GWAY GI IDAWUU'D 149

1 Maŋi Tap̱a mo. Yuḵi gway gi Tap̱a mo gway jin ta gway this mo, momaŋ piti eya dhana tul ‘kup̱ gom ‘kwani kun ta ku isiŋ gana/ mo. 2 Dhalka Israyiil ‘bora bwa mo eya Man/uḵ a’di mo, dhalki iya/ ma Sihyuun ‘kunya bwa eya Maliḵ buni mo. 3 Dhalki uni maŋ gway piti ki p̱e jin p̱ena uni imis mo, mmolugum gway gom a’di ka dheŋdhenye/ jin p̱inu ki me’d mo dhala dheŋdhenye/ jin ‘kon ma shu/i pesu/ mo. 4 Haali/ Tap̱a bu’thki mo jin ‘boru bwa e ‘kwanim piti mo. A’di nyoŋki a’di jin kar is ki gwa’d mo ki mo jin p̱inu mii e mo. 5 Dhalki uni gun ta ku isiŋ gana/ iini mis gom bwam ‘boro’d e monyca mo. Dhalki uni yuḵi gway gom bwaŋ ‘kunyu’d eya cim buni mo. 6 Dhalki mo jin eḵa/ eḵ jin minu maŋ Tap̱a di’d e ‘kus buni mo, dhali dhan gandal kun kaaka ka ‘ban su/ ‘kon e me’d buni mo, 7 mmori/a ri’c jin ricu ap̱o/ kal gi ‘kwanin tiya mo dhali mmodora dora p̱o/ ‘kwani mo, 8 mmodeḵ imaliḵ buni ka jindhiir mo dhali unim buni kun sena ‘penkap̱an ka maḵḵiyyan toŋḵuthu’d mo, 9 mmotor uni gwon dwall ’twa/a ‘cesh, gwon dwall jin ‘kwarkunu mo. Yan ta monyca goma ris unim piti kun ta ku isiŋ gana/ mo. Maŋi Tap̱a mo.