1 CORINTHIANS 14

WBT

‹ Chapter 13 1 CORINTHIANS — All Chapters Chapter 15 ›

1 Ukau�an utaa unyukunuu tuukii manawun kamarainpan-karu dau�ati. Na�iki tuukii kapam utaa unyukunuu wuru dau�ati�i Kaimana�o Doronaa taaniaz pidan ka�iita-kinaa pasha�apatan kaudin-kizai. Tuukii manawun utaa unyukunuu wuru dau�ati�i, uka�iita-kinaa nii ukowaadan Tominkaru di�iki�o kuwai. 2 Usha�apanum kau�an pidan parada�oraz pana�a�o parada-karu ida�an, aona�oraz kanom aitapan, Tominkaru ati�o wuru�u uparadanuz, aonaa pidannao ati�o mani, usha�apanum kau�an aonaa na�ia�oram pidan aitapan na�apa�oram ukian. Kaimana�o Doronaa ma�ozakan ida�an ukowaadan aimaakan mishi kida�o, mazan aona�o nii kanom aitapan. 3 Mazan pidan kowaadapa�oraz Tominkaru di�iki�o kuwai pidannao aitapanii parada-karu ida�an, ukaminka�utan pa�an pamin-mishidannao, uma�ozakadan ĩnyukunuu, na�iki ukonaukiitan ĩdyaun ĩbaiatinan bii�i. 4 Ukau�an pidan parada�oraz pana�a�o parada-karu ida�an, aona�oraz kanom aitapan, soo pa�ida�a karikaonan uma�ozakadinan. Mazan pidan kowaadapa�oraz Tominkaru di�iki�o kuwai, pidannao aitapanii parada-karu ida�an, uma�ozakadan pa�an na�iki ukaminka�utan baokopa pamin-mishidannao. 5 �naudapa mani ipai unao paradan pana�a�o parada-karu ida�an, aona�oraz kanom aitapan. Mazan tuukii pa�an õaipan unao kowaadan Tominkaru di�iki�o kuwai pidannao aitapanii parada-karu ida�an. Usha�apanum kau�an pidan kowaadapa�oraz Tominkaru di�iki�o kuwai, powa�a umanawunun pidan parada�oraz ai pana�a�o parada-karu ida�an, aona�oraz kanom aitapan. Soo mishi pidan kaina�an an kowaada�o nii na�apa�oram wuru�u kii-karuz, uruu na�apa�o ida�an mishidapainao ma�ozakada-kao nii. 6 �min-mishidannao, aizii dii mani õkaawan u�ida�ati, õparadan u�ati pana�a�o parada-karu ida�an, aona�oraz kanom aitapan, na�apam nii dii õkaminka�utan na�iki õma�ozakadan unao? Mazan aizii dii mani õkaawan u�ida�ati õna�akan kuwai Tominkaru aitapa-kidanii õ�ati, oo õtominapa-kidan unao Tominkaru paradan dau�u, mishi na�apa�o ida�an õkaminka�utan nii na�iki õma�ozakadan nii pa�an unao. 7 Aushaa udi�itapa mooko kuwudii oo shamoro, aona�o nii pidannao aitapan sha�apa�oram uaran wuru�u tau-kariwaiz, soo utau-kao an kaimanaiman. 8 Na�iki kuwudii poota-kao an, aonaan an uaran kainaabanan, aona�o nii na�apam soldyaanao minziiwan mizaataaka-karu dau�ati. 9 Ukau�an na�apa�o nii pukakuwaapan an pana�a�o parada-karu ida�an. Aona�o nii pidannao aitapan kanom daua�o wuru�u pukakuwaapanuz. Ukau�an pukakuwaapan amazada ati�o karikaonan. 10 Kaina�a iriba pana�a kida�o parada-karu da�a�a imi�i baara�a, na�iki ipai wuru�u parada-karu kidaz, kaina�a pidannao aitapa�o paparadanuz. 11 Mazan õmaaitapakan an pidan paradan, tawarai wuru�u õgaruz u�ati, na�iki uruu tawarai kapam õ�ati. 12 Unao, uaipan idi tuukii manawun wuru�u Kaimana�o Doronaa taanii kidaz pidan ka�iita-kinaaz pasha�apatan kaudin-kizai, ukau�an utaa unyukunuu powa�a zii wuru kida dau�ati�i, uma�ozakada-kinaa ni�oraz umin-mishidannao. 13 Ukau�an pidan parada�oraz pana�a�o parada-karu ida�an, aona�oraz kanom aitapan, marii upishaan Tominkaru paaitapa-kinaa nii pakowaadan na�apa�oram wuru�u pakianuz. 14 �toriinpan an pana�a�o parada-karu ida�an aona�oraz kanom aitapan, mishi õdoronaa ida�ana�o karikaonan õtoriinapanuz, mazan aonaa õaitapan na�apa�oram wuru�u õkian. 15 Ukau�an, na�apam dii õsha�apatinan? �toriinpan nii pana�a�o parada-karu ida�an aona�oraz kanom aitapan, na�iki õtoriinpan nii õaitapanii parada-karu ida�an kapam. �kunuitan nii pana�a�o parada-karu ida�an, aona�oraz kanom aitapan, na�iki õkunuitan nii õaitapanii parada-karu ida�an kapam. 16 Pukonaukii-kidan an Tominkaru putoriinpan ida�an pana�a�o parada-karu ida�an, aona�oraz kanom aitapan, aonaa na�apam pidannao kian “na�apa mishizi,” wuru�u dau�ati�i putoriinapanuz, ĩmaaitapakan idi na�apa�oram pukian. 17 Pukonaukii-kidan pu�u padamata Tominkaru kaimana�o putoriinpan ida�an, mazan aonaa putoriinapanuz ma�ozakadauan wuru�u pidannao abatapainaouz putoriinpan. 18 “Kaiman,” õkian Tominkaru ati, õaitapan idi õparadan powa�a zii unao ai pana�a�o parada-karu ida�an, aona�oraz kanom aitapan. 19 Mazan mishidapainao baokopatinpan dono pachoochin ii, kaiman zii pa�an õ�ati õparadan an baka�iauda�u sodi parada-karu pidannao aitapanii ida�an, õtominapa-kida-kinaa nii õmin-mishidannao, õparadan ai dobata�a naa manawun parada-karu ida�an aona�oraz pidan aitapan. 20 �min-mishidannao, aonaa udi�itinpa�ana�a koraiziannao di�itinpan kawan. Na�iki na�apa kizi pa�an unao pa�ishizoinao kawan, aona�oraz ĩaitapan oia�o. Mazan udi�itinapa kizi pidan dyaupai�o di�itinpan kawan. 21 Kaina�a usaadinpan Tominkaru kaaritan ida�a, ukian, “�paradan nii õpidanannao ati ba�oran kaduz parada-karu kida ida�an, na�iki õparadan nii ĩ�ati ba�oran kaduz pidannao paradan ida�an. Mazan una�apan pu�u, aona�o nii ĩmishidan õgaru.” Naobanai kian. 22 Ukau�an, utukapa aizii, wuru�u pidan paradanuz pana�a�o parada-karu ida�an aona�oraz kanom aitapan, tukapa-kida�o nii Tominkaru ma�ozakan pidannao ati aona�oraz ĩmishidan Christ. Aonaa mishidainao Christ ati�o mani wuru�u parada-karuz pana�a�o parada-karu ida�an. Mazan Tominkaru di�iki�o kuwai kowaadapa-kaoaz, mishidainao ati�o pa�an, aonaa pidannao mamishida-kainao ati�o mani. 23 Aizii dii mani, ipai unao mishidapainao baokopatinan uchoochiipan dono, na�iki wuru�u pidannao aitapainaouz paparadan pana�a�o parada-karu ida�an aona�oraz kanom aitapan, ĩparadan naa, na�iki kaina�a pabi�i mishidainao kaawan aona�oraz ĩaitapan pana�a�oraz parada-karu, oo pidannao mamishida-kainao kaawan unao choochiipan ida�ati. Aizii ĩabatan idi unao paradan na�apa�o parada-karu ida�an, “Madoronaa-ziiwa wunaou�u,” ĩkian nii unao dau�an. 24 Mazan ipai unao ukowaadapan an Tominkaru di�iki�o kuwai, wuru�u pidannao mamishida-kainaouz na�iki wuru�u mishidainao, aona�oraz ĩaitapan pana�a�o parada-karu, aizii ĩabatan idi na�iki ĩaitapan idi unao kuwaa, ĩnyukunuu pishaata-kao nii pa�oian kida dau�an. Wuru�u kuwai ĩabataniaz tukapa-kidan nii na�apa�oram ĩkaduz. 25 Na�iki aimaakan kida ĩdizapaniaz panyukunuu ii, ipai�o nii uaitapa-kida-kao. Uruu idi ĩkodoru�ukan nii na�iki ĩtoriinpan nii Tominkaru ati, ĩkian nii, “Mishi�o, kaina�a Tominkaru da�a�a unao tuma!" 26 Kaikapa�o ati�o kaiwuru�u õkianuz õmin-mishidannao: Aizii ubaokopatinan dono uchoochin ii, marii ukaiwaan wuru�u Kaimana�o Doronaa taaniaz uka�iita-kinaa nii usha�apatan kaudin-kizai. Kaina�a�o nii pidannao kunuita�o nii, ba�orainao tominapa-kidan unao, ba�orainao kowaadapan kuwai Tominkaru aitapa-kidaniaz ĩ�ati, ba�orainao paradan pana�a�o parada-karu ida�an aona�oraz kanom aitapan, na�iki ba�orainao, marii ĩkowaadan na�apa�oram wuru�u ĩkianuz. Marii ipai aimaakan sha�apata-kariwaiz, ma�ozakada�o nii ipai mishidapainao. 27 Aizii pidannao parada�azo�o pana�a�o parada-karu ida�an, aona�oraz kanom aitapan, soo dya�utam oo idikinauda�u pidannao paradan taapada-kao, aonaa powa�a zii mani wuru aia�a. Ĩparadan dono, marii ĩparadan bauda�apa kida. Aizii ba�oran pidan, marii ukowaadan na�apa�oram wuru�u ĩkianuz. 28 Mazan aonaan an pidan nii aitapa�o pakowaadan na�apa�oram wuru�u ĩkianuz, pidannao paradainaouz pana�a�o parada-karu ida�an aona�oraz kanom aitapan, aonaa kizi ĩparadan. Marii ĩparadan pa�ida�a na�iki Tominkaru ati. 29 Marii dya�utam oo idikinauda�u pidannao kowaadapan Tominkaru aitapa-kidaniaz kuwai, na�iki ba�orainao, marii ĩabatapan na�iki ĩdi�itapan wuru�u kuwai, mishi�o wuru�u kuwai Tominkaru di�iki�o oo aonaa. 30 Mazan na�ia�oram an pidan abatapa�oraz na�ii, Tominkaru aitapa-kidan an aimaakan u�ati, marii wuru�u pidan kakuwaapatina�oraz mashaadan, turuu kizi pidan abatapa�oraz kowaadan Tominkaru aitapa-kidaniaz aimaakan u�ati. 31 Marii bauda�apa pidan paradan kiwiin, udauna�an ba�oran paradan udawu�ati. Na�apa ipai abatapainaouz tominpan nii na�iki ma�ozakada-kao nii. 32 Pidannao kowaadapa�o Tominkaru di�iki�o kuwai, turua�o ĩzaudapan ba�oran ipaian paparadan, udauna�an uruu, turuu uparadan naa kapam. 33 Usha�apanum kau�an Tominkaru, aonaa uaipan washa�apatan aimaakan na�apam karikaonan wabaokopatinan dono choochi ii, mazan uaipan ipai aimaakan sha�apata-kao kaiman pa�an. Ukau�an, marii kizi zunnao mashaa ĩdyaun ubaokopatinan dono uchoochin ii. 34 Na�apa ipai Tominkaru pidanannao sha�apainpan kawan ĩbaokopatinan dono pachoochin di�ii kida, aonaa zunnao taapada-kao ĩparadan. Jewnao kakinaorinaa kian kawana�ati, aonaa kizi ĩkazowautapan baokopatin-karu. 35 Ĩaitapa�azon an aimaakan dau�an, marii ĩpishaan paudaiarunao padapu ii. Usha�apanum kau�an kakiba�azonna�o wuru�u zun paradan baokopatin-karu dono. 36 Unao Corinth sannao itiiman Tominkaru Paradan wa�atin soo unao di�iki�o na�iki unao ati�o karikaonan? 37 Na�iki na�ia�oram pidan dakotina�o kowaadapa�o nii Tominkaru di�iki�o kuwai, oo Kaimana�o Doronaa taanii u�ati uka�iita-kinaa nii pasha�apatan kaudin-kizai, marii uaitapan wuru�u õsaadanii kidaz unao ati, Naobanai Jesus kakinaori wuru�u. 38 Mazan aonaan an utaan panyukunuu ati wuru�u kakinaoriiz, marina�a uruu. 39 Ukau�an õmin-mishidannao, utaa unyukunuu tuukii ukowaadapan dau�ati Tominkaru di�iki�o kuwai. Mazan aonaa umashaata�ana�a umin-mishidannao paradan pana�a�o parada-karu ida�an aona�oraz kanom aitapan. 40 Marii ipai aimaakan sha�apata-kao kaimana�o ida�an na�iki sakitapa�o ida�an.

‹ Chapter 13 1 CORINTHIANS — All Chapters Chapter 15 ›

1 CORINTHIANS 14

Cite / Share This Page