ba̱di dada le a wantsuêun na aza a zamalinga. A̱vu o toni yi. 21 A̱vu Yesu no ojoro a̱ yi a uwa pe a̱ lyuci va Kafarnahum. O urana wa Ashibi a̱vu u uwa a̱ a̱a̱êisa̱,â  u reme uritosu. 22 A̱vu o oêwo asalama lon na̱ cuêun vu uritosu wa̱ yi, adama a na u to ritosu le ununa vuma na ri nu ucira, agba tsu munlu n Wila̱ shi. 23 Pe a̱ a̱a̱êisa̱êa̱ za na ri no otoni a̱ lima̱ shi ta̱ pe reve u remushi yisaali, 24 a dansa, “Yesu za va Nazara, te imini tsu na̱ a̱vu? A̱vu vu ta̱wa̱ ta̱ vu una tsu? Tsu reve ta̱ ko zane Éa vu ri, a̱vu Éa za va akiza a̱ A̱sula̱." 25 A̱vu u damma le nu ucira, “Rungwa̱i, a̱vu yu uta̱ i lyawa yi!" 26 A̱vu otoni a̱ lima̱êa̱ a̱ jinga̱Éa̱ vumaêa lipu e mejeêen, a̱vu u saala, ÉaÉa a kasai na̱ a̱yi. 27 Ama suru a yuwan ta̱ asalama a̱bunda̱, hali e ecelei aciyele, “Nye Éa tsunda? Uritosu u saêavu u Éa ndaêa. U ta̱ nu ucira lon. Hali no otoni a̱ lima̱ a Éa u tsu Éarasa le babu wovon, a̱vu a yuwan ili i na u damma nle a yuwan." 28 Babu usa̱n alabari a̱ yi a rawai ko te Éa ejege e iÉa ya̱ Ga̱lili. 29 Mota̱a̱ ma̱ yi a̱ a̱a̱êisa̱ oÉolo no ojoro a̱ yi oÉolo na̱ Yakubu na̱ Yahaya, a̱vu a uwa o uêwa wa̱ Simo na̱ Andarawu. 30 A̱na̱wa̱le Simo a̱ da̱na̱ ta̱ ubanakun, a̱vu a damma Yesu adama a̱ yi. 31 A̱vu u êya̱wa̱ ya̱êa̱ yi, u reme yi ukere, a̱vu u kamba êya̱sa̱n yi, ÉaÉa ubanakuêun u lyawushi niyi. Reve u yuwaan le a̱ga̱nda̱. 32 Ana ulivu u yuwain, a̱vu a̱ ta̱wa̱a̱ yi na ama a̱bunda̱, aza a na a̱ ri nu ubanakun, na aza a na a̱ ri no otoni a̱ lima̱. 33 A̱vu ama a̱ lyuciêi o Éoloto o una̱ntsu wa̱ yi. 34 U ka̱mba̱to ta̱ aza a na a̱ da̱na̱i nu ubanakun icuêun icuêun gbaga, a̱vu waru u lo otoni a̱ lima̱ na̱ a̱bunda̱. U lyawa le a yuwan adanshi shi, adama a na e reve niyi. 35 Uba̱ta̱ haÉa, a̱vu u êyon wu uta̱ u êya̱wa̱ uba̱ta̱ u na vuma ri shi. U êya̱wa̱ u yuwan Ée avasa. 36 A̱vu Simo na aza a na a̱ ri na̱ a̱yi a zami yi. 37 Ana e ene niyi, a̱vu a damma yi, “Ama suru a̱ te izami ya̱ wu." 38 A̱vu u damma le, “Tsu walai a̱ êya̱wa̱ a̱ mulyuci n na n ri elime, tsu yuwain alajiya. Ili i na n ta̱wa̱i n yuwan Éa ndolo." 39 She na u kotoi maêuwa ma̱ a̱êisa̱ e iÉa ya̱ Ga̱lili suru a yuwusan alajiya, waru o utusa̱a̱ ama otoni a̱ lima̱. 40 A̱vu ma̱kutu ma̱ ta̱wa̱ u kingyowa̱ yi, a̱vu u pati yi, “Na̱ vu usu, vu ka̱mba̱to mu gbaga." 41 A̱vu Yesu ene yi iliyali, a̱vu u êya̱sa̱n ukere wa̱ yi, a̱vu u juêwa̱n yi, u damma, “N usu ta̱, ka̱mba̱ gbaga." 42 A̱vu ukutuêu u lyawushi niyi, a̱vu u tsura̱ lafiya va̱ yi. 43 A̱vu u rono yi atsuvu u damma, “She vu damma vuma wan. A̱vu vu wala vu êya̱wa̱ vu roco aciya̱wu uba̱ta̱ wa ganu. A̱vu vu ca ili i ro, ununa a yuwusain a mantsa ma Musa, adama a̱ da̱na̱ nu urevu wi ili i na i farai.” A̱vu u damma yi u ka̱ra̱. 45 Ana wu uta̱i, u yuwan ne shi, a̱vu u teme a bazasa alabariêi. A̱vu ama na̱ a̱bunda̱ a uwwa, hali uba̱ta̱ u na a zuwai Yesu kuÉa̱i a uwa a̱ lyuciêi. A̱vu wi isawan Ée alanga na̱ lyuci uba̱ta̱ u na ama a̱ ri shi. A̱vu ama ko te Éa a̱ ka̱ra̱ a̱ ta̱wusa̱ ya̱êa̱ yi.