Same 130

1 O Yeoba, yagu nuwapolowe koina yayoga koliwo. 2 Yagu valam yo yagu yoga sagu kaiwena kubenalagili. 3 Tem ama naenaena meuloili kuyasiyasilili, yaiya sowasowana yatala iyabubu-gabaen? 4 Na kowa kunuwatu-pwaikimai na mesabana kayakasisi-yagiwo. 5 Yasanasana meyagu kalakisiye Yeoba ana sagu kaiwena, na ana walo koina yameli. 6 Yasanasanai yagu nuwatu kaikaiwesosina koina kabo muli mena boniyai kana togite-kalatan ana nuwatu kaikaiwena saugana isilasilawa isanasana malala kaiwena. 7 Tomo Isileli, Yeoba kwameliyan, kaiwena ana mulolo nige ana kaba mwawasi yo iya sauga meuloina me ana talam na ileboimiu. 8 Iya kani ana tomoyao Isileli ileboili ali pwanoli kolili.