Same 137
OWB1 Babilon yalubwasiliyao papalili mena tamiyasio kabo Saiyon tanuwatui kaiwena tavalam. 2 Mayau simiyamiya bwaine koina ala api tayatakeli, kani nige tavevenuyoi. 3 Na tokabi-kalatagilaone siloina-yagila siwaloba, “Wakabi-yaliyaya-yagimai wali kwawaliyagili Saiyon walina." 4 Gubesi yakato Yeoba walina tawaliyan na kitaele yanuwa wenala koina? 5 O Yelusalema, tem yanuwa-mwatainagiwo kani nima ulaulagu ibelu nige sowasowana api yavenuyoi koina, 6 besiele tabe tem yanuwa-mwatainagiwo yakato kowa yau kaba yaliyaya saesaesosina kani memenagu ipatu gayagayagu mena nige sowasowana yawaliyoi. 7 O Yeoba, kunuwatu-kalatan Idoma ali walo Yelusalema ana sauga beku koina, siwaloba, “Kwasiba-yanayanae itatagwaligwali molosi.” Ali walone kaiwena kuyamaisali. 8 O tomo Babilon, kani sisibayanaemiu. Siya analiyao siyamaisamiu ami paisowane kolimai kaiwena kani Yaubada ana walo-mulolo silobai. 9 Siya analiyao ami melumeluwone veku mena siwapa-yamateli kani Yaubada ana walo-mulolo silobai.