1 CORINTHIANS 6

WBT

‹ Chapter 5 1 CORINTHIANS — All Chapters Chapter 7 ›

1 Aizii na�ia�oram an unao kasharutaakan pumin-mishidan tuma, mana�a pumako�ona�a pukaakapa�anan pumin-mishidan kootoopauzonao ati, aona�oraz ĩmishidan Tominkaru. Mishi�oraiman, pupishaa pa�an mishidainao puchoochin ainaouz sakitapadan wuru�u ukasharutaakanuz. 2 Mishi, unao uaitapanii diina�iti�i Tominkaru pidanannaou�o nii wuru�u kootowa�o ni�oraz pidannao mashaapa�oraz ipai na�ia�akan. Ukau�an, unao turuu kapam usakitapadan masha�apannaa kida�oraz kasharutaaka-karu kida unao bii ana�oraz. 3 Mishi, uaitapanii waunaou�o nii wuru�u kootowa�o ni�oraz angelnao diina�iti�i. Ukau�an, unao turuu kapam udi�itapan na�iki usakitapadan wuru�u kasharutaaka-karu kida kai�oraz mashaapa-karu ida�a. 4 Una�apan kau�an, na�apainim an pukasharutaakan pumin-mishidan tuma, mana�a pumako�ona�a kootoopauzonao di�iti, aona�oraz ĩmishidan Tominkaru. Ĩnao aona�o turuu ĩsakitapadan ukasharutaakanuz. 5 �kian u�ati kaikapa�a õba�azoo-kida�azon unao. Aonaa mooko zoobaba bauda�apa pidan nii unao bii�i aitapaaba�o, ka�iita�o padi�itapan na�iki pasakitapadan mishidainao kasharutaakanuz? Mishi kaina�a�o wuru�u. 6 Mazan unao, umakon mamishida-kainao di�iti, na�iki ukaakapan umin-mishidan ĩ�ati, na�iki uaipan ĩsakitapadan ukasharutaakanuz. 7 Aizii wuru�u ukaakapaakanuz, na�iki una�akanuzu umin-mishidannao kootowapa-kizai iti, na�apa�o aida-kida unao aonaa umashaapan mishidainao kawan. Pumin-mishidan sha�apatan an aimaakan dikauda�o pu�ati, oo uzaamatan an pusha�apauzi, kaimana�o nii zii putuudan an punyukunuu pukaakapaan ai pa�an uruu kootoopauzo ati. 8 Mazan unao, aonaa ukashaapan una�apata-kao. Mishi�oraiman unaou�u naa sha�apata�oraz dikauda�o aimaakan, na�iki uzaamatan baokoinao sha�apauz ĩ�ai, na�iki usha�apatan di�oraz aimaakan umin-mishidannao ati�o. 9 Mishi, uaitapanii wuru�u pidannao sha�apatainaouz dikauda kida�o aimaakan, aona�o nii ĩwiizi nii Tominkaru naobanai-tinapa-kizi ii. Aonaa umariidautina�ana�a. Pidannao kaminshu�uinpainao, pidannao tominkaruniitapainao aimaakan karikaonan, pidannao kiaapainaouz aonaa pamin-mazidan mani, daonaioranao kiaapaakauzonaouz pa�atiaaka, 10 pidannao koidimikinao, pidannao na�azootinauzonao, pidannao po�idipauzonao, pidannao parada�o dikauda kida�o aimaakan ba�orainao dau�an, pidannao kazatainao pairiban sha�apauz; wuru�u pidannao sha�apatainaouz na�apa kida�oraz aimaakan, ĩnao aona�o nii ĩwiizi nii Tominkaru naobanai-tinapa-kizi ii. 11 Kiwiitapa, na�apa�o da�i pabi�i unao mashaapauzon. Mazan unao chikaa-kariwai�i naa u�oian ai, Tominkaru buutani�i naa pa�idiwau nii. Na�iki udakotani�i naa unao kaimana�o pidannao nii Naobanai Jesus Christ ma�ozakan ida�an, na�iki waTominkarun Doronaa ida�an. 12 Aizii pabi�i unao mishidainao kian, “�garu, kashaapa-kao õsha�apatan kanom karikaonan õaiapanii.” Mishi�o wuru�u, mazan aonaa ipai mani aimaakan õsha�apatanii kaimana�o õ�ati wuru�u. Pabi�i unao kian, “�garu, kashaapa-kao õsha�apatan kanom karikaonan õaiapanii,” mazan õgaru aona�o nii õkashaapan na�ia�oram aimaakan kazowautapan õgaru. 13 Mazan ba�oran kian nii, “Wanyukunui toma-kao watoba ati�o na�iki watoba toma-kao wanyukunui ati�o.” Mishi�o wuru�u, mazan diina�iti�i wa�aokazi�ian dono�o naa, aona�o ni�i naa powa�a wanyukunui nii, usha�apanum kau�an aona�o ni�i naa wananaa aipan wanyukunui. Mazan aonaa kaimana�o mani wuru�u wakaiwaan wananaa kaminshu�uinapa-karu dau�ati. Mishi�oraiman marii washa�apatan aimaakan kida wananaa ida�an, Naobanai Jesus aipan kawana�ati. Na�iki Naobanai Jesus wuru�u kazowautapa�oraz wananaa. 14 Pama�ozakan ida�an Tominkaru kadishita-kidan Naobanai Jesus mawaka-karu di�iki, na�iki ukadishita-kidan nii kapam waunao mawaka-karu di�iki pama�ozakan ida�an. 15 Mishi, unao uaitapanii unanaa zaamatinpa�o Christ nanaa di�iti. Ukau�an aonaa turuu õzaamatan Christ nanaa na�iki õbauda�apatanuz kaminshu�u-shoroaba nanaa di�iti. Aonaa turuu, aonaa masakauda�u! 16 Aonaa mooko uaitapan pidan kiaapa�oraz kaminshu�u-shoroaba, ubauda�apatinan otuma wuru�u? Usaadinpan kawan Tominkaru kaaritan ida�a, ukian, “Daonaiora kiaapan dono zun, wuru�u daonaiora na�iki zun bauda�apa�o kawanu�o ĩnanaa." 17 Mazan pidan zaamatina�oraz Naobanai Jesus di�iti, uruu ubauda�apatinan utuma wuru�u panyukunuu ii. 18 Mana�a ukaminshu�uinpa�ana�a. Ipai ba�oran aimaakan oii kida�o pidan sha�apatanii, aonaa usha�apatan unanaa. Mazan pidan kiaapa�oraz aonaa pamin-mazidan mani, usha�apatan aimaakan dikauda�o manawun pananaa ati wuru�u. 19 Mishi, unao uaitapanii unanaa Kaimana�o Doronaa mashaapa-kizi wuru�u. Uruu mashaapa�oraz unao ida�a na�iki uruu Tominkaru taaniaz unao ati. Ukau�an unao aonaa turuu usha�apainpan uaipan kawana�ati, mazan Tominkaru idiwau unao, 20 usha�apanum kau�an Tominkaru toriini�i naa unao. Ukau�an, ipai aimaakan usha�apatanii unanaa kida ida�an aida-kida kizi na�apam ukonaukii-kidan Tominkaru.

‹ Chapter 5 1 CORINTHIANS — All Chapters Chapter 7 ›

1 CORINTHIANS 6

Cite / Share This Page