Roma 3

1 Ele aza a Israêila a̱ ta̱ ni ili i na akapi a ama a̱ ri na̱ a̱yi shi? Ulobonu u ne u Éa na a paÉa le uryumbu? 2 U tu ulobonu e re na̱ a̱bunda̱! Ure wu ufaru a̱yi Éa A̱sula̱ a lyawa ta̱ ikaka ya̱ yi e ekere a aza a Israêila. 3 Amayun a Éa ozo o ro e le a̱ usu ikakaêa shi. A̱yi ndolo ta gura putsaa a na A̱sula̱ a yuwan ili i na u yuwain nzuwulai? 4 Ko keêen! Ko na ama suru oo oêwo a̱za̱ e epen, A̱sula̱ za va amayun Éa. Adanshi a̱ A̱sula̱ a yuwan ta̱ adanshi adama a̱ yi, “Mantsa ma na vu yuwain adanshi suru, ama suru e te reve a na amayun a Éa wu. Mantsa ma na a tara nuwu a̱ êya̱wa̱ uba̱ta̱ wu ugeêetosu, vu ta lyuwa aci e le." 5 Ama o ro a tsu damma ta̱, “Na̱ tsu yuwan unusu, u to rocosu a alanga e eteshe a na A̱sula̱ a̱ a̱Éula̱ a Éa. Adama o ndolo na̱ A̱sula̱ a ca tsu a̱tsuma̱lima̱ reve tsu damma u nusaan tsu ta̱.” (Ne Éa ama aa gura damma.) 6 Mawasan ma nda amayun a Éa shi! Na amayun a Éa a na A̱sula̱ a tsu yuwan isaêani kuci shi, to, amayun waa gura yuwaan uvaÉi u nda ugeêetosu shi. 7 Za ro waru tsu damma ta̱, “Na̱ n yuwan epen, cine tsa Éa A̱sula̱ a damma a na a̱mu za vu unusu u Éa reve u ca mu oforo, ne epen a̱ va̱ o roco ta̱ ili i na u dammai amayun a Éa reve u ca yi tsugbain?" 8 Na̱ ne Éa, vu ta gura damma, “Lyawa tsu da̱na̱i a yuwusan iwuya adama tsu cayi A̱sula̱ tsugbain.” Ama o ro e isula tsu ta̱ ana a dammai tsu ta yuwusan cuêun vu uritosu u ndolo. Amayun a Éa shi! A̱sula̱ e te geêeto le a̱tsuma̱ e ili i na aa yuwusan. 9 To, cine tsa Éa a̱tsu aza a Israêila, tsu ta tarasa tsu laêa ta̱ akapi a ama a na a buwai? Ne Éa u ri shi, ko keêen! Tsu roco ta̱ Ée unusuâ  u ta guÉusa aza a Israêila oÉolo na Atakpaci fo. 10 Adanshi a̱ A̱sula̱ a damma tsu ta̱, “Babu za va̱ a̱Éula̱.â  Ko vuma ta̱. 11 Babu za vu ugbozu. Babu vuma na a zamishi A̱sula̱. 12 Ama a vadalaa ta̱ A̱sula̱ ucina̱ suru. Ama suru o oêwo ta̱ ama e pere. Babu vuma na aa yuwusan ili ya̱ a̱Éula̱. Ko vuma ta̱ babu." 13 “A̱ tsu ta̱wa̱ ta̱ nu ukwa̱ adama a adanshi o una̱ u le. Adanshi e le a̱ ta̱ tapu ne epen.” “Ili i na aa dansa a̱ ta̱ gashi tsukono tso yo." 14 “A ta yuwusaan ama una̱ na adanshi a na a̱ ri uyoêo shi kuci." 15 “Babu usa̱n u Éa a tsu una ama. 16 Uba̱ta̱ u na a̱ tyoyi suru a̱ tsu ta̱wa̱a̱ ta̱ nu ulungusu na̱ a̱tsuma̱lima̱. 17 A tsu yuwan ko ili i ta̱ i na aa zuwa ama a yuwan nden n saêani na akapi a ama shi." 18 “A uwwusa wovon wa̱ A̱sula̱ shi." 19 Tsu reve ta̱ ili i na Wila̱ u dammai suru, u ta yuwusan adanshi a ama a na A̱sula̱ a cayi Wila̱êa̱. Ne Éa u ri adama ama a̱ tsura̱ ure u mota̱a̱ wan, waru uvaÉi suru u reve u ta̱ nu unusu a̱ ma̱ka̱ka̱n ma̱ A̱sula̱. 20 Ko za lo na a gura yuwan ili i na Wila̱ u dammai suru shi, adama o ndolo Wila̱êa̱ waa gura zuwa tsu tso oêwo a̱za̱ a̱ a̱Éula̱ shi. Ili i na Wila̱ waa yuwusan a̱yi Éa u zuwa tsu tsu reve cuêun vu nusu na tsaa yuwusan. 21 Amma gogo A̱sula̱ o roco ta̱ ure u ro koêo a na waa tarasa ama a̱za̱ a̱ a̱Éula̱. Wila̱êa̱ ni iÉana ya Ama̱sula̱ a yuwan ta̱ adanshi adama o ure u nda, amma utonishi u Wila̱ wa Musa u Éa shi. 22 A̱sula̱ a ta tarasa ama a̱za̱ a̱ a̱Éula̱ na̱ a̱ ushi Yesu Zamawawa za na a̱a̱ za̱êwa̱ nusu le. Vuma suru to oêwo za va̱ a̱Éula̱ e ekere a̱ A̱sula̱ o ure u nda, ko cuêun vuma ne Éa u ri. 23 Ama suru a yuwan ta̱ unusu reve a̱ ga̱sa̱ a tsugbain tsa̱ A̱sula̱. 24 Amma A̱sula̱ a ta tarasa le a̱za̱ a̱ a̱Éula̱ adama e isaêani i na u cayi uneêe pere. U yuwan ta̱ ili i ndolo e ekere e Yesu Zamawawa, za na ka̱mba̱to ntsu fa̱a̱n ana wu za̱êwa̱i nusu tsu. 25 A̱sula̱ a ca ta̱ Yesu Zamawawa wo oêwo kucciâ  na a̱ ta̱wa̱a̱ na̱ nsa̱la̱la̱i, o ure wu ucasu wo okolo e ekere a mpasa ma̱ yi. A̱sula̱ a yuwan ta̱ ne adama u roco u ta̱ mejege, ana Ée na̱ a̱ca̱pa̱ u yuwain ankuri, reve u sakato nusu va ama. Agba gogo u ta̱ mejege ana waa tarasa za vu unusu na biti usuyi Yesu za va̱ a̱Éula̱ e ekere a̱ yi. 27 Tsu ta̱ ni ili i na yaa zuwa tsu tsu êya̱sa̱n avangaci adama a aciya̱tsu? Oêo, ana A̱sula̱ a̱ usu ntsu, adama e isaêani i na tsu yuwain Éa shi. Amma adama o ucawu wo okolo a̱ tsu a Éa. 28 A̱sula̱ a zuwa tsu ta̱ tso oêwo mejege na aciya̱yi adama a na tsu usuyi, amma adama a na tsu toniyi Wila̱ u Éa shi. 29 A̱sula̱ a aza a Israêila a Éa goon? Oêo, ne Éa shi! A̱yi fo A̱sula̱ a Atakpaci a Éa? Ee, ne ÉaÉa! 30 A̱sula̱ a̱ ta̱ a Éa a̱ ri lo, waru ure u ta̱ u Éa u ri lo a na u tsu usu ama. U tsu ka̱mba̱to ta̱ ama mejege na aciya̱yi goon na̱ a̱ usu. U Éa̱la̱ ko ele aza a Israêila a Éa ko ele Atakpaci a Éa shi. 31 Gogo a na tsu ri nu ucawu wo okolo, to, tsu ta vari Wila̱êa̱? Ko keêen! Ucawu wo okolo u tsu zuwa tsu ta̱ tso oêwo na amayun e ili i na Wila̱ u ciga ntsu tso oêwo.