2 CORINTHIANS 7

WBT

‹ Chapter 6 2 CORINTHIANS — All Chapters Chapter 8 ›

1 Mishidainao õmarainapaniinao, uabata na�apam Tominkaru kowaadan pazaamata�azon waunao paudainao nii. Ukau�an aizii wamuuda�a naa ipai oia�o wuru�u pataka�ua�oraz wananaa oo wadoronaa. Mishi kizi�i naa pa�an wamashaapan kaiman, na�iki wakichana�iki washa�apaapan ai oia�o, Tominkaru awun za�a, wamashaapa kizi�i naa ma�oiaka-daun uaipan kawana�ati. 2 Ukaimanda�a naa shoman unyukunuu wa�ati. Aonaa kanom washa�apatan dikauda�o nii unao ati. Aonaa wapataka�uan wuru�u umashaapanuz kaiman Christ ati, na�iki aonaa wakazaapan puraata oo aimaakan kida u�ai. 3 Aonaa õba�azootin-kida�azon mani unao kaiwuru�u õna�apanuz u�ati. Na�apa õkiauzon kawan u�ati, tuukii wamarainpan unao, na�iki karikaonanu�o nii wataapan unao wanyukunuu ii, wakakupan pu�u oo wamawakan pu�u. 4 �aitapa mishi�o wuru�u unao mishidanuz Christ, uruu idi õkakuwaapan umanawunu�o ida�an umishidapan dau�u. Uruu ida�an tuukii uma�ozakadan õnyukunuu. Aizii tuukii õkonaukian wabaiatan pu�u kasha�ora kida�o na�iki to�ora-karu, mazan upu�u tuukii õkonaukian. 5 Aizii wakaawan dono�o naa Macedonia ati, aonaa wasookapan kaiman. Ipai wamako-kizi kawana�ati wabaiatan to�ora-karu na�iki wakakuwaatinan towauda�uta-kao. Wanyukunuu kasharuapa-kao pu�u, kaina�a zii kaziwa wadi�itinpan ipai unao dau�an. 6 Mazan Tominkaru konaukiidauzoz pidannao nyukunuu ĩkasha�oran dono, ukonaukiida waunao Titus kaawan idi wa�ida�ati. 7 Tuukii manawun wakonaukian Titus kaawan idi. Mazan powa�a zii wakonaukian waabatan idi Titus kowaadan kaiman utaapan na�iki udapaapan uruu. Na�iki ukowaada õ�ati tuukii unao tukapa�azon õgaru. Na�iki tuukii unao kasha�oran ukasha�oradan dikin ii õnyukunuu. Na�iki ukowaada kapam tuukii udi�itinpan ukaminka�uta�azon dau�an õgaru. Uruu idi õkonaukian udawun iti manawun. 8 �kasha�orada mani mishi unao õsaadanii kida õparadan ida�an, mazan aizii kaiman õ�ati õsaadanuz. �garu na�apa kasha�ora�aka�o kapam õnyukunuu õsaadan idi na�apa unao ati. Aizii ukowaada-kao idi õ�ati mishi unyukunuu kasha�ora�akan masakauda�u õkaaritan aitaa-kao dono u�ati. 9 Uruu idi aizii tuukii õkonaukian, mazan aonaa õkasha�oradan idi�o mani, mazan õkonaukian ukasha�ora-kidan idi usha�apatan wuru�u oia�oraz aimaakan, na�iki umarina�atan idi wuru�u usha�apaapanii kidaz. Na�apa�o kasha�ora-karu wuru�u Tominkaru aipaniaz, uaipan idi wa�ati-karu pa�ida�ati. Ukau�an aonaa wakaziwan unyukunuu wasaadanii wakaaritan ida�an, mazan wakaminka�uta pa�an unao. 10 Pidan mishi�o ukasha�oran pasha�apatanii oia�o dikin ii Tominkaru aipan kawana�ati, mishi�o nii umuudan na�iki utanawatinan pasha�apaapan ai oia�o. Uruu idi Tominkaru mainaabatan nii u�oian u�ai, na�iki ukazannaatan niizu. Ukau�an aonaa turuu wakasha�ora-kidan wuru�u na�apa�oraz kasha�ora-karu. Mazan pidan kasha�ora�o padamata pa�oian dikin ii, mazan upu�u aonaa uwa�atin oo utukapa-kidan zoobaba panyukunuu kasha�oran Tominkaru ati pasha�apaapan dikin ii oia�o, aona�o nii Tominkaru kazannaatanuz, mazan ukaboota-kao nii karikaonanu�o pataka�utin-kizai iti pa�oian dikin ii. 11 Mazan wuru�u kasha�ora-karu Tominkaru aipan kawana�ati�oraz, pidan ikoda uruu ida�an panyukunuu ma�ozaka-kinaa nii. Uruu idi�o wuru�u sariapa unao di�itinpa�akan, na�iki tuukii uaipa�akan usakitapadan wuru�u pidan oiainapanuz. Na�iki sariapa uto�ora�akan umamashaatakan idi wuru�u oia�o sha�apaapa-kaoaz. Sariapa utarian, uaitapa�akan idi�i naa Tominkaru pataka�utan nii pidan umamuudakan an pasha�apaapan oia�o. Sariapa uaipa�akan õmorowautapan oo õmakon u�idi�iti. Sariapa uaipa�akan õaitapan tuukii unyukunuitapan õgaru. Uruu idi sariapa mishi upataka�utan pidannao wuru�u sha�apatainaouz oia�o, na�apa õparadan kawana�ati. Wuru�u usha�apatanii kidaz ida�an utukapa-kida mishi�o aonaa ubaokopatinan oia�o sha�apaapa-kao dau�ati. 12 Aizii tawuru�u õsaadanuz kaarita unao ati, aonaa õaipan mani upataka�utan wuru�u sha�apata�oraz dikauda�o aimaakan, oo õsaabaa-kinaa ni�o mani pidan nyukunuu wuru�u kasha�orada-kariwaiz. Mazan õsaadan õkaaritan na�apa, õaipan idi�o udi�itinpan na�iki utukapa-kida kizi Tominkaru ati mishi umarainpan na�iki uizo�atin waparadan. 13 Uruu idi tuukii wanyukunuu ma�ozakadinan. Powa�a zii wakonaukian watukapan idi Titus kaawan konaukii unao di�iki. Kaiman unyukunuu ukaawan dauna�an unao di�iki, aonaa powa�a ukaziwadapan panyukunuu unao dau�an. 14 Umanawunu�o da�i õkowaadapauzon unao dau�an Titus ati. Kaiman õ�ati aonaa uba�azootin-kidan õgaru u�ati. Na�apa wakowaadapauzon kawan mishi�o kuwai unao ati. Na�apa�o da�i wakowaadauzon Titus ati mishi�o kuwai unao dauna�an. Aizii utukapanka�a naa unao kaduz, na�apa mishi wakowaadan kawan u�atiz. 15 Tuukii Titus marainpan unao, pakawan unyukunuitapan pataapa-kao kaiman umanawunu�o Tominkaru poitoru nii, na�iki ipai uizo�atin uparadan na�iki kaiman utaapan uruu umakonkan dono unao di�ii. Uruu idi powa�a zii manawun umarainpan unao. 16 �garu na�apa, tuukii õkonaukian usha�apanum kau�an õaitapa na�iki õmishida kaimana�o nii unao sha�apatinan Tominkaru aipan kawana�ati.

‹ Chapter 6 2 CORINTHIANS — All Chapters Chapter 8 ›

2 CORINTHIANS 7

Cite / Share This Page