1 Samuela 23
OWB14 Deibida ilau yo ikeno-wadam koya kolili bwaine ule bwagabwaga mena esana Sip koina. Kaliyate kaigeda kaigeda Saulo iloyaloyai. Na Yeoba Deibida nige itatalamwan Saulo nimana mena. Kaliyate yabo Deibida iyaele yanuwa esana Olesi koina Sip dedeina mena. Kabo Diyonatan ilau koina yo ikabi-yakaiwe ana meli ipei Yeoba koina yo iba, “Tabu kumamatausi. Sauga ilalaoma koina kani kuyamala kin na Isileli kuloinayan.” Imwawasi Diyonatan Deibida ilogabaen ipileyoi ana yanuwa. Tomna 15-18 Sauga yabo Sip tomoliyao tupwaliyao silau Saulo koina Gibeya koina imiyamiya siba, “Deibida iyaele ikeno-wadam koya Akila bwaimwa ama dedei Olesi koina. Kulaoma na kasaguiwo takabi-kalatan.” Na Saulo iba, “Kwalau kwaloyai kabo saugana kwalobai yagu wasa kwaeyama.” Tomna 19-24a Deibida me ana kilakaiwo silauyoi yo simiyamiya ule bwagabwaga mena Maon koina. Sauga yabo Saulo me ana boda siyaele koya yabo dedei yabo koina na Deibida me ana kilakaiwo siyaele dedei yabo mena koyane koina. Na Deibida me ana bodao sisagesagena kaiwena kikiunamo Saulo me ana tokaleyayao sikabi-kalatagili. Kabo sauganane koina tosagenawasa iyawatagilima Saulo koina iba, “Mwayamwayau kwapileyoima kaiwena Pilistiya silusaeko ala yanuwa mena sikalekaleya.” Kabo Saulo ilopei Deibida kana loya koina. Muli mena Deibida ilau Engedi koina yo ikeno-wadam yoi. Tomna 24b-29