1 THESSALONIANS 3
WBT1 Aizii wamakaêiitakan idiêi naa manawun wanaêan daêaêa, maabataka-daun unao diêiki oo unao dauêan, tuukii wadopian. Wamakoêozon padamata unao diêiti, mazan aonaa turuu wamakon ipai daunuudaêu. Uruu idi dyaêutam wawaêakinan daêaêa Athens idaêa. 2 Mazan wadyuuda soo pabaêoran karikaonan Timothy, wamin-kaudinan, kaminkaêuupauzoz wakaudinan Tominkaru ati, naêiki kaminkaêuupauzoz wakowaadapan Kaimanaêo Kuwai Christ dauêu. Wadyuudan uruu, maêozakadaêo nii unao nyukunuu, umishida-kinaa nii Christ powaêa zii manawun. 3 Ushaêapanum kauêan aonaa waaipan aonaa baudaêapa unao kashadinan oo padantan powaa iti, upatakaêuta-kao idi. Mazan aonaa umaaitapakanii mani wuruêu, ipai unao, uaitapa Tominkaru aipan kawanaêatiêo wuruêu, ipai waunao mishidainao baiatan dikauda kidaêo aimaakan Christ dikin ii. 4 Naêapa shaêatii tawuruêu wakuwaaz kiwiitapa, wamakonkan dono unao diêii. Wakowaada shaêatii uêati ipai waunao mishidainao, wabaiatan nii dikauda kidaêo aimaakan Christ dikin ii. Aizii mishi utukapan ipai aimaakan shaêapan, naêapa manawun waparadan kawanaêati. 5 Uruu idiêo õdyuudan Timothy unao diêiti. Ãmakaêiitakan idiêi naa manawun õnaêan daêaêa maabataka-daun unao dauêu, naêiki õabataêazon idi naêapam unao nyukunuu, pakawan zii umishidan oo aonaêa naa. Ãzauda-kidan Satan, wuruêu mariidapauzoz pidannao nyukunuu, tanawatin-kidan unao umishidapan ai Christ. Naêiki õzauda-kidan utanawatin-kidan unao powaa iti. Umishiin an utanawatinan, ukauêan madiwautapa-kaêo karikaonan wuruêu wakaudinanuz. 6 Mazan Timothy kaawan daunaêan zii unao diêiki, wanyukunuu saabainan, ukowaadan idi waêati, pakawan umishidapan Jesus Christ, naêiki pakawan umarainpaakan. Naêiki ukowaadan waêati, karikaonan kapam unyukunuitapan waunao kaimanaêo idaêan. Naêiki ukowaadan kapam waêati tuukii utukapaêazon waunao, naêapa watukapaêazon kawan unao. 7 Wairibannao, wabaiatan puêaêo manawun dikauda kidaêo aimaakan wuruêu waabatanuz uunamunaa pakawan umishidapan, naêiki sariapa mishi wanyukunuu wamaêozakadinan. 8 Aizii sookaêa naa wanyukunuu, waabatan idi pakawan zii maêozaka umishidapan Christ. 9 Tuukii manawun wakonaukii-kidan Tominkaru, “kaiman” wakian uêati unao dauêan. Naêiki Tominkaru aitapa naêapam ukonaukiidan wanyukunuu, waabatan idi kuwai unao dauêu. 10 Ipai kamoo naêiki ipai marutaêo wapishautan Tominkaru watoriinpan idaêan uêati, marii kizi udaêatan waponaa nii, wamako-kinaa nii unao diêiti, waipaidaêan kiziêi naa wakuwaa aonaêoraz zii wakowaadan uêati, unyukunuu maêozaka-kinaa nii, naêiki umishida-kinaa nii Christ powaêa zii manawun. 11 Marii Tominkaru, waDaruz naêiki wanaobanaa Jesus daêatan waponaa, wamako-kinaa nii unao diêiti. 12 Marii wanaobanaa taan marainpaaka-karu unyukunuu iti, umarainapa kizi ipai uiribannao, naêiki ipai baêoran pidannao powaêa zii kiwiiniêo ai, naêapa wamarainpauzon kawan unao. 13 Aizii umarainpaakan an mishi powaêa zii, wanaobanaa maêozakadan nii unyukunuu ipai oiaêo ai. Naêiki Tominkaru waDaru tukapan nii unyukunuu, kaiman kida paêidiwaru. Uruu idi aonaêo nii ubaêazootinan, utukapan idi unao kaimanainao pidannao nii, ukadishitan dono ukanaapu iti diinaêitiêi, wanaobanaa Jesus kaawan dono baokopa papidanannao tuma.