Titu 3

1 Vu damma ama a̱ wu a yuwan tsutoni na̱ ngono, na azagbain a gwamnati. Ama a̱ wu waru a̱ da̱na̱ na̱ ntoniloi, reve waru a̱ da̱na̱ ufoÉu kuci na aa yuwan ili i na i ri ulobonu. 2 Na a êyuwan a ciga a yuwan adanshi e iwuya a aci a vuma ro wan, waru a ciga a êyuwan a lyawa nwasanlai. Na a yuwan ne, a̱ ta̱ da̱na̱ no okolo nven reve waru a ca ama suru tsugbain tsa amayun. 3 Æe nu ufaru, tsu da̱na̱ ta̱ na̱ tsulo nu ulambu wu ntoniloi. A̱ luluma̱ tsu ta̱ Ée, a̱vu tso oêwo agbashi e icigi yi iwuya na̱ mawwa mo uyoêo me iwuya. Reve wuma u tsu u da̱na̱ ni iwuya lon na̱ tsushuêun. Waru tsu êyuwan ta̱ ama o ro, reve ele fo a êyuwan tsu. 4 Agba a̱yi A̱sula̱, za na a̱yi Éa Za vi Iwawi i tsu, u roco tsu ta̱ isaêani ni icigi ya̱ yi. 5 U wawa tsu ta̱ adama a na we enei iliyali i tsu, agba adama e ili i saêani i na tsu yuwain Éa shi. Wu za̱êwa̱ ta̱ unusu u tsu a̱vu u ca tsu wuma u saêavu a̱tsuma̱ a̱ Ruhu va Akiza. 6 A̱sula̱ a̱ tsuwa̱a̱n tsu ta̱ Ruhu va̱ yi pere adama e ili i na Yesu Zamawawa yuwaan ntsu. 7 U ka̱mba̱to tsu ta̱ aza a babu unusu adama a̱ a̱ba̱jini e isaêani i na u yuwaan ntsu. Waru a̱tsu gogo tsu reve ta̱ tsu ta̱ tsura̱ wuma u babu ukotu. 8 Ili i na n dammai nda suru amayun a Éa. N ciga wu ta̱ vu yuwusan ne tsa̱ra̱ aza a na a cayi A̱sula̱ okolo a yuwan ugbozu a yuwan ili i saêani mantsa suru. Ili i nda a̱ tu ulobonu waru a̱ ta̱ nu urana o ukere wa̱ koyan. 9 She i uwa mawasan me pere adama a nkaya wan. She i uwa nla̱ngi na̱ mawasan adama o tsutoni tsa̱ Wila̱ wa aza a Israêila wan. Icuêun yi ili i nda suru a̱ ri nu urana shi, waru mantsa ma Éa a̱ tsu lungusa̱. 10 Na̱ za ro to mpolo u ta̱wa̱a̱ Éu na̱ wukasu, i ciga i êyuwan i Éara yi tsuÉari tsu ufaru, nu u da̱shiyisa̱ a yuwaan yi tsuÉari tse ire. Na̱ wu uwwa shi, she ili i ro i da̱shi Éolo Éu na̱ cuêun vuma ndolo wan. 11 Icuêun ya ama o ndolo a lyawa ta̱ amayun. Amaêa a ta yuwusan unusu, reve waru o kototo aciyele adama e ili i na aa yuwusan. 12 N te ifoÉi n lyunguwa̱ Éu na̱ Aritima ko Tikiku. Na̱ vuma ta̱ a̱tsuma̱ e le u rawa, vu yuwan a̱tyo a na vaa yuwan tsa̱ra̱ vu cina mu a Nikafoli. Ili i na i zuwai a̱yi Éa n Éangwa ta̱ n da̱nu Ée mantsa mo uta̱nu. 13 Vu yuwan a̱tyo a na vaa yuwan tsa̱ra̱ vu kamba Zina, za vu urevu wu ugeêetosu wa adanshi, na̱ Apolo a̱tsuma̱ a mmalu n le. Vu kamba le ni ili i na a cigai suru. 14 A̱za̱ e Itoni a zami ulinga u saêani na a ciga a êyuwan, waru a kamba ozo o ro aza a na a cigai ikambi. Ili i na i zuwai a̱yi Éa adama ama a̱ tsu a yuwan nden me pere a wuma u le wan. 15 Ama suru pa nda a̱ ta̱ ca̱sa̱sa̱ wu. Waru vu yuwan ankuri vu ca̱sa̱a̱ mu a̱za̱ e Itoni suru aza a na a ciga ntsu. Lyawa isaêani ya̱ A̱sula̱ i da̱na̱ oÉolo na̱ a̱Éu suru.