GWAY GI IDAWUU'D 130

1 ‘Peni mo jin ‘kula’kul mo tani aha/ gwokina ’twa/ e /e mo, ayy Tap̱a. 2 Tap̱a, ciḵi ’twa/ pem mo ma. Dhalki ‘cem pini c̱i’da hirdhe/ mo ki ’twa/ pem jin ’thoka/ to ka di’b me’di is mo. 3 Ayy Tap̱a, waḵki/ /e mini ’taki nyiṯẖa ris mony’coḵka/ mo tani Tap̱a, kaja a’di imidi dosh mo? 4 Hili mo jin gwamkina /eya gwam mo tani di’d e /e mo, ki /e a’di minu ’taki ḵo/ moyi. 5 Aha/ c̱orkina Tap̱a mo, aḵashiram pem c̱orki’da c̱or mo dhali e gwom pini mo tani aha/ tana ga ’teŋ kap̱e/ mo. 6 Aḵashiram pem c̱orki Tap̱a mo mmobola ris ‘kwani kun thimki mon’thamo/ e mo, mmobola ris ‘kwani kun thimki mon’thamo/ e mo. 7 Ayy Israyiil, tayi gi mo ma ’teŋ kap̱e/ e Tap̱a mo. Haali/ gom Tap̱a mo tani mo/en jin ṯelu sho’k diki’d mo dhali e a’di mo tani mo ma enthus jin wanuwa wan ‘ba/ ishki’d mo. 8 Dhali a’di midi wana Israyiil ‘ba/ mo ‘pena ris miim piti kun ‘coḵa’coḵ mo.