1 TIMOTHY 4

WBT

‹ Chapter 3 1 TIMOTHY — All Chapters Chapter 5 ›

1 Mishi kaimanaiman sha�atii Kaimana�o Doronaa kowaadauzon, diina�iti�i kaina�a�o nii pabi�i kida pidannao, mishidainaouz, marina�atan nii wuru�u pamishidanuz mishi�o kuwai. Na�iki ĩmishidan ni�i naa oia�o doronainao mariidin-kinaa kida, na�iki ĩda�anan ni�i naa wuru�u oiainao tominapa-kidanii kidaz. 2 Aizii wuru�u na�apa kida�oraz kuwai, uruu wunao na�akapani�i mariidamikinao kidaz. Mainaabata-kariwaiz naa kaiman kida�o di�itinapa-karu ĩzowau iki, na�apa chipirari wiichada-kariwai mainaabatanii kawanu�oraz naa. 3 Aizii wuru�u na�apainaouz pidannao, ĩkian aonaa turuu mazida-karu, na�iki ĩkian, kaina�a pabi�i kida aimaakan aonaa ukashaapa-kao unika-kao. Mazan ipai wanyukunui wuru�u aona�oraz ĩkashaapan unika-kao, Tominkaru tomanii pa�idiwaru wuru�u nika-karu nii. Mazan mishidainao, wuru�u aitapainaouznaa pa�an mishi�o parada-karu, turuu ĩnikan sha�apa�oram wanyukunui, patoriinapa-kidan dauna�anazu. 4 Mishi ipai Tominkaru toman aimaakan kaiman pa�idiwaru. Ukau�an aonaa turuu sha�apa�oram wanyukunui mana�idiapa-kao. Mazan ipai wuru�u wanyukunui kidaz, unika-kao nii utoriinapa-kida-kao dauna�an. 5 Usha�apanum kau�an Tominkaru paradan, na�iki toriinapa-karu ida�ana�o wuru�u, kaiman Tominkaru tukapan sha�apa�oram wanyukunui nika-kao. 6 Aizii pukowaadapan an ipai wuru kida dau�ana�a mishidainao ati, mishi�o nii pugaru kaimana�o poitorui Christ Jesus ati. Wuru�u kuwai kida pumishidaniaz na�iki puda�ananiaz ma�ozakadan nii punyukunuu powa�a zii. 7 Mazan aonaa pa�an õaipan punyukunuupan na�iki puda�anan wuru�u kotu�u kida�oraz kuwai madiwautapa-ka�oraz karikaonan, aonaa Tominkaru di�iki�o mani. Mishi�oraiman putominapa powa�a zii pusha�apatin kizi pa�an Tominkaru aipan kawana�ati. 8 Mishi pidan ikoda kaimana�o aimaakan pa�ati, uikoda pama�ozaka-kinaa nii, padimatinan na�iki pama�ozakainpan ida�an. Mazan pidan ma�ozakada�o panyukunuu Tominkaru dau�ati, uikodan nii aimaakan powa�a�o zii manawun ukaimanan ipai wuru aia�a ba�oran aimaakan kidaz. Uruu ida�ana�o nii pa�an uikodan kaimana�o mashaapa-karu kai, na�iki diina�iti�i Tominkaru tuma. 9 Mishi�o wuru�u di�oraz parada-karu kida�a. Marii kizi umishidanuzu kaimanaiman. 10 Mishi kasha�apannaa na�iki dadara wakaudinan. Usha�apanum kau�an waaitapa na�iki wamishida tuukii, kaina�a�o nii na�apainim wamakon wamashaapa�anan pa�an Tominkaru tuma, wuru�u karikaonanu�oraz ukakupauzon. Uruu wuru�u ipai pidannao kazannaatin-kinaa ni�oraz, na�iki kazannaata�oraz ipai wuru�u mishidainaouz Christ. 11 Aizii pukowaada�a naa, na�iki putominapa-kida�a naa pidannao ipai wuru dau�a�a parada-karu na�iki kakinaorii kidaz. 12 Mana�a pukashadapa-kidina�ana�a pupa�inan idi zii. Mishi�oraiman, putukapa-kida kaimana�o pukaduz mishidainao ati, puparadan ida�an kaiman, na�iki putukapa-kida ĩ�ati kaimana�o mashaapa-karu, na�iki putukapa-kida ĩ�ati pukamarainapanun, na�iki putukapa-kida kapam wuru�u pumishidanuz, na�iki putukapa-kida ĩ�ati na�apam putaapinan kaiman ipai oia�o ai. 13 Atii õkaawan na�iti, karikaonan puaitaapa saada-kariwaiz kida Tominkaru paradan ipai pidannao ati na�ii, ĩkasaba�uinpan kawana�ati. Na�iki pukowaada ĩ�ati kaimanaiman na�apa�oram wuru�u parada-karu kida kianuz. Na�iki putominapa-kida kizi�i naa ipai wuru�u pidannaouz, ĩsha�apatin kizi�i naa ipai parada-karu kawana�ati. 14 Mana�a pumarina�ata�ana�a kaimana�o aimaakan tawuru�u Tominkaru taauzoniaz na�apa pukaudin-kinaa nii, prophetnao ida�ana�oraz ukowaada-kida-kao, tawuru dono�o choochi zowaunaanao toriinapa-kidauzon na�iki ĩmuudauzon dono�oraz paka�u pu�ida�ati. 15 Ukau�an putiwautina�a naa na�iki pusha�apatina�a naa na�ii ipai wuru kawana�ati�i, kakinaorii kidaz saada-kariwaiz pu�ati. Marii kizi ipai pidannao tukapan pukaudin-kizi tuubarudinan. 16 Puaitapin pa�i kaiman pumashaapa, pukuwaa na�iki putominapa-kidan kawana�ati pidannao. Pakawan pusha�apatin wuru kawana�ati�i pusha�apaapauzonii kidaz. Usha�apanum kau�an, pusha�apatinan an ipai ukawana�ati, pukazannaatinan nii, na�iki pukazannaatan nii wunaou�u abatainao kidaz pukuwaa.

‹ Chapter 3 1 TIMOTHY — All Chapters Chapter 5 ›

1 TIMOTHY 4

Cite / Share This Page